२ तिमोथि 3:14 - याम्फु

¹⁴ तर हे़न चाहिँ टाङ्‌बे़ॽ आयुरो चिम्‍बॽआ खानुङ बिस्‍वास ले़ःॽपॽआ चाइबमा खाबेॽ सानिङ्‌नोॽ निवा टिसे। हे़ने़ॽ लेन्‍डुहा, माहा खा असा असाबाङ हे़ने़ॽ चिङ्‌इटुहा।

२ तिमोथि 3:14 Iomraidhean Croise

एप्‍पा चोङ्‌सा 17:31

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि न्‍याय ले़ःॽमे याक पक्‍का ले़पेटुए। मो यिडे़ॽ खोसे़ॽ से़न्‍बॽआ याॽमिबाङ मक्‍खाम्‍डेमबेॽहा याॽमिजिमि न्‍याय ले़न्‍डुए। चोप याॽमिजि न्‍याय ले़ःॽमे अधिकार खोबेॽ टुये लुमे खा पक्‍का ले़ःॽमेॽमामि लागिनोॽ निवाहाङ्‌डे़ॽ खो सिघे़ॽपॽआबाङ हिङ्‌बोइटुए।”

रोमि 14:5

इन्‍डोक याॽमिजिडे़ॽ इक्‍को याक बेॽए मिॽइन्‍डुजे, तर इन्‍डोक याॽमिजिडे़ॽ चोप याक इक्‍कोनोॽ मिॽइन्‍डुजे। मोडोगे़ॽ चोप याॽमिजिडे़ॽ टाङ्‌बा टाङ्‌बे़ॽ बिस्‍वास ले़ःॽपॽआ खाबेॽ नुरोॽ लेनुङ्‌नोॽ ले़ःॽमा खे़ये।

कलस्‍सि 2:2

खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

१ थेस्‍लोनिकि 1:5

इन्‍ढोङ्‌होङ कानिङे़ॽ हे़निङ खेम्‍मेॽपॽआ सुसमाचार माङ्‌माङ्‌मा खा मे़ले़टा। तर सक्‍तिनुङ पबित्‍रा होङ्‌निवानुङ्‌मा चाइबमा खा ले़टे़। कानिङ हे़निङ्‌नुङ टुमाबेॽ कानिङ्‌मि हिङ्‌मवा इन्‍डोॽ ले़टे़ लुमे खा हे़निङे़ॽ नुरोॽ लेन्‍डानुमे।

१ थेस्‍लोनिकि 2:13

कानिङे़ॽ निवाहाङ्‌मि बचन इःॽमाबेॽ हे़निङे़ॽ मो खा याॽमिबाङ्‌ए ने़ॽनि निवाहाङ्‌मिनोॽ मिॽनुङ खेप्‍सानुम। चइबानोॽ इगो खा निवाहाङ्‌बाङ्‌एनोॽ ले़टे़। मो सिक्‍छेडे़ॽ आयुसो हे़निङ बिस्‍वासिजिमि हिङ्‌मवाबेॽ योम्‍बोक ले़ःॽमे़ॽनिङ्‌सिन्‍डुए। मो खामि लागि कानिङे़ॽ निवाहाङ सानिङ्‌नोॽ ओहाक पिन्‍डुङ्‌मे।

१ तिमोथि 4:16

आमटाङ्‌बामि टुम्‍बेॽनुङ टाङ्‌बे़ॽ इःॽपॽआ खाबेॽ होसियार ले़टे। इघा खा सानिङ्‌नोॽ ले़टे मोबारेॽ आमटाङ्‌बे़ॽनुङ हे़ने़हा खा खेम्‍घुबाजिडे़ॽ मुक्‍ति चुप्‍मिन्‍डुजे।

२ तिमोथि 1:13

येसु खिरिस्‍टबेॽ टुबॽआ बिस्‍वासनुङ नम्‍नमबेॽ हे़न के़ॽ पिबॽआ चइबाहा सिक्‍छे नुरोॽ पालना ले़ःॽनुङ नुबा नमुना लिसे।

२ तिमोथि 2:2

बेॽलो साक्‍छि पिघुबा याॽमिजिमि रुम्‍बेॽ हे़ने़ॽ काबाङ चिम्‍बॽआ सिक्‍छे, नुरोॽ इःॽलेघुबा हाइखा बिस्‍वासि याॽमिजिमि जिम्‍माबेॽ पिसाजे।

२ तिमोथि 3:15

हे़ने़ॽ पिच्‍छाबाङ्‌नोॽ धारमिक नेॽचिराबेॽहा खा नुरोॽ लेन्‍डुहा। माहा खाडे़ॽ हे़न येसु खिरिस्‍टबेॽ टुये बिस्‍वास ले़ःॽनुङ चुप्‍मिये मुक्‍तिमि टुम्‍बेॽ लेमे निवा पिये।

तितस 1:9

इगो सिक्‍छे कानिङे़ॽ इःॽपॽआडोक्‍नोॽ लिमा खे़ये, मोबा कानिङ बिरोध ले़ःॽखुबाजिमि गल्‍तिसो खाङ्‌मुहेमामि लागि टाङ्‌बे़ॽ चुप्‍पॽआ चाइबानोक्‍मा सिक्‍छेबेॽ राम्‍खुबानुङ हाइखाजिसो इडोक्‍मा सिक्‍छे पिनुङ बोल पिहेखुबा लिमा खे़ये।

हिब्‍रु 10:22

कानिङ्‌मि निवाहोङ्‌सिॽयुहा मङे़हा खा चोखो लिटहा, मोबा खिरिस्‍टमि हरिडे़ॽ कानिङ्‌मि हिङा वासोक्‍इटुए, मोडोगे़ॽ चोखो निवा, चाइबमा बिस्‍वासडे़ॽ ढुक्‍का लिनुङ कानिङ निवाहाङ्‌मि पोम्‍बेॽ खे़ॽमा।

हिब्‍रु 6:11

हे़निङ चोपजिमि इगो बिस्‍वास ए़क्‍साङ्‌ठोक टुडुङ्‌घे़ॽरो, मोबा हे़निङ्‌मि आसा पुरा लिये लुनुङ मिॽइटुङ्‌मे़।