२ तिमोथि 3:4 - याम्फु

⁴ माहाजिडे़ॽ हाइखा याॽमिजि फेल्‍लाम (धोका) पिन्‍डुजे, इमाङ्‌गो इमाङ ले़म्‍मेनुङ बेॽए रे़ङ्‌इम्‍मे, मोबा निवाहाङ्‌बाङ्‌सो बेॽलो सुख बिलास चाहिँ नेन्‍जोन्‍डुजे।

२ तिमोथि 3:4 Iomraidhean Croise

एप्‍पा चोङ्‌सा 19:36

असे़ॽसो इगो खा ने़ॽनि लुहेसुजिनि मोडोगे़ॽ हे़निङ चोप योङ पेनानिङे। इडोॽ नुरोॽ मे़मिॽलेॽ इमाङ योम्‍बोकसो ले़ःॽमा नुबा लिनिबा।

एप्‍पा चोङ्‌सा 7:52

हे़निङ्‌मि टुबालाबाजिडे़ॽ चोप अगमबक्‍ताजिनोॽ चुङ्‌जोसुजि। निवाहाङ्‌डे़ॽ पाङ्‌बॽआ धारमिक याॽमिमि टुम्‍बेॽ इःघुबाजिसो माहाजिडे़ॽ सेॽनेसुजि। हागो हे़निङे़ॽ चाहिँ मो धारमिक याॽमि, लेॽपेघुबा हाङ्‌बा खिरिस्‍टनोॽ सेॽनेसानुम।

रोमि 11:20

इगो खा चाइबमा ले़ये, माहाजिडे़ॽ बिस्‍वास मे़ले़ःॽपॽआसे़ॽ माहा हक्‍काम्‍बाजि चेन्‍नुङ राप्‍खडामि। हे़निङे़ॽ चाहिँ बिस्‍वास ले़ःॽपॽआसे़ॽ निवाहाङ्‌डे़ॽ कलमि काम्‍डिटे़। इगो खाबेॽ काङायोङ्‌बा ए़लिसानिङे, तर होसियार ले़टानिङे।

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

१ तिमोथि 3:6

पास्‍टर चोङ बिस्‍वासि ले़ःॽमा फे़न्‍निबा। बिस्‍वासबेॽ चोङ टुहोङ बेॽए रे़ङ्‌इये मोडोगे़ॽ निवाहाङ्‌मि दन्‍डाबेॽ सैतान सिॽटिडोॽ खोसो सिॽइये।

१ तिमोथि 5:6

तर खो सानिङ्‌नोॽ निवे़ॽ ले़ःॽमा मिॽपॽआ चोप खा ले़ःॽखुबा राङ्‌मिॽमा ले़येहोङ खो हिङ्‌रिक टुहोङ्‌सो सिबॽआडोक्‍नोॽ ले़ये।

१ तिमोथि 6:17

इगो मक्‍खाम्‍डेमबेॽहा याङ्‌सारावदाङ्‌बाजि काङायोङ्‌बा ए़रेङ्‌मेनुङ याङ्‌सरावाबेॽ भरोसा ए़ले़ःॽमे लुसाजे, इन्‍ढोङ्‌होङ इघागो सानिङ्‌मि लागि टुडुङ्‌घे़ॽनिहा। तर कानिङ साप्‍थाङ्‌मे हिङ्‌मवामि लागि के़ॽलो चोप थोक पिघुबा निवाहाङ्‌बेॽ भरोसा ले़टानुमे लुनुङ आग्‍या पिसाजे।

यहुदा 1:19

हे़निङ्‌मि रुम्‍बेॽ खिमवा पुःक्‍मेॽखुबा याॽमिजि इघाजिनोॽ ले़म्‍मे। माहाजि मक्‍खाम्‍डेमबेॽहा याॽमिजिमिडोॽ निवा खिम्‍मेनुङ इघाजिबेॽ पबित्‍रा होङ्‌निवा पेन्‍निबा।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।