२ तिमोथि 2:24 - याम्फु

²⁴ परभुमि योम्‍बोक ले़ःॽखुबे़ॽ खिमा काक्‍मा फे़न्‍निबा। खोगो चोप याॽमिजिनुङ टोङ्‌जाघुबा, मोबा नुरोॽ इःॽलेघुबानुङ आङ्‌हेघुबा लिमा खे़ये।

२ तिमोथि 2:24 Iomraidhean Croise

मत्‍ति 12:19

खो खिमासो योक्‍निबा, वोमासो वोनिबा, खो काबॽआ मरामराजि असे़ॽसो खेप्‍सुजिने।

युहन्‍ना 6:52

मोबा यहुदिजि खोजिदाङ्‌बा काबोगामि, “इगो याॽमिडे़ॽ इन्‍डोक्‍टे खोमि हिङा कानिङ चामा पिहेये ?”

एप्‍पा चोङ्‌सा 15:2

इडोक्‍हा सिक्‍छे खेम्‍नुङ पावलनुङ बारनाबास माहाजिनुङ बेॽलो काघुसे़ॽ चुसाजि। मोडोगे़ॽ मोबेॽहा वावाजिडे़ॽ पावल, बारनाबासनुङ हाइखा इन्‍डोक जनाजि इगो खामि फसेला ले़ःॽसिॽ यरुसलेमबेॽ पेङ्‌घुबा एप्‍पा चोङ्‌साजिनुङ मन्‍डलिबेॽहा एलडरजिबेॽ खे़ॽमे निधो ले़टुजि।

एप्‍पा चोङ्‌सा 23:9

मोडोगे़ॽ मोबेॽ बेॽए हल्‍ला लिसा। फरिसि हुलबेॽहा आढा धारमिक खा इःॽखुबाजिडे़ॽ येपोक्‍नुङ सदुकिजिमि मारे बिरोध ले़ःॽसाङ लुसुजि, “कानिङे़ॽको इगो याॽमिमि इमाङ्‌सो आप्‍टिक मे़न्‍चुप्‍टुङ्‌मा। इगो याॽमिबाङ होङ्‌निवा अथबा थाङ्‌सिरिदुत यामुबॽआनोॽहोङ्‌सो इमाङ्‌डे पिॽखे़ये!”

एप्‍पा चोङ्‌सा 7:26

“वागियाराम निप्‍पाङ इस्‍राएलिजिनोॽ टाङ्‌बा टाङ्‌बा काक्‍मे़ॽनिङ्‌सिबॽआ मोसाडे़ॽ खाङ्‌डोक्‍नुङ लुसुजि, ‘होउ लङ्‌गामजि, हे़न्‍जिङ गो सानुङ्‌उजिगोरे! इन्‍ढोङ काॽइन्‍जे ?’

२ कोरिन्‍थि 10:1

का पावल, हे़निङ्‌मि पोम्‍बेॽ ए़डेम्‍मा लिङेरो, तर ओः टुमाबेॽ याटेवा ले़ङेरो लुमे खा मुॽइटे़ले़। खिरिस्‍टडोक्‍नोॽ ए़डेम्‍मा लिनुङ, नम्‍नावानुङ्‌मा लिनुङ हे़निङ बिन्‍ति ले़निम्‍ने़।

२ कोरिन्‍थि 10:4

ङे ले़ःॽमाबेॽ पाप्‍मिहा कानिङ्‌मि हतियार मक्‍खाम्‍डेमबेॽहा हतियारडोॽ ले़ःॽनिहा, कानिङ्‌मि हतियारगो किल्‍लाडोॽहा छॽइहा खा योबेहेघुबानुङ निवाहाङ्‌मि सक्‍तिनुङ्‌बा हतियार ले़हा।

२ कोरिन्‍थि 6:4

तर निवाहाङ्‌मि चाइबमा योम्‍बोक ले़ःॽखुबाजि इन्‍डोॽ लिमा खे़ये मोडोक्‍नोॽ कानिङे़ॽ ले़ए़टुङ्‌मे़, सहनसिल लिमे खाबेॽ, खेःबेॽ, गारो सिॽमाबेॽनुङ आपद बिपद सिॽमाबेॽ योङ आङ्‌इन्‍डुङ्‌मे।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

एफिसि 4:2

सानिङ्‌नोॽ ए़डेॽमा लिसानिङे, सुधोनुङ सहनसिल लिसानिङे। मोबा हे़निङ टाङ्‌बा इक्‍कोसे़ॽ हाइको नम्‍नम ले़ःॽसाङ सहबा ले़टानुमे।

फिलिप्‍पि 2:14

चोप योम्‍बोक कुनुक कुनुक मे़ङ्‌कारेॽ अथबा मे़ङ्‌खिरेॽ ले़टानुमे।

फिलिप्‍पि 2:3

टाङ्‌बारेॽनोॽ नुबा लिये खा ए़योगानुमेनुङ काङायोङ्‌बा ए़लिसानिङे, तर ए़डेम्‍मा लिनुङ इक्‍कोसे़ॽ हाइको टाङ्‌बाबाङ बेॽएम्‍मा मिडानुमे।

कलस्‍सि 3:13

इक्‍कोसे़ॽ हाइको आङ्‌साङ नम्‍नम ले़ःॽखुसे़ॽचुसानिङे। इक्‍कोसे़ॽ बिरोङ ले़टुहोङ्‌सो खो आम्‍लाङ पिघुसे़ॽचुसानिङे। परभुडे़ॽ कानिङ आम्‍लाङ पिडिडोक्‍नोॽ हे़निङे़ॽसो आम्‍लाङ पिघुसे़ॽचुमा खे़ये।

१ थेस्‍लोनिकि 2:7

तर पिच्‍छाजि नुरोॽ कुघुबानुङ खाङ्‌घुबा मामाडोॽ कानिङ्‌सो हे़निङ्‌मि रुम्‍बेॽ लिसिङ्‌मा।

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

तितस 1:1

का पावल निवाहाङ्‌मि योम्‍बोक ले़ःॽखुबानुङ खिरिस्‍ट येसुमि एप्‍पा चोङ्‌साबाङ निवाहाङ्‌डे़ॽ से़म्‍बॽआजिमि बिस्‍वास, भक्‍तिनुङ टोङ्‌इहा खोजिमि चाइबमा निवा इःॽसिॽ का पाङ्‌इटिङे,

तितस 1:7

मन्‍डलिबेॽहा अगुवाडे़ॽ निवाहाङ्‌मि योम्‍बोकमि जिम्‍मा लाबॽआसे़ॽ खो इमाङ आप्‍टिक मे़ॽनिङ्‌मा याॽमि लिमा खे़ये। खो टाङ्‌बा खुसि ले़ःॽखुबा, चान्‍डोनोॽ सुरके़ॽखुबा, इनुङ टोप्‍टे़ॽवा उङ्‌खुबा, याॽमिजिनुङ काक्‍खुबा, मोबा खिक्‍तुबाङ लिमा फे़न्‍निबा।

तितस 1:9

इगो सिक्‍छे कानिङे़ॽ इःॽपॽआडोक्‍नोॽ लिमा खे़ये, मोबा कानिङ बिरोध ले़ःॽखुबाजिमि गल्‍तिसो खाङ्‌मुहेमामि लागि टाङ्‌बे़ॽ चुप्‍पॽआ चाइबानोक्‍मा सिक्‍छेबेॽ राम्‍खुबानुङ हाइखाजिसो इडोक्‍मा सिक्‍छे पिनुङ बोल पिहेखुबा लिमा खे़ये।

तितस 3:2

माहाजिडे़ॽ असामिसो मङे़ॽमा खा ए़लुमे मोबा असानुङ्‌सो ए़ॽखिमे़, तर याॽमिजिमि लागि नुबा ले़ःॽखुबा, चोप याॽमिजिनुङ टोङ्‌नुङ पेम्‍मिरो।

याकुब 1:1

निवाहाङ्‌नुङ परभु येसु खिरिस्‍टमि योम्‍बोक ले़ःॽखुबा का याकुबबाङ इस्‍राएलबेॽहा इक्‍पोङ निच्‍चि कुलबेॽहा याॽमिजि इगो पत्‍रा साप्‍मे़ॽनिङ्‌सिनुङे, मोबा हे़निङ चोपजिबेॽ काङ्‌मि सेवायो।

याकुब 3:17

तर थाङ्‌सिरिबाङ्‌ए निवागो चोखो ले़ये, सान्‍ति पिघुबा, सोझो, चोपनुङ टोङ्‌जाये। इडोक्‍मा निवा नम्‍नावानुङ्‌मा, मोबा नुबा योम्‍बोक ले़ःॽयाङ ले़ये। इडोक्‍मा निवा कप्‍टि ले़ःॽनिबानुङ पक्‍छेपात मे़ॽनिङ्‌मा ले़ये।

याकुब 4:2

हे़निङे़ॽ इमाङ इमाङ चुप्‍मा मिॽइन्‍डानुमे, तर माहा चुप्‍टानुम्‍नि। हे़निङ मो खा चुप्‍मामि लागि याॽमि सेॽएन्‍डानुमे, लोभ ले़न्‍डानुम, खिमानुङ चुमा ले़न्‍डानुम तर हे़निङे़ॽ इमाङ्‌सो चुप्‍टानुम्‍नि, इन्‍ढोङ्‌होङ हे़निङे़ॽ निवाहाङ्‌नुङ ङागानुम्‍नि।

१ पत्‍रुस 3:8

हागो आखिरिबेॽ हे़निङ लुनिम्‍ने़, हे़निङ चोप इक्‍को निवा लिनुङ पेनानिङे, इक्‍कोसे़ॽ हाइकोमि दुःखबेॽ निवा युङ्‌घुसे़ॽ चुसानिङे। चोपनोॽ टाङ्‌बामि वावा निसाजिडोॽ नम्‍नम ले़चासानिङे, मोबा इक्‍कोसे़ॽ हाइकोमि लागि नम्‍नावानुङ ए़डे़म्‍मा लिसानिङे।

यहुदा 1:3

लङ्‌गामजि, कानिङ चोबे़ॽ चुप्‍पॽआ मुक्‍तिमि टुम्‍बेॽए खा हे़निङ साप्‍हाङ्‌मा बेॽलो मिॽटुङ। तर मोमि साटो निवाहाङ्‌मि भक्‍ति ले़ःॽखुबाजि सानिङ्‌मि लागि पिबॽआ बिस्‍वास जोगा ले़ःॽयुङ्‌मा खे़ये लुनुङ साप्‍हाङ्‌मा चाहिँ छना नुबा मिॽटुङ।