२ तिमोथि 2:21 - याम्फु

²¹ मोडोगे़ॽ चोप खालहा मङे़हा खाबाङ ओः पेन्‍नुङ टाङ्‌बा चोखो युक्‍सुहोङ, मो याॽमि बेॽए योम्‍बोकमि लागि युङ्‌बॽआ खोङ्‌खोरियाडोॽ लिये। मोबा खो खोमि मायोङ्‌बामि लागि चोखोनुङ योम्‍बोकमि लागि पोरोक्‍पॽआ नेन्‍जाये खोङ्‌खोरियाडोॽ लिये।

२ तिमोथि 2:21 Iomraidhean Croise

एप्‍पा चोङ्‌सा 9:15

तर परभुडे़ॽ हननिया लुसु, “हे़न खे़ॽमा खे़ये इन्‍ढोङ्‌होङ मो याॽमिडे़ॽनोॽ अयहुदि जातिजि, मोबा हाङ्‌बाजिनुङ, इस्‍राएलि याॽमिजिमि रुम्‍बेॽ के़ए़ टुम्‍बेॽ परचार ले़ःॽमामि के़ॽ आक्‍को से़न्‍इटुङे।

१ कोरिन्‍थि 5:7

हे़निङ चोङ लिमामि लागि याक्‍लोए खमिरडोक्‍मा खा राप्‍पेमा खे़ये। मोबा हे़निङ चइबानोॽ खमिर मे़एम्‍बॽआ खाॽमिडोॽ ले़न्‍डानिङे, इन्‍ढोङ्‌होङ कानिङ छुट्‌कारा पिघुबा थुमा खिरिस्‍ट कानिङ्‌मि लागि बलि लिबेटे़।

२ कोरिन्‍थि 7:1

मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

२ कोरिन्‍थि 9:8

हे़निङ इमाङ खामिसो खाँचो मे़सिॽलो, मोबा हे़निङे़ॽ चोप नुबा योम्‍बोकमि लागि बेॽलो पिहेसानुमे लुनुङ निवाहाङ्‌डे़ॽ हे़निङ पाप्‍मिहाबाङ्‌सो बेॽलो पिये।

एफिसि 2:10

कानिङ खोसे़ॽ टोङ्‌बॽआ खोमि सिरिस्‍टि ले़न्‍डिङ्‌मा। कानिङ्‌मि हिङ्‌मवाबाङ नुबा योम्‍बोक लिरो लुनुङ्‌नोॽ खिरिस्‍ट येसुबाङ निवाहाङ्‌डे़ॽ कानिङ टोक्‍सा। कानिङ्‌बाङ माहा नुबा योम्‍बोक ले़ःॽमामि लागि याक्‍लोनोॽ खोसे़ॽ पोरोइटे़।

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

२ तिमोथि 2:16

भक्‍ति मे़ॽनिङ्‌हा उम्‍बरिङ, योम्‍बोक मे़ॽनिङ्‌हा खाबाङ ओःनोॽ पेने। इन्‍ढोङ्‌होङ इडोक्‍हा खाडे़ॽ याॽमिजि छना बेॽलो अधरमि टोङ्‌इये।

२ तिमोथि 2:20

बेॽहा याॽमिजिमि खिमबेॽ सुनानुङ सिसे़ङ्‌मि खोङ्‌खोरियारेॽ ने़ॽनि, तर सिङ्‌बुमिनुङ आक्‍खामामि खोङ्‌सो युङ्‌इन्‍डुजे। माहा खोङ्‌खोरिया आढा बेॽहा योम्‍बोकमि लागि आढा चाहिँ ए़द्‌रिहा योम्‍बोकमि लागि युङ्‌इन्‍डुजे।

२ तिमोथि 3:17

निवाहाङ्‌मि याॽमिजिडे़ॽ चोप नुबा योम्‍बोक ले़ःॽहेसुजिरो लुनुङ्‌नोॽ धारमिक नेॽचिरा पिबॽआ ले़ये।

२ तिमोथि 4:11

लुकारेॽनोॽ कानुङ टुये। हे़न आप्‍माबेॽ मरकुस हाम्‍बेॽ टुउहोङ्‌सो योक्‍नुङ सोरि चिक्‍आप्‍टे, इन्‍ढोङ्‌होङ खोसे़ॽ का चोप योम्‍बोक ले़ःॽमाराप्‍मिये।

तितस 3:1

सरकारनुङ सरकारमि योम्‍बोक ले़ःॽखुबा याॽमिजिमि अधिनबेॽ पेम्‍मेनुङ मोबेॽहा याॽमिजिडे़ॽ लुबॽआ खा खेम्‍मे लुनुङ फेरि इःडाजे। माहाजि सानिङ्‌नोॽ नुबा योम्‍बोक ले़ःॽमा पोरोक्‍मा खे़म्‍मे।

तितस 3:14

कानिङ्‌मि याॽमिजिडे़ॽ योम्‍बोक मे़ॽनिङ्‌मा खाबेॽ हिङ्‌मवा ए़ॽटिसुजिरो तर नुबा योम्‍बोक्‍पेॽ हिङ्‌मवा टिसुजिरो इडोॽ ले़ःॽमाहोङ खोजिडे़ॽ हाइखाजिसो पिहेन्‍डुजे।

तितस 3:8

इगो खा चइबानोॽ ले़ये। निवाहाङ्‌बेॽ बिस्‍वास ले़ःॽखुबाजिडे़ॽ नुबा योम्‍बोक्‍पेॽ निवा टिसानुमे लुनुङ हे़ने़ॽ इन्‍डोॽहोङ्‌सो इःॽपॽआ के़ॽ नेन्‍जानुङे। इघा नुबा योम्‍बोक ले़ःॽमाबेॽ हाइखाजिमि लागि सारो नुबानुङ फाइदामि खा लिये।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 1:7

नास लिनुङ खे़ये सुनानोक्‍सो मिडे़ॽ हिॽनुङ निखुर टोङ्‌मामि जाँच ले़ःॽमा खे़येहोङ हे़निङ्‌मि बिस्‍वासगो मो सुनाबाङ्‌सो इन्‍डोक बेॽलो मोलनुङ्‌मा ले़ये। मोडोगे़ॽ हे़निङ्‌मि इगो बिस्‍वास पक्‍का ले़येन्‍डे ले़ःॽनिबा लुनुङ खाल खालहा दुःखनुङ खेःबाङ जाँच लिये। इडोॽ ले़ःॽमाबेॽ हे़निङ्‌मि बिस्‍वास पक्‍का लियेनुङ येसु खिरिस्‍ट लेम्‍मा यिडे़ॽ हे़निङे़ॽ ओहाङ, महिमानुङ आदर चुप्‍मिन्‍डानुमे।

१ युहन्‍ना 3:3

मोबा इन्‍डोक खो पबित्‍रा ले़ये, मोडोक्‍नोॽ खोसोक्‍पेॽ आसा ले़ःॽखुबा चोप याॽमिडे़ॽसो पबित्‍रा लिमा खे़ये।