२ तिमोथि 4:1 - याम्फु

¹ निवाहाङ्‌मि पोम्‍बेॽ मोबा सिघे़ॽपॽआजिनुङ हिङ्‌रिकजिमि न्‍याय ले़ःॽसिॽ लेङ्‌खुबा खिरिस्‍ट येसुमि पोम्‍बेॽ मोबा खिरिस्‍ट लेङ्‌इये खानुङ खोमि राज्‍य निवाबेॽ मिॽसाङ के़ॽ हे़न इडोॽ आग्‍या ले़न्‍ने़,

२ तिमोथि 4:1 Iomraidhean Croise

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

लुका 19:12

खोसे़ॽ लुसु, “इक्‍को एप्‍पा याॽमि ओः देसबेॽ खे़ॽनुङ खोमि देसबेॽए हाङ्‌बा लिआप्‍मा पोरोगा।

लुका 19:15

“तर मो याॽमि हाङ्‌बानोॽ लिनुङ टेजासा, मोबाङ लेम्‍मासोरोॽ खोसे़ॽ याङ पिआबॽआ सेउतेजिडे़ॽ इन्‍डोक याङ टोक्‍सुजि लुनुङ सिम्‍मामि के़डुजि।

लुका 23:42

मोबाङ ए़क्‍साङ मोसे़ॽ येसु लुसु, “हे येसु, हे़न हे़ने़ए़ राज्‍यबेॽ पे़एम्‍माबेॽ कासोङ मिॽमायो!”

एप्‍पा चोङ्‌सा 10:42

निवाहाङ्‌डे़ॽ सिघे़ॽपॽआजिनुङ हिङ्‌रिकजिमि न्‍याय ले़ःॽमे योम्‍बोकमि लागि येसु पाङ्‌इटुए। इगो खामि साक्‍छि पिमामिनुङ चोप याॽमिजि सुसमाचारमि खा खेम्‍मेॽसिॽ येसुडे़ॽ कानिङ आग्‍या पिटे़।

एप्‍पा चोङ्‌सा 17:31

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि न्‍याय ले़ःॽमे याक पक्‍का ले़पेटुए। मो यिडे़ॽ खोसे़ॽ से़न्‍बॽआ याॽमिबाङ मक्‍खाम्‍डेमबेॽहा याॽमिजिमि न्‍याय ले़न्‍डुए। चोप याॽमिजि न्‍याय ले़ःॽमे अधिकार खोबेॽ टुये लुमे खा पक्‍का ले़ःॽमेॽमामि लागिनोॽ निवाहाङ्‌डे़ॽ खो सिघे़ॽपॽआबाङ हिङ्‌बोइटुए।”

रोमि 2:16

इघा खा के़ॽ सुसमाचार खेम्‍मेॽपॽआडोॽ याॽमिजिमि निवाबेॽ चुम्‍बॽआ खा चाहिँ येसु खिरिस्‍टबाङ न्‍याय ले़ःॽमे याकपेॽ खाङ्‌मुये।

कलस्‍सि 3:4

खिरिस्‍ट कानिङ्‌मि हिङ्‌मवा ले़ये। खो खाङ्‌मुमाबेॽ हे़निङ्‌सो खोनुङ्‌नोॽ सोरि महिमाबेॽ खाङ्‌मुन्‍डानिङे।

२ थेस्‍लोनिकि 2:8

मोबा ए़क्‍साङ मो ब्‍यबस्‍था पालना मे़ले़ःॽखु खाङ्‌मुये। मोबा परभु येसुमि बचनडे़ॽ नासि ले़न्‍डुए मोबा खो लेम्‍माबेॽ उज्‍यालो जोतिमि सक्‍तिडे़ॽ मो नासि लेन्‍डुए।

१ तिमोथि 5:21

निवाहाङ, येसु खिरिस्‍टनुङ निवाहाङ्‌डे़ॽ से़म्‍बॽआ थाङ्‌सिरि दुतजिमि साक्‍छिबेॽ के़ॽ हे़न इगो आग्‍या पिन्‍ने़। के़ॽ लुबॽआ इघा खा हे़ने़ॽ ले़ःॽमाबेॽ असासो काखा पाखा ए़ले़ःॽमे।

२ तिमोथि 1:10

मो अनुग्‍रहा चाहिँ येसु खिरिस्‍ट लेन्‍नुङ ए़क्‍साङ खाङ्‌मुसा। खोसे़ॽ सिमवा हेजानुङ ए़स्‍सिमे हिङ्‌मवा सुसमाचारबाङ खाङ्‌मुसु।

२ तिमोथि 2:14

इगो खा हे़ने़ॽ मन्‍डलिबेॽहा याॽमिजि नुरोॽ लुबेॽटाजे। खोजि इक्‍को इक्‍को खाबेॽ ए़ॽखिमिरो लुनुङ, निवाहाङ्‌मि पोम्‍बेॽनोॽ लुसाजे। खिमवानुङ काक्‍मवाडे़ॽ इमाङ्‌सो नुबा लिनिबा तर इगो खाडे़ॽको खेम्‍खुबा याॽमिजिरेॽ फाङ्‌सिघे़म्‍मे।

२ तिमोथि 4:18

परभुडे़ॽ का चोप मङे़हा खाबाङ जोगा ले़टिङ। इडोॽ खोसे़ॽनोॽ का खोमि थाङ्‌सिरिमि राज्‍यबेॽ लाघे़ङे। खोमि सानिङ्‌नोॽ महिमा लिरो। आमेन।

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

१ पत्‍रुस 1:7

नास लिनुङ खे़ये सुनानोक्‍सो मिडे़ॽ हिॽनुङ निखुर टोङ्‌मामि जाँच ले़ःॽमा खे़येहोङ हे़निङ्‌मि बिस्‍वासगो मो सुनाबाङ्‌सो इन्‍डोक बेॽलो मोलनुङ्‌मा ले़ये। मोडोगे़ॽ हे़निङ्‌मि इगो बिस्‍वास पक्‍का ले़येन्‍डे ले़ःॽनिबा लुनुङ खाल खालहा दुःखनुङ खेःबाङ जाँच लिये। इडोॽ ले़ःॽमाबेॽ हे़निङ्‌मि बिस्‍वास पक्‍का लियेनुङ येसु खिरिस्‍ट लेम्‍मा यिडे़ॽ हे़निङे़ॽ ओहाङ, महिमानुङ आदर चुप्‍मिन्‍डानुमे।

१ पत्‍रुस 4:5

तर हिङ्‌रिकनुङ सिबॽआजिमि न्‍याय ले़ःॽखुबा निवाहाङ्‌मि पोम्‍बेॽ इगो खामि टुम्‍बेॽ माहाजिडे़ॽ लेखा पिमा खे़ये।

१ पत्‍रुस 5:4

मोबा इन्‍डोक्‍पेॽ मुल गोठ्‌ला लेङ्‌इये, मोडोक्‍पेॽ हे़निङे़ॽ जोतिनुङ्‌मा महिमामि मुकुट चुप्‍मिन्‍डानुमे।

२ पत्‍रुस 1:11

इडोक्‍नोॽ कानिङ्‌मि परभुनुङ मुक्‍तिदाङ्‌बा येसु खिरिस्‍टमि सानिङ टुडुङ्‌घे़ये राज्‍यबेॽ निवाहाङ्‌डे़ॽ हे़निङ बेॽए स्‍वागत ले़ये।

२ पत्‍रुस 1:17

निवाहाङ पाबाडे़ॽ येसुमि आदरनुङ सम्‍मान ले़ःॽमाबेॽ मोबा “इगो के़ॽ नम्‍नम ले़ःॽपॽआ पसा ले़ये, इगोनुङ का सारो साप्‍थाङ्‌इटिङे” लुनुङ इक्‍को परम महिमाबाङ इडोॽ लुमाबेॽ कानिङ मोबेॽनोॽ टुसिङ्‌मा।

१ युहन्‍ना 2:28

के़हा नानिजि, खोमि बिस्‍वासबेॽ सानिङ पेनानिङे, खो खाङ्‌मुमाबेॽ कानिङे़ॽ बोल चुप्‍मिन्‍डुङ्‌मे, मोबा खो लेम्‍मे याकपेॽ खोमि पोम्‍बेॽ कानिङ ङेसिमा पाप्‍निबा।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।