२ तिमोथि 2:15 - याम्फु

¹⁵ हे़न ङेम्‍मा सिॽनिबा पाप्‍निबानुङ निवाहाङ्‌मि बचन नुरोॽ इःॽखुबा योम्‍बोकदाङ्‌बा लिसे, हेरो निवाहाङ्‌मि पोम्‍बेॽ नेन्‍जारोमा लिसे।

२ तिमोथि 2:15 Iomraidhean Croise

मत्‍ति 13:52

मोबा येसुडे़ॽ माहाजि लुसुजि, “मोडोगे़ॽ थाङ्‌सिरिमि राज्‍यमि सिक्‍छे चुप्‍पॽआ याॽमि लुबॽआ चाहिँ खिमबेॽए मुलि याॽमिडोॽ ले़ये। खोसे़ॽ खोमि खिमबेॽए ढुकुटिबाङ चोङ्‌नुङ पुरानो बेॽलो मुल्‍यनुङ्‌हा थोक पाखे़ॽयु रिॽआप्‍मिन्‍डुहा।”

मरकुस 4:33

याॽमिजिडे़ॽ निवाहाङ्‌मि सिक्‍छे लेसुजिरो लुनुङ इडोक्‍हा बेॽलो खानवा लुबेॽटुजि।

लुका 12:42

परभुडे़ॽ लुसु, “निवादाङ्‌बानुङ भरोसानुङ्‌मा भन्‍डारे चाहिँ इन्‍डोक्‍मा याॽमिडे लिये ? मायोङ्‌बाडे़ॽ खोमि खिमबेॽहा चोप योम्‍बोकमि जिम्‍मा पियेम्‍बाङ निवादाङ्‌बानुङ भरोसानुङ्‌मा भन्‍डारेडे़ॽ चाहिँ हाइखा योम्‍बोक ले़ःॽखुबाजि माक्‍मि, लेन्‍डानुङ युडा नुरोॽ चामा उङ्‌मामि टुङ्‌गो ले़ःॽपेन्‍डुजे।

एप्‍पा चोङ्‌सा 2:22

“होउ इस्‍राएलिजि, इगो खा हे़निङे़ॽ खेप्‍सानुमे। येसुबाङ निवाहाङ्‌डे़ॽ खरिहानुङ सक्‍तिनुङ्‌हा योम्‍बोक हे़निङ्‌मि रुम्‍बेॽ ले़ःॽपॽआगो, हे़निङे़ॽ लेन्‍डानुमे। माहा चिङ्‌गाबाङ निवाहाङ्‌डे़ॽनोॽ येसु पाङ्‌इटुए लुनुङ पक्‍का ले़ःॽपेटुए।

एप्‍पा चोङ्‌सा 20:27

इन्‍ढोङ्‌होङ निवाहाङ्‌डे़ॽ कानिङ्‌मि लागि ले़ःॽपॽआनुङ ए़क्‍साङ लिहा खामि टुम्‍बेॽहा इमाङ खासो के़ए़ निवाबेॽ मे़युङ्‌लेॽ हे़निङ लुबेॽनिम्‍ना।

रोमि 14:18

इडोॽ खिरिस्‍टमि सेवा ले़ःॽखुबा याॽमि निवाहाङ्‌डे़ॽ नेन्‍जोन्‍डुए, मोबा याॽमिजिबाङ्‌सो ओहाक चुप्‍मिन्‍डुए।

रोमि 16:10

खिरिस्‍टमि याॽमि लुमा खेन्‍जाखुबा अपेल्‍लेस काङ्‌मि सेवायो लुबेॽमाजे। मोबा अरिस्‍तोबुलसमि खिमबेॽहाजिसो काङ्‌मि सेवायो लुबेॽमाजे।

रोमि 6:13

हे़निङ्‌मि हिङाबेॽहा अङ्‌ग हागो पापि योम्‍बोकपेॽ ए़ॽटिसानुमे। मोमि साटो हे़निङ सिबॽआबाङ हिङ्‌बोक्‍पॽआ याॽमिडोॽ टाङ्‌बा निवाहाङ्‌डे़ॽ नेन्‍जामे योम्‍बोकपेॽ टिसानुमे। हे़निङ्‌मि हिङामि चोप अङ्‌ग धारमिक योम्‍बोक ले़ःॽमामि पिबेसानुमे।

१ कोरिन्‍थि 2:6

मोडोॽसो कानिङ बिस्‍वासबेॽ पाको याॽमिजिनुङ यामुमाबेॽ निवादाङ्‌बा खानुङ यामुन्‍डिङ्‌मा, तर मो इगो युगमि निवा ने़ॽनि, मोबा इगो युगमि हाङ्‌बाजिमि निवासो ने़ॽनि। राज्‍य ले़ःॽखुबा हाङ्‌बाजि इक्‍याक नासि लिघे़म्‍मे।

२ कोरिन्‍थि 10:18

इन्‍ढोङ्‌होङ खोमटाङ्‌बे़ॽ टाङ्‌बा नुबा ले़ङे काघुबा नुबा लिनिबा, तर परभुडे़ॽ नुबा लुबॽआ याॽमि चाहिँ नुबा लिये।

२ कोरिन्‍थि 3:6

खोसे़ॽ इक्‍को चोङ हेन्‍ज्‍रुङ चोगु, मोबा कानिङ मो हेन्‍ज्‍रुङ्‌बेॽ योम्‍बोक ले़ःॽहेखुबा सेवाक टोक्‍सा। इगो चाहिँ पबित्‍रा होङ्‌निवामि हेन्‍ज्‍रुङ ले़ये, यहुदि धारमिक नियमडे़ॽ चोक्‍पॽआ ने़ॽनि, मो नियमडे़ॽको सिमवा लाजे़न्‍डुए, तर पबित्‍रा होङ्‌निवाडे़ॽको हिङ्‌मवा लाजे़न्‍डुए।

२ कोरिन्‍थि 4:2

कानिङे़ॽ याॽमिजिबाङ कुम्‍नुङ ङेसिमारोहा योम्‍बोक ले़ःॽनोॽ ले़ःॽटुङ्‌मानि। कानिङे़ॽ रेम्‍सिङ योम्‍बोक ले़टुङ्‌मानि, मोबा निवाहाङ्‌मि बचन फेनुङ्‌मानि, कानिङे़ॽको निवाहाङ्‌मि सानिङ आदर ले़ःॽसाङ चाइबमा खारेॽ इःन्‍डुङ्‌मे मोबा चोप याॽमिजिडे़ॽ नेन्‍जामारो बानि बेहोरानुङ्‌मा लिन्‍डिङ्‌मे़।

२ कोरिन्‍थि 5:9

मोडोगे़ॽ कानिङ इगो हिङाबेॽ टुमाबेॽहोङ्‌सो, परभुनुङ सोरि टुमाबेॽहोङ्‌सो परभुडे़ॽ नेन्‍जामारोमा योम्‍बोक ले़ःॽमा मिॽइन्‍डुङ्‌मे़।

गलाति 1:10

इडोॽ लुनुङ के़ॽ याॽमिजि साप्‍थाङ्‌मेॽमामि लागि लुबॽआ ने़ॽनि, के़ॽ निवाहाङ साप्‍थाङ्‌मेॽमा मिॽइनुङे, का याॽमिजिमि नेन्‍जामारोमा लिमामि लागि ने़ॽनि, इडोॽ ले़टुङ्‌होङ्‌गो का खिरिस्‍टमि सेउते ले़ःॽङानि।

एफिसि 1:13

मोडोक्‍नोॽ हे़निङे़ॽसो मुक्‍ति पिघुबा चाइबमा सुसमाचार खेम्‍नुङ खिरिस्‍टबेॽ बिस्‍वास ले़टानुम। निवाहाङ्‌डे़ॽ हेन्‍ज्‍रुङ हे़म्‍बॽआ पबित्‍रा होङ्‌निवामि छाप टिनुङ निवाहाङ्‌डे़ॽ हे़निङ खोमि याॽमिजि टोङ्‌बॽआ परमान पिसा।

१ थेस्‍लोनिकि 2:4

निवाहाङ्‌डे़ॽ कानिङ बिस्‍वास ले़ःॽनुङ सुसमाचार खेम्‍मेॽमे योम्‍बोक पिसा। मोडोगे़ॽ कानिङे़ॽ याॽमिजि ने़ॽनि कानिङ्‌मि निवा नुरोॽ लेघुबा निवाहाङ साप्‍थाङ्‌मेॽमामि लागि यामुसिङ्‌मा।

१ थेस्‍लोनिकि 5:14

वावानिसानुङ नानुसाजि, हे़निङ लुनिम्‍ने़ पाङ्‌सुघुबाजि नुरोॽ योम्‍बोक ले़ःॽचामा लुनुङ चेतवानि पिसानुमे, निङ्‌सिघे़ॽखुबाजि हाङ्‌हाङ पिसानुमे, किस्‍सिखुबाजि सहायता ले़टानुमे, मोबा चोप खा आङ्‌हेघुबा लिसानिङे।

१ तिमोथि 4:6

इघा खा हे़ने़ॽ बिस्‍वासि वावानिसाजिसो इःडुजिहोङ, हे़न खिरिस्‍ट येसुमि नुबा योम्‍बोकदाङ्‌बा लिये। मो खा हे़ने़ॽ खाङ्‌मुन्‍डुए हाम्‍बे बिस्‍वासबेॽ हे़न वाबुइटे़ मो नुबा खा पालना ले़ःॽए़टुए।

हिब्‍रु 4:11

मोडोगे़ॽ कानिङ मो नाजामे ठाउँबेॽ पे़खे़ॽमामि बोल ले़ःॽमा, मोबा निवाहाङ्‌मि खा मे़ङ्‌खेम्‍खुबा इस्‍राएलिजि नास लिडिडोॽ कानिङ असासो नासि ए़ॽलिमा।

याकुब 1:12

आपद बिपद आङ्‌हेघुबा याॽमिडे़ॽनोॽ आसिस चुप्‍मिन्‍डुए। दुःख आङ्‌हेखुबाडे़ॽनोॽ निवाहाङडे़ॽ पिमामि हे़न्‍ज्‍रुङ हे़म्‍बॽआ हिङ्‌मवामि मुकुट चुप्‍मिन्‍डुए।

याकुब 1:18

खोसे़ॽ टाङ्‌बे़ॽ मिॽपॽआडोॽ चाइबमा बचनबाङ कानिङ सिरिस्‍टि ले़टा। कानिङ खोमि सिरिस्‍टिमि याक्‍लो किङ्‌बॽआ चाडोक्‍नोॽ लिहेसिरो।

२ पत्‍रुस 1:10

मोडोगे़ॽ वावानिसानुङ नानुसाजि, निवाहाङ्‌डे़ॽ हे़निङ के़ःॽपॽआनुङ से़म्‍बॽआ खा पक्‍का टोङ्‌मामि बोल ले़टानुमे। हे़निङे़ॽ इडोॽ ले़टानुमहोङ हे़निङ्‌मि बिस्‍वास इन्‍डोक्‍पेॽसो काङ्‌घे़ॽनिबा।

२ पत्‍रुस 1:15

का सिघे़ॽनुङ ए़क्‍साङ्‌सो हे़निङे़ॽ इघा खा निवाबेॽ सानिङ युङ्‌हेसानुमे लुनुङ हेरो के़ॽ हे़निङ सानिङ नुरोॽ लुनिम्‍ने़।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।