२ तिमोथि 2:19 - याम्फु

¹⁹ तर निवाहाङ्‌मि सिक्‍छेमि चर हागोरोसो बोलियो ले़ःॽसिये। मोबेॽ इडोॽ साप्‍पॽआ ले़ये “परभुडे़ॽ खोमि याॽमिजि लेन्‍डुजे” मोबा “परभुबेॽ बिस्‍वास ले़ःॽखुबाजि चोप पापबाङ ओःनोॽ पेम्‍मा खे़ये।”

२ तिमोथि 2:19 Iomraidhean Croise

मत्‍ति 24:24

इन्‍ढोङ्‌होङ मे़ॽनोक्‍हा खिरिस्‍टजि मोबा रेम्‍सिङ अगमबक्‍ताजि लेङ्‌इम्‍मे, माहाजिडे़ॽ बेॽहा बेॽहा चिङ्‌गानुङ खरिहा योम्‍बोक खाङ्‌मुनुङ निवाहाङ्‌डे़ॽ से़म्‍बॽआ बिस्‍वासिजिसो रेम्‍इन्‍डुजे।

मत्‍ति 28:19

मोडोगे़ॽ खडानिङे चोप जातिहा याॽमिजि चोङ्‌सा टोक्‍सानुमे। माहाजि पाबा निवाहाङ, पसा येसुनुङ पबित्‍रा होङ्‌निवामि निङ्‌बेॽ बप्‍तिस्‍मा पिसानुमे।

मत्‍ति 7:23

मोडोक्‍पेॽ माहाजि लुनुङ्‌हाजि, ‘निवाहाङ्‌मि नियमडे़ॽ लुडिडोॽ मे़ले़ःॽखुबा याॽमिजि, के़ॽ हे़निङ लेनिम्‍नानि काबाङ ओः खे़ॽपेसानिङे।’

मत्‍ति 7:25

मोबा फुइक्‍सुमा, वारिनुङ वाडुम लेन्‍नुङ मो खिम रोःगु तर मो खिम मे़योघडा इन्‍ढोङ्‌होङ मो खिम रुङ्‌गोॽवासोक्‍पेॽ आङ्‌बॽआ ले़टे़।

मरकुस 12:16

माहाजिडे़ॽ इक्‍को ढे़क येसु पिसुजि। मोबा खोसे़ॽ लुसुजि, “इगोबेॽ असामि छापनुङ लावा टुये ?” माहाजिडे़ॽ लुसुजि, “कैसरमि टुउ।”

मरकुस 13:22

इन्‍ढोङ्‌होङ रेम्‍सिङ खिरिस्‍टजिनुङ रेम्‍सिङ अगमबक्‍ताजि लेङ्‌इम्‍मे। माहाजिडे़ॽ बेॽहा बेॽहा चिङ्‌गानुङ खरिहा योम्‍बोक ले़ःॽनुङ निवाहाङ्‌डे़ॽ से़म्‍बॽआ याॽमिजिसो रेम्‍इन्‍डुजे।

लुका 13:27

तर खोसे़ॽ फेरि लुये, ‘हे़निङ असाजिडे ? के़ॽ लेनिम्‍नानि। होउ मङे़हा योम्‍बोक ले़ःॽखुबाजि, इगोबाङ खे़ॽपेसानिङे!’

लुका 6:48

खो इक्‍को खिम आङ्‌घुबाडोक्‍नोॽ ले़ये, खोसे़ॽ खिममि जग गहिरो टोनुङ आक्‍खामाहोङ्‌बेॽए रुङ्‌गोॽवासोक्‍पेॽ खिममि जग एन्‍डु। मोबा वाडुम लेस्‍सा तर मो नुरोॽ टोङ्‌बॽआसे़ॽ वारिनुङ वाडुमडे़ॽसो मो खिम मे़योहेसु।

युहन्‍ना 10:14

“नुबा गोठ्‌ला का ले़ङे, के़ॽ काङ्‌मि सामुजि लेनुङ्‌हाजि, मोबा के़हा सामुजिडे़ॽसो का लेम्‍मे।

युहन्‍ना 13:18

“के़ॽ हे़निङ चोपमि टुम्‍बेॽ लुबॽआ ने़ॽनि। के़ॽ से़म्‍बॽआजि के़ॽ नुरोॽ लेनुङ्‌हाजि। तर ‘कानुङ सोरि चरेपा चाघुबानोॽ के़ए़ टेडिघरिक याॽमि लिये’ लुनुङ धारमिक नेॽचिराबेॽ साप्‍पॽआ खा पुरा लिमामिन्‍नोॽ इडोॽ लिसा।

युहन्‍ना 3:33

असे़ॽ खोमि साक्‍छि खेम्‍नुङ बिस्‍वास ले़न्‍डुए, मोसे़ॽ निवाहाङ चाइबमा ले़ये लुनुङ लेन्‍डुए।

एप्‍पा चोङ्‌सा 11:26

खोसे़ॽ सावल मोबेॽ चुप्‍नुङ एन्‍टिओखिया सहरबेॽ चिक्‍चे़डु। खोजिडे़ॽ इक निङ्‌डोॽ एन्‍टिओखियामि मन्‍डलिबेॽहा याॽमिजिनुङ सेवा ले़ःॽसाङ बेॽलो याॽमिजि इःडुजि। बिस्‍वासिजि एन्‍टिओखियाबेॽनोॽ चोप्‍पा याक्‍लो “खिरिस्‍टियन” लुबॽआ ले़टे़।

एप्‍पा चोङ्‌सा 15:17

“एम्‍बॽआ चोप याॽमिजिडे़ॽ परमपरभु योक्‍हेसुजिरोनुङ के़ॽ टाङ्‌बाङ टोङ्‌मामि के़ॽपॽआ अयहुदि जातिहा याॽमिजिसो काबेॽ लेम्‍मिरो,

एप्‍पा चोङ्‌सा 9:14

हे़ने़हा निङ्‌बेॽ बिस्‍वास ले़ःॽखुबा याॽमिजि राःप्‍मामि एप्‍पा याडाङ्‌बाजिबाङ अधिकार टोक्‍नुङ खो इगोबेॽ लेङ्‌इटे़।”

रोमि 11:2

निवाहाङ्‌डे़ॽ याक्‍लोएबाङ्‌नोॽ लेबॽआ टाङ्‌बामि याॽमिजि लेडुजिनि। एलियामि टुम्‍बेॽ पबित्‍रा धारमिक नेॽचिराबेॽ लुबॽआ खा हे़निङे़ॽ इमा लेसानुम्‍ने ? खोसे़ॽ इस्‍राएलिजिमि बिरोधबेॽ निवाहाङ्‌नुङ इडोॽ लुबॽआ ले़टे़,

रोमि 12:9

हे़निङे़ॽ नम्‍नम ले़ःॽमाबेॽ याॽमिजि खाङ्‌मुमामि लागिरेॽनोॽ ने़ॽनि, तर निवा होङ्‌सिॽयुरा चाइबमा नम्‍नम ले़टानुमे। हाम्‍बे खा मङे़हा ले़ये मो लेॽपेनुङ नुबा खाबेॽ सानिङ निवा टिसानुमे।

रोमि 15:20

हाइखा याॽमिजिडे़ॽ तरिक्‍पॽआ जगबेॽ खिम टोङ्‌खुबाडोॽ का लिमा मिङ्‌ङानि। मोडोगे़ॽ खिरिस्‍टमि निङ्‌नोॽ मे़ङ्‌खेम्‍बॽआनुङ हाइखाजिडे़ॽ परचारनोॽ मे़ले़ःॽपॽआ ठाउँबेॽ निवा टिनुङ सुसमाचार परचार ले़ःॽमा सारोनोॽ मिॽइटुङे।

रोमि 8:28

कानिङे़ॽ लेन्‍डुङ्‌मे़, निवाहाङ्‌डे़ॽ नम्‍नम ले़ःॽपॽआजिनुङ खोमि योम्‍बोकमि लागि से़म्‍बॽआ चोप याॽमिजिमि लागि इन्‍डोॽहोङ्‌सो खोसे़ॽ भलाइनोॽ ले़न्‍डुजे।

रोमि 9:11

तर माहा पसाजि टोक्‍मा याक्‍लोनोॽ, खोजिडे़ॽ नुबा मङे़ॽमा योम्‍बोक ले़ःॽमा याक्‍लोनोॽ, निवाहाङ्‌डे़ॽ रेबिका इडोॽ लुबॽआ ले़टा, “टुम्‍मिडे़ॽ से़पामि सेवा ले़न्‍डुए” धारमिक नेॽचिराबेॽ निवाहाङ्‌डे़ॽ लुबॽआ खा इडोॽ साप्‍पॽआ ले़ये, “के़ॽ याकुब नम्‍नम ले़टुङ, एसाब सिॽचोसुङ। निवाहाङ्‌डे़ॽ याॽमिमि योम्‍बोक खाङ्‌नुङ ने़ॽनि, खोसे़ॽ मिॽपॽआडोॽ ले़ःॽमेन्‍डुजे लुमे खा इगोबेॽ छे़ङ्‌गै खाङ्‌मुटे़।”

१ कोरिन्‍थि 1:2

कोरन्‍थिबेॽ टुहा निवाहाङ्‌मि बिस्‍वासिजि इगो पत्‍रा पाङ्‌मे़ॽनिङ्‌सिन्‍जुङे, हे़निङ निवाहाङ्‌मि पबित्‍रा याॽमिजि लिमामि के़ए़टे़। मोबा खोसे़ॽनोॽ चोप ठाउँबेॽ परभु येसु खिरिस्‍टमि पुकारा ले़ःॽखुबाजिडोॽ हे़निङ्‌सो पबित्‍रा टोङ्‌इटे़। खो काजिङ्‌मिनुङ माहाजिमि परभु ले़ये।

१ कोरिन्‍थि 8:3

तर असे़ॽ निवाहाङ नम्‍नम ले़न्‍डुए खो निवाहाङ्‌डे़ॽ लेन्‍डुए।

२ कोरिन्‍थि 7:1

मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

गलाति 4:9

तर हागोगो हे़निङे़ॽ निवाहाङ लेबेटानुम अथबा निवाहाङ्‌डे़ॽ हे़निङ लेन्‍डानिङ, फेरि हे़निङ इन्‍ढोङ माहा याक्‍लोहा निवाहाङ्‌नोॽ ने़ॽनिहाजिबेॽ टेघे़ॽमा मिङ्‌इन्‍डानिङे ? हे़निङ फेरि इन्‍ढोङ माहाजिमि सेउते लिमा मिङ्‌इन्‍डानिङे ?

एफिसि 2:20

हे़निङ खिमडोॽ ले़न्‍डानिङ्‌नुङ मो खिममि जग चाहिँ एप्‍पा चोङ्‌साजिनुङ अगमबक्‍ताजिनोॽ ले़म्‍मे। येसु खिरिस्‍ट चाहिँ मो खिममि जगबेॽ युङ्‌ढाम सुर रुङ्‌गोॽवा ले़ये।

एफिसि 3:15

मोबा खोनोॽ थाङ्‌सिरिनुङ मक्‍खाम्‍डेमबेॽहा चोप बिस्‍वासिजिमि पाबा ले़ये।

एफिसि 4:30

निवाहाङ्‌मि पबित्‍रा होङ्‌निवा दुःखि ए़टोक्‍सानुमे, इन्‍ढोङ्‌होङ पबित्‍रा होङ्‌निवानोॽ हे़निङ इक्‍याक निवाहाङ्‌डे़ॽ छुट्‌कारा ले़ये लुनुङ पिबॽआ चिङ्‌ग ले़ये।

१ तिमोथि 3:15

मोडोगे़ॽ का आप्‍मा ढिलो लिङाहोङ्‌सो मन्‍दिरबेॽहा याॽमिजिमि चाल चलन इन्‍डोक्‍मा टुमा खे़ये खा इगो पत्‍राबाङ लेन्‍डुए। मन्‍दिरबेॽहाजि लुबॽआ चाहिँ हिङ्‌रिक निवाहाङ्‌मि मन्‍डलिनुङ चाइबमा खामि खाँबानुङ जग ले़ये।

१ तिमोथि 6:19

इडोॽ खोजिडे़ॽ ए़क्‍साङ्‌ए चाइबमा हिङ्‌मवामि लागि याङ्‌सरावा सुप्‍सुजिरो। खोजिमि लागि मो ए़क्‍साङ्‌ए हिङ्‌मवामि नुबा जग लिये। मोबारेॽ खोजिडे़ॽ ए़क्‍साङ्‌ए चाइबमा हिङ्‌मवा चुप्‍मिन्‍डुजे।

हिब्‍रु 11:10

इन्‍ढोङ्‌होङ खोसे़ॽको ए़क्‍साङ्‌ठोक नासि लिनिबा बोलियो जगनुङ्‌मा सहर हुङ्‌मे़ॽनिङ्‌सिडुए। सहर टोङ्‌खुबागो निवाहाङ्‌नोॽ ले़ये।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

१ युहन्‍ना 2:19

माहाजि कानिङ याःॽयानुङ खे़ॽप्‍पेसामि, इन्‍ढोङ्‌होङ खोजि कानिङ्‌हाजि ने़ॽनिहाजि। खोजि कानिङ्‌हाजि ले़टामिहोङ्‌गो कानिङ्‌नुङ्‌नोॽ पेनामे, मोडोगे़ॽ इगो खाबाङ छे़ङ्‌गै लिमामि लागि माहाजि कानिङ्‌बाङ हाःघडामि।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।

परकास 2:13

सैतानमि पेन्‍ढाममि के़क्‍पेॽनोॽ हे़निङ पेङ्‌इन्‍डानिङे लुमे खा के़ॽ लेनुङे़। तरसो हे़निङे़ॽ काबेॽ ले़ःॽपॽआ बिस्‍वास बोलियो ले़ये। साक्‍छि बोलियो बिस्‍वासनुङ्‌मा एन्‍टिपास सैतानमि पेन्‍ढाम के़क्‍पेॽ सेॽनेमाबेॽसो हे़निङे़ॽ बिस्‍वास मे़लेडानुम।

परकास 21:14

मो सहरमि परखालमि इक्‍पोङ निच्‍चि जग टुसा। माहासोक्‍पेॽ थुमामि बारो जना एप्‍पा चोङ्‌साजिमि निङ साप्‍पॽआ ले़टा।

परकास 22:4

माहाजिडे़ॽ खोमि नजिक खाङ्‌डोक्‍इन्‍डुजे, निवाहाङ्‌मि निङ खोजिमि तुरुवाबेॽ साप्‍मिहा।

परकास 3:8

हे़निङे़ॽ ले़ःॽपॽआ योम्‍बोक के़ॽ लेनुङ्‌हा। खाक्‍सानुमे, के़ॽ हे़निङ्‌मि पोम्‍बेॽ राम्‍डेम हेङ्‌इटुङे, इगो असे़ॽसो से़क्‍हेसुनिबा। हे़निङ थोःप्‍थोप्‍हा ले़टानिङ्‌रोसो के़ॽ लुबॽआ खा खेप्‍सानुम, मोबा काबेॽ बिस्‍वास ले़ःॽमा मे़लेडानुम।