9 हेसुहोङ का चुप्सिॽ चान्डो आबे।
असे़ॽहोङ्सो हे़नबेॽ मुद्दा ए़न्नुङ न्याय ले़ःॽसिॽ चिक्खे़ॽहोङ रामबेॽनोॽ हे़न मुद्दा टिखुबानुङ खा टोङ्बेमे। आक्टोॽ मे़ले़टुहोङ हे़न न्याय ले़ःॽखुबामि पोम्बेॽ येःप्मेये मोबा मोसे़ॽ तिरिङ्गामि हुकपेॽ जिम्मा पिये। मोबा मो तिरिङ्गाडे़ॽ तिरिङ्गा खिमबेॽ हे़न से़ॽइये।
तिमोथि हे़न हाःप्पॽआ मिॽमाबेॽ का सारोनोॽ हे़न्नुङ चुप्मा मिङ्इङे। चइबानोॽ हे़न्नुङ चुप्टोक्माहोङ का बेॽलो साप्थाङ्इङे।
नानि हे़न हिउँदो लेम्मा याक्लोनोॽ भरसक आप्मामि बोल ले़ःॽमे। युबुलस, पुडेस, लिनस, क्लौडियसनुङ इगोबेॽहा चोप निसाजिडे़ॽ हे़न सेवायो लुटामे।
के़ॽ अरतिमास अथबा तुखिकस हे़नबेॽ पाङ्इनुङे। खो लेम्मासोरोॽ हे़न चाहिँ इन्डोक ले़ःॽनुङ्सो का चुप्सिॽ निकोपोलिस ठाउँबेॽ आप्मे़। इन्ढोङ्होङ चुङ महिना रुॽखे़ॽलो के़ॽ इगोबेॽनोॽ पेम्मे निवा ले़ए़टुङे।
