२ तिमोथि 2:22 - याम्फु

²² मोडोगे़ॽ वेन्‍जा टुमाबेॽ लेङ्‌इहा मङे़हा लालचाबाङ ओः पेने। मोबा चोखो निवाडे़ॽ परभुमि निङ लाघुबा धरमि याॽमिजिनुङ सोरि बिस्‍वास, नम्‍नमनुङ सान्‍तिबेॽ पेने।

२ तिमोथि 2:22 Iomraidhean Croise

एप्‍पा चोङ्‌सा 7:59

माहाजिडे़ॽ रुङ्‌गोॽवाडे़ॽ फे़ङ्‌मे़ॽनिङ्‌सिमाबेॽ स्‍तिफनसडे़ॽ परभुनुङ इडोॽ लुसु, “हे परभु येसु, के़ए़ सोःक्‍मा हे़ने़ॽ लाघे़ॽटे।”

एप्‍पा चोङ्‌सा 9:14

हे़ने़हा निङ्‌बेॽ बिस्‍वास ले़ःॽखुबा याॽमिजि राःप्‍मामि एप्‍पा याडाङ्‌बाजिबाङ अधिकार टोक्‍नुङ खो इगोबेॽ लेङ्‌इटे़।”

रोमि 14:17

इन्‍ढोङ्‌होङ निवाहाङ्‌मि राज्‍य चाहिँ चामानुङ उङ्‌मे खाबाङ चुप्‍मे़ ने़ॽनि, बोरु पबित्‍रा होङ्‌निवाबाङ निवाहाङ्‌मि धारमिक खा, सान्‍तिनुङ हाङ्‌हाङ लिनुङ पेम्‍मे खा ले़ये।

रोमि 14:19

मोडोगे़ॽ कानिङे़ॽ इक्‍कोसे़ॽ हाइको बिस्‍वासबेॽ वाबुक्‍माराप्‍मे खानुङ सान्‍ति पिमे खाबेॽरेॽ सानिङ निवा टिमा।

१ कोरिन्‍थि 1:10

के़हा वावानिसानुङ नानुसाजि, कानिङ्‌मि परभु येसु खिरिस्‍टमि निङ्‌बेॽ हे़निङ बिन्‍ति ले़निम्‍ने़, हे़निङ चोप इक्‍को निवानुङ्‌हाजि लिसानिङे, मोबा हे़निङ्‌मि रुम्‍बेॽ फाटो मे़लिरो, तर हे़निङ सानिङ इक्‍को निवानुङ चोबे़ॽ इक्‍कोनोॽ खाबेॽ निवा टिसानुमे।

१ कोरिन्‍थि 1:2

कोरन्‍थिबेॽ टुहा निवाहाङ्‌मि बिस्‍वासिजि इगो पत्‍रा पाङ्‌मे़ॽनिङ्‌सिन्‍जुङे, हे़निङ निवाहाङ्‌मि पबित्‍रा याॽमिजि लिमामि के़ए़टे़। मोबा खोसे़ॽनोॽ चोप ठाउँबेॽ परभु येसु खिरिस्‍टमि पुकारा ले़ःॽखुबाजिडोॽ हे़निङ्‌सो पबित्‍रा टोङ्‌इटे़। खो काजिङ्‌मिनुङ माहाजिमि परभु ले़ये।

१ कोरिन्‍थि 10:14

मोडोगे़ॽ के़हा वावानिसानुङ नानुसाजि, हे़निङे़ॽ मुरतिमि सम्‍माङ ले़ःॽनोॽ ए़ले़ःॽमे़।

१ कोरिन्‍थि 14:1

मोडोगे़ॽ हे़निङ चाहिँ नम्‍नम ले़ःॽखुबाजि लिमा खे़ये। मोबा होङ्‌निवामि बरदान चुप्‍मा बेॽलो मिनानिङे, मोबाङ्‌सो बेॽलो चाहिँ अगमबानि इःमे बरदानमि लागि बोल ले़टानिङे।

१ कोरिन्‍थि 6:18

बेभिचार योम्‍बोकबाङ ओःनोॽ पेनानिङे। हाइखा पाप योम्‍बोक ले़ःॽखुबा याॽमिडे़ॽ टाङ्‌बामि हिङामि बिरोधबेॽ पाप ले़टुनिबा, तर बेभिचार ले़ःॽखुबा याॽमिडे़ॽ चाहिँ टाङ्‌बामिनोॽ हिङामि बिरोधबेॽ पाप ले़न्‍डुए।

१ तिमोथि 1:14

काबेॽ कानिङ्‌मि परभुमि अनुग्‍रहा के़ॽलो युङ्‌बेॽटा, मोबा खिरिस्‍टबेॽ टुये बिस्‍वासनुङ नम्‍नमसो खोसे़ॽनोॽ का पिसिङा।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

१ तिमोथि 2:8

वडाङ्‌पसाजिडे़ॽ चोप ठाउँबेॽ मे़सुरके़ॽलेॽनुङ खिमाचुमा मे़ले़ःॽरेॽ पबित्‍रा हुक ठेॽनुङ पारथना ले़टुजिरो के़ॽ मिॽइनुङे।

१ तिमोथि 4:12

हे़न वेन्‍जा ले़ःॽपॽआसे़ॽ हे़न असे़ॽसो हेला मे़ले़ःॽहेमिरो। तर नुबा खारेॽ यामुमे, नुबा चाल चलन, नम्‍नम, बिस्‍वासनुङ चोखो हिङ्‌मवा हिङ्‌नुङ बिस्‍वासिजिमि लागि इघा खाबेॽ हे़न नमुना लिसे।

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

१ पत्‍रुस 2:11

के़हा लङ्‌गामजि, इगो मक्‍खाम्‍डेमबेॽ हे़निङ नियाकमि चाबाङ्‌जिडोॽ ले़न्‍डानिङे, बिन्‍ति ले़निम्‍ने़, होङ्‌निवामि बिरोधबेॽ राम्‍खुबा हिङामि मङे़हा योम्‍बोकबाङ ओःनोॽ पेनानिङे।

१ पत्‍रुस 3:11

खो मङे़हा योम्‍बोक लेॽनुङ नुबा योम्‍बोकलाम टेमा खे़ये। खोसे़ॽ सान्‍तिनुङ्‌मा रामबेॽ राम्‍मा खे़ये।

३ युहन्‍ना 1:11

के़ए़ निसा, मङे़हा योम्‍बोक असाबाङ्‌सो ए़ॽचिम्‍मे़, तर भलाइमि योम्‍बोकरेॽ चिम्‍मे़। भलाइ ले़ःॽखुबा निवाहाङ्‌बाङ्‌ए ले़ये, मङे़हा योम्‍बोक ले़ःॽखुबाडे़ॽ निवाहाङ लेनोॽ लेसुनिबा।