२ तिमोथि 2:25 - याम्फु

²⁵ खो टाङ्‌बामि बिरोधि याॽमिजि चानुये खाडे़ॽ चोप्‍हेखुबा लिमा खे़ये। मोडोक्‍होङ्‌रेॽ निवाहाङ्‌डे़ॽ खोजि पापि मरामबाङ टेआप्‍नुङ चाइबमा खा लेहेमे निवा पिन्‍डुजेन्‍डे,

२ तिमोथि 2:25 Iomraidhean Croise

मत्‍ति 11:29

के़ए़ जुवा खिसानुमेनुङ कानुङ चिनानुमे, इन्‍ढोङ्‌होङ का नम्‍रानुङ नम्‍नावादाङ्‌बा ले़ङे, मोबा हे़निङ्‌मि होङ्‌निवाडे़ॽ नाजाडोक्‍इन्‍डुए।

मत्‍ति 21:32

इन्‍ढोङ्‌होङ युहन्‍ना हे़निङ्‌बेॽ धारमिक राम लेमेॽसिॽ लेम्‍बॽआ ले़टे़, तर हे़निङे़ॽ खोमि खाबेॽ बिस्‍वास मे़ले़टानुम। तर मे़क्‍चेन लाघुबाजिनुङ बेस्‍याजिडे़ॽ मो खाबेॽ बिस्‍वास ले़टुजि। हे़निङे़ॽ इडोक्‍हा खा खाङ्‌नुङ्‌सो निवाहाङ्‌बेॽ मे़न्‍टेसानिङ्‌नुङ मोबा खोमि खाबेॽ बिस्‍वास मे़ले़टानुम।”

मरकुस 1:15

खोसे़ॽ लुसु, “हागो बेला लिबेटे़, निवाहाङ्‌मि राज्‍य के़क्‍पेॽनोॽ लेङ्‌इटे़। हागो पाप ले़ःॽमा लेॽनुङ सुसमाचारबेॽ बिस्‍वास ले़टानुमे।”

युहन्‍ना 5:34

काङ्‌मि लागि याॽमिमि गबाहि पाप्‍मिये लुबॽआ ने़ॽनि, तर हे़निङ्‌मि उद्‌धार लिरो लुनुङ के़ॽ इघा खा इःमे़ॽनिङ्‌सिनुङे।

एप्‍पा चोङ्‌सा 11:18

पत्‍रुसबाङ इघा खा खेप्‍सुजेबाङ परभुबेॽ बिस्‍वास ले़ःॽखुबाजिडे़ॽ पत्‍रुस आप्‍टिक टिमा लेॽनुङ, खोजि इडोॽ कासामि, “निवाहाङ्‌डे़ॽ अयहुदि जातिजिसो पापबाङ टेआप्‍मे नुबा बेला पिटुजि” लुनुङ निवाहाङ्‌मि ओहाङ ले़ःॽपोगामि।

एप्‍पा चोङ्‌सा 2:38

मोबा पत्‍रुसडे़ॽ लुसुजि, “हे़निङ्‌मि पापबाङ आम्‍लाङ टोक्‍मामि लागि पाप ले़ःॽमा लेडानुमे, मोबा येसु खिरिस्‍टमि निङ्‌बेॽ बप्‍तिस्‍मा लासानुमे! मोबा हे़निङे़ॽ निवाहाङ्‌बाङ पबित्‍रा होङ्‌निवामि बरदान चुप्‍मिन्‍डानुमे।

एप्‍पा चोङ्‌सा 20:21

‘के़ॽ यहुदिजिनुङ अयहुदि जातिहा याॽमिजि चोप टाङ्‌बामि पापि योम्‍बोक लेॽनुङ निवाहाङ्‌बेॽ टेसानिङे’ मोबा कानिङ्‌मि परभु येसुबेॽ बिस्‍वास ले़टानुमे लुनुङ परचार ले़टुङ।

एप्‍पा चोङ्‌सा 5:21

मोबा माहा खा खेम्‍नुङ वागियाराम माक्‍मिॽ नम के़ॽमा याक्‍लो माहाजि मन्‍दिरबेॽ खे़ॽनुङ याॽमिजि इःॽमा तरिगुजि। चोप्‍पा एप्‍पा याडाङ्‌बानुङ हाइखा यहुदि न्‍यायधिसजिमि सभा सुम्‍ढाम महासभाबेॽ चोप याॽमिजि इःसिॽ के़डुजि। मोबा एप्‍पा चोङ्‌साजि तिरिङ्‌गा खिमबाङ चिआप्‍टानुमे लुनुङ याॽमिजि पाक्‍सुजि।

एप्‍पा चोङ्‌सा 5:31

इस्‍राएलि याॽमिजि पापबाङ निवाहाङ्‌बेॽ टेआप्‍नुङ आम्‍लाङ चुप्‍टुजिरो लुनुङ निवाहाङ्‌डे़ॽ येसु छुट्‌कारा पिघुबा हाङ्‌बा टोङ्‌नुङ खोमि चुप्‍थिङ्‌लाम युङ्‌इटुए।

एप्‍पा चोङ्‌सा 8:22

मोडोगे़ॽ हे़ने़ॽ मिॽपॽआ मङे़हा खामि लागि निवाहाङ्‌बेॽ टेनुङ परभुमि पोम्‍बेॽ खडे। कतै निवाहाङ्‌डे़ॽ हे़न आम्‍लाङ पियेन्‍डे ?

गलाति 6:1

के़हा वावानिसानुङ नानुसाजि इक्‍को याॽमि अपराधबेॽ सिॽहोङ हे़निङ पबित्‍रा होङ्‌निवामि अधिनबेॽ हिङ्‌घुबाजिडे़ॽ ए़डेम्‍मा लिनुङ खोमि सुधार ले़टानुमे। खो सुधार ले़ःॽमाबेॽ हे़निङ्‌टाङ्‌बासो पाप योम्‍बोक मे़लिरो लुनुङ टाङ्‌बा होसियार ले़टानुमे।

१ तिमोथि 2:4

चोप याॽमिजि हिङ्‌मिरो, मोबा चाइबानोक्‍मा चाइबमा खा लेसुजिरो लुनुङ खोसे़ॽ मिइन्‍डुए।

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

२ तिमोथि 3:7

माहा मेॽनामिॽचि चिम्‍मागो सानिङ्‌नोॽ चिङ्‌इम्‍मे तर चाइबमा खा चाहिँ इन्‍डोक्‍पेॽसो लेसुजिने।

तितस 1:1

का पावल निवाहाङ्‌मि योम्‍बोक ले़ःॽखुबानुङ खिरिस्‍ट येसुमि एप्‍पा चोङ्‌साबाङ निवाहाङ्‌डे़ॽ से़म्‍बॽआजिमि बिस्‍वास, भक्‍तिनुङ टोङ्‌इहा खोजिमि चाइबमा निवा इःॽसिॽ का पाङ्‌इटिङे,

तितस 3:2

माहाजिडे़ॽ असामिसो मङे़ॽमा खा ए़लुमे मोबा असानुङ्‌सो ए़ॽखिमे़, तर याॽमिजिमि लागि नुबा ले़ःॽखुबा, चोप याॽमिजिनुङ टोङ्‌नुङ पेम्‍मिरो।

याकुब 1:17

चोप्‍पाङ नुबानुङ पक्‍कामा चोप बरदान थाङ्‌सिरिॽटुबाङ लेङ्‌इये। इघा चोप नान्‍द्‌रुङ्‌माबेॽहा जोति टोङ्‌खुबा पाबाबाङ लेङ्‌इहा। खोगो सानिङ्‌नोॽ टुये, खो लावाडोॽ फोरेन फोरेन्‍नोॽ फेन्‍निबा।

१ पत्‍रुस 3:15

तर टाङ्‌बामि निवाबाङ खिरिस्‍टमि आदर ले़टानुमे, खोनोॽ टाङ्‌बामि हिङ्‌मवामि मायोङ्‌बा मिडानुमे। हे़निङ्‌बेॽ टुये आसामि टुम्‍बेॽ हाइखाजिडे़ॽ सिम्‍मिहोङ मो याॽमि नुरोॽ इःबेॽमे।

१ युहन्‍ना 5:16

असे़ॽ खोमि निसाडे़ॽ ए़ॽसिमे खालमा पाप ले़ःॽमे़ॽनिङ्‌सिबॽआ खाङ्‌डोक्‍टुहोङ, मो निसामि लागि निवाहाङ्‌नुङ पारथना ले़ःॽपेॽमा खे़ये, मोबा निवाहाङ्‌डे़ॽ खो हिङ्‌मवा पिन्‍डुए। तर इगो खा चाहिँ ए़स्‍सिमे खालमा पापमि लागिरेॽनोॽ ले़ये। सिमाबेॽ लाघे़ॽखुबा पापसो टुहा, तर के़ॽ हे़निङ मोडोक्‍मा पापमि लागि पारथना ले़ःॽमा लुनिम्‍नानि।