२ तिमोथि 3:1 - याम्फु

¹ तर इगो खा लेयुक्‍से, ए़क्‍साङ्‌ए याकपेॽ किस्‍सिमारोहा खेःमि याक लेङ्‌इहा यो।

२ तिमोथि 3:1 Iomraidhean Croise

२ तिमोथि 4:3

इन्‍ढोङ्‌होङ इडोक्‍मा याकसो लेङ्‌इये, मोडोक्‍पेॽ याॽमिजिडे़ॽ चाइबमा सिक्‍छे खेम्‍नोॽ खेप्‍सुजिने। माहाजि टाङ्‌बे़ॽ नेन्‍जाबॽआ खारेॽनोॽ खेम्‍मा मिङ्‌इम्‍मे मोबा टाङ्‌बे़ॽ नेन्‍जाबॽआ सिक्‍छे इःॽखुबाजि बेॽलो याॽमिजि सुम्‍इन्‍डुजे।

२ पत्‍रुस 3:3

चोप्‍पाङ याक्‍लो हे़निङे़ॽ लेयाक्‍मे खा इडोक्‍मा ले़ये, ए़क्‍साङ्‌हा याकपेॽ टाङ्‌बा खुसि ले़ःॽखुबा याॽमिजि लेङ्‌इम्‍मे। माहाजिडे़ॽ हे़निङ सिःक्‍चाम्‍मे,

१ युहन्‍ना 2:18

के़हा नानिजि, इगो ए़क्‍साङ्‌ए बेला ले़ये। खिरिस्‍टमि टेडिघरिक याॽमि लेम्‍मे़ॽनिङ्‌सिये लुमे खा हे़निङे़ॽ खेम्‍इटानुमे। खिरिस्‍टमि बेॽलो टेडिघरिक याॽमिजि याक्‍लोनोॽ लेम्‍बेटामे। मोडोगे़ॽ इघा खाबाङ कानिङे़ॽ लेन्‍डुङ्‌मा, इगो ए़क्‍साङ्‌ए बेला ले़ये।

यहुदा 1:17

तर के़ॽ नम्‍नम ले़ःॽपॽआ लङ्‌गामजि, हे़निङे़ॽ चाहिँ कानिङ्‌मि परभु येसु खिरिस्‍टमि एप्‍पा चोङ्‌साजिडे़ॽ याक्‍लोएम्‍बाङ इःॽपॽआ खा मिडानुमे।

यहुदा 1:18

माहाजिडे़ॽ इडोॽ लुटामे, “ए़क्‍साङ्‌ए बेलाबेॽ माहाजि निवाहाङ्‌मि खा सिःक्‍चाघुबा लिम्‍मे। माहाजिडे़ॽ टाङ्‌बामि पापि निवाडे़ॽ इमा-इमा मङे़हा योम्‍बोक ले़ःॽमा मिॽइन्‍डुजे माहानोॽ ले़न्‍डुजे।”