२ तिमोथि 2:5 - याम्फु

⁵ खेल मुमाबेॽ खेलमि नियमडे़ॽ लुडिडोॽ मुमाहोङ्‌रेॽ इनाम चुप्‍मिये।

२ तिमोथि 2:5 Iomraidhean Croise

लुका 13:24

येसुडे़ॽ लुसु, “सागुरोमा राम्‍बडेमबाङ निवाहाङ्‌मि राज्‍यहोङ्‌सिॽयु पे़खे़ॽमामि बोल लिसानिङे। के़ॽ हे़निङ लुनिम्‍ने़, बेॽलो याॽमिजि निवाहाङ्‌मि राज्‍यहोङ्‌सिॽयु पे़खे़ॽमा योॽइम्‍मे तर पे़खे़ॽहेमिने।

फिलिप्‍पि 1:15

मोबेॽ इक्‍को निप्‍पाङ याॽमिजिबेॽ चेजेवा के़ःॽनुङ परचार ले़ए़टुजे, तर इन्‍डोक जना याॽमिजिडे़ॽ चाहिँ नुबा निवाडे़ॽनोॽ खिरिस्‍टमि टुम्‍बेॽ परचार ले़ए़टुजे।

कलस्‍सि 1:29

खिरिस्‍टडे़ॽ पिबॽआ काहोङ्‌बेॽ टुये बेॽए सक्‍तिडे़ॽनोॽ के़ॽ इगो योम्‍बोक चोप निवा टिनुङ ले़नुङे।

हिब्‍रु 12:4

हे़निङे़ॽ पापमि बिरोधबेॽ ङे ले़ःॽमाबेॽ सिमानोॽको मे़न्‍सिॽटि।

हिब्‍रु 2:7

निवाहाङ हे़ने़ॽ इॽछोॽमि लागि याॽमिमि पसा थाङ्‌सिरिदुतजिबाङ्‌सो ए़डेम्‍मा टोक्‍सु। खो महिमानुङ आदरमि मुकुट ओम्‍एम्‍बेॽटु।

हिब्‍रु 2:9

तर कानिङे़ॽ थाङ्‌सिरिदुतजिबाङ येसु इॽछोॽमि लागि ए़डेम्‍मा लिबॽआ लेटुङ्‌मे़। निवाहाङ्‌मि अनुग्‍रहाडे़ॽ येसु चोप याॽमिजिमि लागि सिसा। खो चोपमि लागि बलि लिबॽआसे़ॽ खोसे़ॽ महिमानुङ आदरमि मुकुट चुप्‍टु।

याकुब 1:12

आपद बिपद आङ्‌हेघुबा याॽमिडे़ॽनोॽ आसिस चुप्‍मिन्‍डुए। दुःख आङ्‌हेखुबाडे़ॽनोॽ निवाहाङडे़ॽ पिमामि हे़न्‍ज्‍रुङ हे़म्‍बॽआ हिङ्‌मवामि मुकुट चुप्‍मिन्‍डुए।

१ पत्‍रुस 5:4

मोबा इन्‍डोक्‍पेॽ मुल गोठ्‌ला लेङ्‌इये, मोडोक्‍पेॽ हे़निङे़ॽ जोतिनुङ्‌मा महिमामि मुकुट चुप्‍मिन्‍डानुमे।

परकास 2:10

हे़निङ्‌मि हिङ्‌मवाबेॽ लेङ्‌सिॽपोरोक्‍पॽआ खेःबाङ ए़क्‍किसिडानिङे। खेप्‍सानुमे, सैतानडे़ॽ हे़निङ इन्‍डोक जनाजिमि बिस्‍वास जाँच ले़ःॽमामि तिरिङ्‌गा खिमबेॽ से़ॽइये। हे़निङ इक्‍पोङ याकठोकरेॽ चुङ्‌जामा खेः आङ्‌मेये, तर हे़निङे़ॽ सिमा सिॽहोङ्‌सो बिस्‍वास ले़ःॽमा ए़लेडानुमे। हे़निङे़ॽ बिस्‍वास ले़ःॽमा मे़लेडानुमहोङ के़ॽ हिङ्‌मवामि मुकुट पिनिम्‍ने़।

परकास 3:11

खेप्‍सानुमे, का चान्‍डोनोॽ लेङ्‌इङे़, हे़निङ्‌मि लागि युङ्‌बॽआ मुकुट असे़ॽसो मे़नाप्‍खे़ॽहेसुरो लुनुङ हे़निङ्‌नुङ टुहा बिस्‍वास नुरोॽ जोगा ले़ःॽयुक्‍सानुमे।

परकास 4:10

माहा निबोङ रिबाङ धारमिक गुरुजिडे़ॽ सानिङ टुडुङ्‌घे़ॽखुबा, हाङ्‌पेन्‍ढामबेॽ पेङ्‌घुबामि पोम्‍बेॽ ओप्‌युनुङ खो सेवा ले़टुजि। मोबा खोजिमि मुकुट हाङ्‌पेन्‍ढाम मिॽमु युङ्‌मानुङ इडोॽ सेम्‍लुसामि,

परकास 4:4

मो हाङ्‌पेन्‍ढाममि खिरिरि हाइखा निबोङ रिउम गोटा हाङ्‌पेन्‍ढाम टुसा। मोबेॽ धारमिक गुरुजि सुनामि मुकुटनुङ उथ्‍रिॽमा चेॽ चाङ्‌मानुङ निबोङ रिबाङ जना पेम्‍बॽआ ले़टामि।