एप्‍पा चोङ्‌सा 1:8 - याम्फु

⁸ तर पबित्‍रा होङ्‌निवा हे़निङ्‌बेॽ लेङ्‌येबाङ हे़निङे़ॽ बोल चुप्‍मिन्‍डानुमे, मोबा हे़निङ यरुसलेमबेॽ, यहुदियानुङ सामरिया ठाउँबेॽ, मोबा मक्‍खाम्‍डेम चोपराजि के़ए़ साक्‍छि लिन्‍डानिङे।”

एप्‍पा चोङ्‌सा 1:8 Iomraidhean Croise

मत्‍ति 24:14

मोबा राज्‍यमि इगो सुसमाचार मक्‍खाम्‍डेमबेॽहा चोप जातिजिमि लागि साक्‍छि लिरो लुनुङ परचार लिये, मोबा ए़क्‍साङ मक्‍खाम्‍डेम नास लिमे याक लेङ्‌इये।

मत्‍ति 28:19

मोडोगे़ॽ खडानिङे चोप जातिहा याॽमिजि चोङ्‌सा टोक्‍सानुमे। माहाजि पाबा निवाहाङ, पसा येसुनुङ पबित्‍रा होङ्‌निवामि निङ्‌बेॽ बप्‍तिस्‍मा पिसानुमे।

मरकुस 16:15

मोबा खोसे़ॽ माहाजि लुसुजि, “मक्‍खाम्‍डेमबेॽहा चोप याॽमिजि सुसमाचार परचार ले़टानुमे।

लुका 1:35

मो थाङ्‌सिरिदुतडे़ॽ लुसु, “निवाहाङ्‌मि पबित्‍रा होङ्‌निवा हे़नबेॽ लेङ्‌इये, मोबा चोप्‍पाङ महान निवाहाङ्‌मि सक्‍तिमि लावा हे़न सोक्‍पेॽ सिॽइये मोडोगे़ॽ टोॽइये ओङे़क पबित्‍रा लियेनुङ खो निवाहाङ्‌मि पसा लुये।

लुका 10:19

खेप्‍सानुमे, के़ॽ हे़निङ पुसे़ॽनुङ बिच्‍छि सिक्‍मे़ मोबा सतुरजिमि चोप सक्‍तिसोक्‍पेॽ अधिकार पिबेनिम्‍ने़। इमाङे़ॽसो हे़निङ नासि ले़ःॽहेमिने।

लुका 24:29

तर मोजिडे़ॽ खो लुसाजु, “हागो नम किॽखे़ॽसिॽ पोरोइटे़, आइ हे़नसो कानिङ्‌नुङ्‌नोॽ सोरि पेने।” मोबा येसु मोजिनुङ्‌नोॽ सोरि पोप्‍सिॽ खडा।

युहन्‍ना 15:27

हे़निङ याक्‍लोएबाङ्‌नोॽ कानुङ टुबॽआसे़ॽ हे़निङ्‌सो काङ्‌मि साक्‍छि ले़न्‍डानिङे।”

एप्‍पा चोङ्‌सा 1:22

खो युहन्‍नामि हुकबाङ येसुडे़ॽ लाबॽआ बप्‍तिस्‍मा मोबा कानिङ्‌मि रुम्‍बाङ परभु येसु थाङ्‌सिरिॽटु ठेॽखे़ॽपॽआठोक लिबॽआ खा खाङ्‌घुबा, लेघुबा याॽमि पाप्‍मिये। परभु येसु हिङ्‌बोक्‍पॽआ खा कानिङे़ॽ लेबॽआडोक्‍नोॽ खोसे़ॽ लेमा खे़ये।”

एप्‍पा चोङ्‌सा 1:5

युहन्‍नाडे़ॽको हे़निङ योङेॽ बप्‍तिस्‍मा पिटे़, तर इक्‍याक नियाक ए़क्‍साङ हे़निङे़ॽ पबित्‍रा होङ्‌निवामि बप्‍तिस्‍मा चुप्‍मिन्‍डानुमे।”

एप्‍पा चोङ्‌सा 13:31

मोबा बेॽलो याकरो खोनुङ गालिलबाङ यरुसलेम लेङ्‌खुबाजिडे़ॽ खोमि सेन्‍जिसेम्‍माङ चुप्‍टुजि। मोबा आयु माहाजिनोॽ इस्‍राएलि याॽमिजिमि लागि खो खाङ्‌मुघुबा साक्‍छि ले़म्‍मे।

एप्‍पा चोङ्‌सा 2:32

“मोनोॽ येसु निवाहाङ्‌डे़ॽ फेरि हिङ्‌रिक टोङ्‌इटुए मो खा खाङ्‌खुबा कानिङ चोप साक्‍छिजि टुन्‍डिङ्‌मा।

एप्‍पा चोङ्‌सा 22:15

इन्‍ढोङ्‌होङ खोमि गबाहि लिनुङ हे़ने़ॽ खाङ्‌बॽआनुङ खेम्‍बॽआ खा चोप याॽमिजि खेम्‍मेॽमा खे़ये।

एप्‍पा चोङ्‌सा 3:15

इडोॽ हे़निङे़ॽ हिङ्‌मवा पिघुबा सेॽनेसानुम, तर निवाहाङ्‌डे़ॽ खो सिघे़ॽपॽआबाङ हिङ्‌रिक टोक्‍सु मो खामि कानिङ साक्‍छि ले़न्‍डिङ्‌मा।

एप्‍पा चोङ्‌सा 4:33

मोबा एप्‍पा चोङ्‌साजिडे़ॽ बेॽए सक्‍तिनुङ येसु हिङ्‌रिक लिबॽआ खामि साक्‍छि पिसुजेनुङ निवाहाङ्‌मि बेॽलो आसिस खोजिबेॽ टुसहा।

एप्‍पा चोङ्‌सा 5:32

इगो खामि साक्‍छि कानिङ्‌नोॽ टुन्‍डिङ्‌मा मोबा निवाहाङ्‌मि खा खेम्‍घुबाजि खोसे़ॽ पिबॽआ पबित्‍रा होङ्‌निवाडे़ॽसो साक्‍छि पिमे़ॽनिङ्‌सिन्‍डुए।”

एप्‍पा चोङ्‌सा 6:8

मोबा स्‍तिफनसडे़ॽ निवाहाङ्‌बाङ बेॽलो आसिसनुङ सक्‍ति चुप्‍नुङ याॽमिजिमि रुम्‍बेॽ खरिहा चिङ्‌गानुङ योम्‍बोक ले़टु।

एप्‍पा चोङ्‌सा 8:1

मोबा स्‍तिफनसमि सिगुयाक बिस्‍वासि लङ्‌गामजिडे़ॽ लाघे़ॽनुङ येःॽमाबेॽ युङ्‌आनुङ खोजि सारोनोॽ हाःबामि। इडोॽ स्‍तिफनस सेॽमाबेॽ साउलसो मोबेॽ टुसे़। मो याकबाङ यरुसलेमबेॽहा मन्‍डलिबेॽ सारोनोॽ चुङ्‌जोबोगुजि। मोबा एप्‍पा चोङ्‌साजिबाङ हाइखा येसुबेॽ बिस्‍वास ले़ःॽखुबाजि चोप यहुदिया लुमे ठाउँनुङ सामरिया ठाउँराजि टुप्‍खडामि।

रोमि 10:18

मोडोक्‍होङ इमा माहाजिडे़ॽ सुसमाचार मे़ङ्‌खेम्‍डिॽटुजे ? मोडोॽ ने़ॽनि, माहाजिडे़ॽ नुरोॽ खेम्‍इटुजे। “माहाजिडे़ॽ परचार ले़ःॽपॽआ खा मक्‍खाम्‍डेम इॽठुप मुॽइटे़। मोबा माहाजिडे़ॽ परचार ले़ःॽपॽआ बचन मक्‍खाम्‍डेममि चोप ठाउँबेॽनोॽ रुॽइटुए।”

रोमि 15:19

इघा खरिहा योम्‍बोकनुङ सक्‍तिनुङ्‌हा चिङ्‌गा पबित्‍रा होङ्‌निवामि सक्‍तिडे़ॽ ले़ए़टुङे। इडोॽ के़ॽ यरुसलेमबाङ इल्‍लुरिकन देसठोक चोप ठाउँ खिरिस्‍टमि टुम्‍बेॽ नुरोॽ सुसमाचार परचार ले़ए़टुङे।

कलस्‍सि 1:23

चइबानोॽ हे़निङ टाङ्‌बामि बिस्‍वासबेॽ दिगोनुङ बोलियो लिसानिङे। हे़निङे़ॽ खेम्‍बॽआ सुसमाचारमि आसाबेॽ सानिङ पेनानिङे। इगो सुसमाचारनोॽ सिरिस्‍टिबेॽहा चोप याॽमिजि खेम्‍मेॽपॽआ ले़ये। इगो सुसमाचार खेम्‍मेॽमामि लागिनोॽ का पावल सेवाक लिटिङे।