9 आयु कानिङे़ॽ इगो ए़क्सोक्या याॽमि नम्नम ले़ःॽनुङ नुबोक्पॽआसे़ॽ मोबा इन्डोक इगो याॽमि नुबुक्पॽआ खा सिम्मामि लागि हे़निङे़ॽ कानिङ लाजे़ॽपॽआहोङ,
येसुडे़ॽ माहाजि लुसुजि, “काङ्मि पाबाबाङ्हा बेॽलो नुबा योम्बोक हे़निङ्मि पोम्बेॽ ले़ःॽनुङ खाङ्मुसुङ, माहा योम्बोकपेॽ हाम्बे योम्बोकमि साटोबेॽ का रुङ्गोॽवाडे़ॽ फे़ङ्मा योॽइन्डानिङे ?”
हे़निङे़ॽ चाहिँ मोसाडे़ॽ पिबॽआ नियम नासि मे़लिरो लुनुङ नाजामे याकपेॽसो खतना ले़न्डानुम, के़ॽ चाहिँ इक्को याॽमि नाजामे याकपेॽ नुबोक्माबेॽ हे़निङ इन्ढोङ सुरके़न्डानिङे ?
तर इगोमि टुम्बेॽ रोमि हाङ्बा इमाङ्सो मे़साप्हेसुङ। मोडोगे़ॽ इगो याॽमि हे़निङ्मि पोम्बेॽ चिक्चे़टुङे। चइबानोॽ इमाबेॽ के़ॽ हाङ्बा अग्रिपामि पोम्बेॽ चिक्चे़ॽमा मिङ्इटुङे। हे़निङे़ॽ इगो नुरोॽ सिम्नुङ जाँच ले़ःॽपेॽटानुमहोङ के़ॽ साप्मे खा चुप्मिनुङेन्डे लुमे आसा ले़ए़टुङे।
मोबा पत्रुसडे़ॽ इडोॽ लुनुङ नासरतबेॽए येसुमि निङ्बेॽ पुके़ॽनुङ राप्से लुसाङ मो सोगुबामि चुप्थिङ हुक राःप्नुङ येपोक्माराप्टु। मोडोक्पेॽनोॽ मो याॽमिमि सराङ्मि राङ्ठुॽमाबेॽ बोल लेस्सा।
खिरिस्टबेॽ बिस्वास ले़ःॽमाबेॽ बेजेत लिहोङ टाङ्बा ओहाकमा मिडानुमे, इन्ढोङ्होङ निवाहाङ्मि महिमानुङ्मा होङ्निवा हे़निङ्बेॽ टुये।