२ तिमोथि 3:16 - याम्फु

¹⁶ निवाहाङ्‌मि होङ्‌निवामि सक्‍तिबाङ्‌ए निवाडे़ॽ इगो धारमिक नेॽचिरा साप्‍पॽआ ले़ये। इगो याॽमिजि सिक्‍छे पिमामि, अरति पिमामि, मङे़हा याॽमिजि नुबा टोङ्‌मामिनुङ धरमि हिङ्‌मवा इन्‍डोक हिङ्‌मे लुमे खा इःॽमामि लागि नुबा ले़ये।

२ तिमोथि 3:16 Iomraidhean Croise

मत्‍ति 13:52

मोबा येसुडे़ॽ माहाजि लुसुजि, “मोडोगे़ॽ थाङ्‌सिरिमि राज्‍यमि सिक्‍छे चुप्‍पॽआ याॽमि लुबॽआ चाहिँ खिमबेॽए मुलि याॽमिडोॽ ले़ये। खोसे़ॽ खोमि खिमबेॽए ढुकुटिबाङ चोङ्‌नुङ पुरानो बेॽलो मुल्‍यनुङ्‌हा थोक पाखे़ॽयु रिॽआप्‍मिन्‍डुहा।”

मत्‍ति 21:42

येसुडे़ॽ माहाजि लुसुजि, “इमा हे़निङे़ॽ इन्‍डोक्‍पेॽसो धारमिक नेॽचिराबेॽ साप्‍पॽआ इगो खा मे़नेडानुमे ? खिम आङ्‌खुबाजिडे़ॽ फे़न्‍निबा लुनुङ राप्‍पेबॽआ रुङ्‌गोॽवानोॽ, सुर टिढाम रुङ्‌गोॽवा लिसा। इगो परभु निवाहाङ्‌बाङ लिबॽआ ले़ये मोबा कानिङ्‌मि लागि इगो खरिमा योम्‍बोक लिटे़।

मत्‍ति 22:43

येसुडे़ॽ माहाजि लुसुजि, “मोडोक्‍होङ दाउदडे़ॽ होङ्‌निवामि बोल चुप्‍नुङ खो ‘परभु’ लुनुङ इन्‍डोक्‍टे लुहेन्‍डुए ? खोसे़ॽ इडोॽ लुटुए,

मत्‍ति 26:54

तर इडोॽ लिहोङ गो, धारमिक नेॽचिराबेॽ इगो खा लिमानोॽ खे़ये लुनुङ साप्‍पॽआ खा इन्‍डोक्‍टे पुरा लिये ?”

मत्‍ति 26:56

तर अगमबक्‍ताजिडे़ॽ धारमिक नेॽचिराबेॽ साप्‍पॽआ खा पुरा लिरो लुनुङ इघा चोप लिटहा।” मोबा मोडोक्‍पेॽनोॽ खोमि चोप चोङ्‌साजि येसु याःॽयानुङ चिःखडामि।

मरकुस 12:24

येसुडे़ॽ माहाजि लुसुजि, “हे़निङ सारोनोॽ फाङ्‌सिघे़टानिङे, इन्‍ढोङ्‌होङ हे़निङे़ॽ ना धारमिक नेॽचिरामि खा लेन्‍डानुमे, ना निवाहाङ्‌मि सक्‍तिमि खा लेन्‍डानुमे।

मरकुस 12:36

पबित्‍रा होङ्‌निवाडे़ॽ हाङ्‌बा दाउदनोॽ इडोॽ लुमेॽपॽआ ले़टे़-परमपरभुडे़ॽ के़ए़ परभु लुसु, ‘के़ॽ हे़ने़ए़ सतुरजि आम्‍मि सराङ्‌फे़क्‍माहोङ्‌बेॽ मे़युङ्‌रेॽलो हे़न के़ए़ चुप्‍थिङ्‌लाम पेने।’

युहन्‍ना 10:35

असाबेॽ निवाहाङ्‌मि बचन लेस्‍सा, माहाजि देउताजि लिम्‍मेहोङ (धारमिक नेॽचिराबेॽ मे़ॽनोक्‍हा खा माॽआहा)।

युहन्‍ना 3:20

इन्‍ढोङ्‌होङ दुस्‍ट योम्‍बोक ले़ःॽखुबाजि चोबे़ॽ जोति नेन्‍जोसुजिने, मोबा माहाजिमि मङे़हा योम्‍बोक खाङ्‌मुहा लुनुङ किस्‍सिम्‍मेनुङ जोतिबेॽ आप्‍मिनि।

एप्‍पा चोङ्‌सा 1:16

होउ वावानिसाजि! “यहुदा इस्‍करियोतडे़ॽ कानिङ्‌नुङ सोरि निवाहाङ्‌मि योम्‍बोक ले़टोक्‍पॽआ ले़टे़। तर पबित्‍रा होङ्‌निवाबाङ याक्‍लोनोॽ हाङ्‌बा दाउदडे़ॽ लुबॽआ ले़टे, यहुदाडे़ॽ येसु राःप्‍खुबाजि चिक्‍चे़न्‍डुजे लुनुङ निवाहाङ्‌मि बचनबेॽ साप्‍पॽआ खा पुरा लिमा खडे़।”

एप्‍पा चोङ्‌सा 18:25

खोसे़ॽ परभु येसुडे़ॽ इःॽपॽआ हिङ्‌मवामि राममि टुम्‍बेॽ नुरोॽ चिम्‍बॽआ ले़टे़। तरसो खोसे़ॽ युहन्‍नाडे़ॽ पिबॽआ बप्‍तिस्‍मारेॽ लेसुहा।

एप्‍पा चोङ्‌सा 20:20

मोबा हे़निङ चोपमि पोम्‍बेॽनुङ हे़निङ्‌मि खिम-खिमबेॽ लेन्‍नुङ नुबा खा इःॽमाबेॽ के़ॽ इमाङ खासो के़ए़ निवाबेॽ चुम्‍नुङ मे़युक्‍सुङ।

एप्‍पा चोङ्‌सा 20:27

इन्‍ढोङ्‌होङ निवाहाङ्‌डे़ॽ कानिङ्‌मि लागि ले़ःॽपॽआनुङ ए़क्‍साङ लिहा खामि टुम्‍बेॽहा इमाङ खासो के़ए़ निवाबेॽ मे़युङ्‌लेॽ हे़निङ लुबेॽनिम्‍ना।

एप्‍पा चोङ्‌सा 28:25

खोजिमि रुम्‍बेॽनोॽ खा मे़न्‍टोङ्‌बॽआसे़ॽ खोजि मोबाङ राम्‍बोक्‍सिॽ पोरोगामि। मोबा पावलडे़ॽ माहाजि इडोॽ लुसुजि, “पबित्‍रा होङ्‌निवाडे़ॽ हे़निङ्‌मि टुबालाबाजि लुबॽआ खा चइबानोॽ ले़ये इन्‍ढोङ्‌होङ अगमबक्‍ता यसैयाबाङ निवाहाङ्‌डे़ॽ इडोॽ लुसु,

रोमि 15:4

याक्‍लो याक्‍लो साप्‍पॽआ धारमिक नेॽचिराबेॽहा खाडे़ॽ चाहिँ कानिङ सिक्‍छे पिमामि लागि साप्‍पॽआ ले़टा। धारमिक नेॽचिराबाङ कानिङे़ॽ आङ्‌हेमे बोलनुङ हौसला चुप्‍मिहा, मोबा निवाहाङ्‌डे़ॽ हे़म्‍बॽआ हेन्‍ज्‍रुङ पुरा लिये लुनुङ कानिङे़ॽ खोबेॽ आसा ले़न्‍डुङ्‌मा।

रोमि 2:20

मोबा उम्‍बरिङ्‌जि निवाहाङ्‌मि टुम्‍बेॽहा चाइबमा खा इःॽहेन्‍डुङ्‌मा, पिच्‍छाजिडोॽहानुङ इमाङ्‌सो मे़लेघुबा याॽमिजि सिक्‍छे पिन्‍डुङ्‌मा, धारमिक नियमबेॽहा चोप खा लेन्‍डुङ्‌मे़ कान्‍डानिङ्‌होङ,

रोमि 3:2

बेॽलो खामि लागि इघा खा नुबा ले़हा। चोपबाङ याक्‍लो निवाहाङ्‌डे़ॽ यहुदिजि खोमि पबित्‍रा बचन पिसुजि।

रोमि 4:23

इगो “धरमि ठरबा लिमे खा” अब्‍राहाममि लागिरेॽनोॽ साप्‍पॽआ ने़ॽनिबा,

१ कोरिन्‍थि 12:7

चोप बिस्‍वासिजिमि लागि नुबा लिरो लुनुङ्‌नोॽ पबित्‍रा होङ्‌निवामि योम्‍बोक खाङ्‌मुमामि चोप याॽमिजि खाल खालहा बरदान पिये।

गलाति 3:8

अयहुदिजि बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिम्‍मे लुमे खा याक्‍लोएम्‍बाङ्‌नोॽ धारमिक नेॽचिराबेॽ साप्‍पॽआ ले़टे़। मोडोगे़ॽ याक्‍लोनोॽ अब्‍राहाम इडोॽ लुमे सुसमाचार खेम्‍मेॽपॽआ ले़टे़, “हे़नबाङ्‌नोॽ चोप जातिहा याॽमिजिडे़ॽ आसिस चुप्‍मिन्‍डुजे।”

२ तिमोथि 2:25

खो टाङ्‌बामि बिरोधि याॽमिजि चानुये खाडे़ॽ चोप्‍हेखुबा लिमा खे़ये। मोडोक्‍होङ्‌रेॽ निवाहाङ्‌डे़ॽ खोजि पापि मरामबाङ टेआप्‍नुङ चाइबमा खा लेहेमे निवा पिन्‍डुजेन्‍डे,

२ तिमोथि 4:2

बचन परचार ले़टे, मोमि लागि सानिङ्‌नोॽ टाङ्‌बा पोरोक्‌युक्‍से, अरति पिसाजे, वोबाजे, हौसला पिसाजे, हुङ्‌हेमे बोल पिमे खानुङ सिक्‍छे पिमे खा सानिङ्‌नोॽ नुरोॽ ले़टे।

हिब्‍रु 11:1

बिस्‍वास ले़ःॽमा लुबॽआ चाहिँ आसा ले़ःॽपॽआ खाबेॽ ढुक्‍का लिमानुङ मे़ङ्‌खाङ्‌बॽआ खाबेॽ पुरा भरोसा ले़ये।

हिब्‍रु 3:7

मोडोगे़ॽ पबित्‍रा होङ्‌निवाडे़ॽ लुये, “आयु हे़निङे़ॽ खोमि सेम्‍ला खेप्‍सानुमहोङ,

हिब्‍रु 4:12

निवाहाङ्‌मि बचनगो हिङ्‌रिक ले़येनुङ सानिङ्‌नोॽ योम्‍बोक ले़न्‍डुए। खोमि बचन निच्‍चिलामनोॽ धारनुङ्‌मा फेयाबाङ्‌सो बेॽलो वे़ङ्‌इये। इगोसे़ॽ होङ्‌सिॽयु खे़ॽनुङ सोःक्‍मानुङ होङ्‌निवा हान्‍डुए, मोबा जोरनिनुङ से़ॽकोॽवा खोरो खोरो टोङ्‌इन्‍डुए, निवा होङ्‌सिॽयुनुङ निवे़ॽ मिॽपॽआ खा जाँच ले़ःॽहेन्‍डुए।