२ तिमोथि 3:8 - याम्फु

⁸ यान्‍नेसनुङ याम्‍ब्‍रेसडे़ॽ मोसामि बिरोध ले़ःॽपॽआडोक्‍नोॽ इघा याॽमिजिडे़ॽसो चाइबमा खामि बिरोध ले़न्‍डुजे। इघा याॽमिजिमि निवानोॽ नासि लिबेटे़नुङ चाइबमा बिस्‍वास काप्‍टुजिने।

२ तिमोथि 3:8 Iomraidhean Croise

एप्‍पा चोङ्‌सा 15:24

कानिङ्‌बाङ खे़ॽपॽआ आढा याॽमिजिडे़ॽ टेडिगरिक्‍हा सिक्‍छे खेम्‍मेॽनुङ हे़निङ दुःख पिसामिरो लुमे खा कानिङे़ॽ खेप्‍सुङ्‌मा। तर माहाजि कानिङे़ॽ पाङ्‌बॽआ ने़ॽनिहाजि।

रोमि 1:28

इडोॽ माहाजिडे़ॽ निवाहाङ आदर पिमा लेॽपेसुजि। मोडोगे़ॽ खोजिडे़ॽ मिॽपॽआडोक्‍नोॽ मङे़ॽमा योम्‍बोक ले़टुङ्‌घे़ॽटुजिरो लुनुङ निवाहाङ्‌डे़ॽ माहाजि योङ्‌मेॽटुजि, मोबा खोजिडे़ॽ ले़ःॽमानोॽ फेन्‍निहा योम्‍बोक ले़टुजि।

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

एफिसि 4:14

इडोॽ कानिङ पिच्‍छाजिडोॽ लिसिङ्‌मानि। मे़ॽनोक्‍हा सिक्‍छे इःॽखुबाजिमि सिक्‍छेमि हिॽवाबाडे़ॽ येप्‍खे़ॽहेनिबा। माहाजिमि रेम्‍सिङ सिक्‍छेडे़ॽ माङे़ॽमा रामलाम खे़ॽखुबा याॽमिडोॽ लिसिङ्‌मानि।

१ तिमोथि 1:19

मोडोक्‍पेॽ हे़ने़ॽ आमटाङ्‌बामि बिस्‍वास, मोबा नुबानुङ मङे़ॽमा लेमे निवा नुरोॽ हुप्‌युङ्‌मे़। मो निवाडे़ॽ लुबॽआ खा मे़ङ्‌खे़म्‍खुबाजिडे़ॽ टाङ्‌बामि बिस्‍वासनोॽ मे़चोबेसुजि।

१ तिमोथि 4:2

इडोक्‍हा सिक्‍छे रेम्‍सिङ्‌जिबाङ लेङ्‌इहा। इघाजिमि निवा कुहाङ चे़क्‍चिडे़ॽ ङाम्‍बॽआडोॽ लिघे़टहा मोडोगे़ॽ खोजिडे़ॽ नुबानुङ मङे़हा खा लेसुजिने।

१ तिमोथि 6:5

मोबा खोजिमि निवा नासि लिटे़नुङ चाइबमा खाबाङ टेघे़टामे। मोबा निवाहाङ्‌मि रामबेॽ राम्‍मा लुबॽआ चाहिँ याङ्‌सरावा टोङ्‌मे राम मिॽइन्‍डुजे।

२ तिमोथि 4:15

मोडोगे़ॽ आक्‍कोनुङ हे़नसो होसियार ले़टे, इन्‍ढोङ्‌होङ आक्‍कोसे़ॽ कानिङे़ॽ ले़ःॽपॽआ परचारमि सारोनोॽ बिरोध ले़ए़टुए।

तितस 1:10

इन्‍ढोङ्‌होङ लुबॽआ मे़ङ्‌खसिखुबाजि, मे़ॽनोक्‍हा खा इःखुबाजिनुङ रेम्‍डेॽखुबाजि ले़म्‍मे। इडोक्‍हाजि बेॽलो चाहिँ खतना ले़ःॽमा खे़ये लुघुबाजि टुम्‍मे।

तितस 1:16

माहाजि निवाहाङ लेन्‍डुङ्‌मे़गो काम्‍मे, तर खोजिमि योम्‍बोकडे़ॽ निवाहाङ सिच्‍चोन्‍डुजे। चिक्‍चि मिॽमारोहानुङ लुबॽआ खा मे़खेम्‍खुबा याॽमिजि इमाङ्‌सो नुबा योम्‍बोक ले़ःॽमा खेन्‍जोसुजिने।

२ पत्‍रुस 2:14

माहाजिमि मिक सानिङ्‌नोॽ छाडा मेॽनामिॽचिबेॽ टिन्‍डुजेनुङ माहाजि पापि योम्‍बोक ले़ःॽनुङ याःक्‍चाघे़ॽमिने। माहाजिडे़ॽ कमजोर बिस्‍वासनुङ्‌हा याॽमिजि फाङ्‌सेन्‍डुजे। माहाजि लोभ ले़ःॽमा बानि लिबेटामे। माहाजिसोक्‍पेॽनोॽ निवाहाङ्‌मि चापहिमा सिॽइये।

१ युहन्‍ना 2:18

के़हा नानिजि, इगो ए़क्‍साङ्‌ए बेला ले़ये। खिरिस्‍टमि टेडिघरिक याॽमि लेम्‍मे़ॽनिङ्‌सिये लुमे खा हे़निङे़ॽ खेम्‍इटानुमे। खिरिस्‍टमि बेॽलो टेडिघरिक याॽमिजि याक्‍लोनोॽ लेम्‍बेटामे। मोडोगे़ॽ इघा खाबाङ कानिङे़ॽ लेन्‍डुङ्‌मा, इगो ए़क्‍साङ्‌ए बेला ले़ये।

१ युहन्‍ना 4:1

के़हा वावानिसानुङ नानुसाजि, कानुङ होङ्‌निवा टुये काघुबाजि चोपमि बिस्‍वास ए़ले़टानुमे, तर मो पबित्‍रा होङ्‌निवा निवाहाङ्‌बाङ लेम्‍बॽआ ले़येन्‍डे, ले़ःॽनिबा लुनुङ लेसानुमे। इन्‍ढोङ्‌होङ बेॽलो मे़ॽनोक्‍हा अगमबक्‍ताजि इगो मक्‍खाम्‍डेमबेॽ लेङ्‌इटामे।

परकास 2:20

तर हे़निङ्‌मि बिरोधबेॽ इक्‍को खा इःमा टुये, मो खा लुबॽआ हे़निङे़ॽ इजेबेल लुमे मेॽनामिॽमि खा खेम्‍इन्‍डानुमे। मोसे़ॽ खोमदाङ्‌बा अगमबादिनि ले़ङे लुनुङ काङ्‌मि सेवाकजि बेभिचार ले़ःॽमेन्‍डुजे, मोबा मुरतिबेॽ चेॽटिबॽआ थोक चामा इःॽनुङ रेम्‍इन्‍डुजे।

परकास 2:6

तर हे़निङ्‌बेॽ इक्‍को खा चाहिँ नुबा ले़ये। मो खा लुबॽआ के़ॽ निकोलाइटसजिमि योम्‍बोक सिॽचाडिनोॽ हे़निङे़ॽसो मो सिॽचान्‍डानुमे।