२ तिमोथि 1:9 - याम्फु

⁹ निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

२ तिमोथि 1:9 Iomraidhean Croise

मत्‍ति 1:21

हागो मरियमडे़ॽ इक्‍को पसा टोइन्‍डुए, मो ओङे़कमि निङ हे़ने़ॽ येसु युङ्‌मे, इन्‍ढोङ्‌होङ खोसे़ॽ खोमि याॽमिजि पापबाङ छुट्‌कारा पिन्‍डुजे।”

लुका 10:21

मोडोक्‍पेॽनोॽ येसुबेॽ पबित्‍रा होङ्‌निवा लेन्‍नुङ मोमि हाङ्‌हाङ्‌बेॽ लुसु, “हे निवाहाङ पाबा, थाङ्‌सिरिनुङ मक्‍खाम्‍डेममि मायोङ्‌बा के़ॽ हे़न ओहाक पिन्‍ने़ इन्‍ढोङ्‌होङ निवादाङ्‌बानुङ चेन्‍दुबाजिबाङ चुम्‍नुङ युङ्‌बॽआ खा हे़ने़ॽ इमाङ्‌सो मे़लेघुबाजि पिटुजे। हे पाबा इडोॽ ले़ःॽमानोॽ हे़ने़ॽ नेन्‍जोसु!

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

युहन्‍ना 17:9

“के़ॽ माहाजिमि लागि पारथना ले़ःॽमे़ॽनिङ्‌सिनुङे, मक्‍खाम्‍डेमबेॽहा चोप याॽमिजिमि लागिगो ने़ॽनि, तर हे़ने़ॽ का पिबॽआ याॽमिजिमि लागिरेॽ ले़नुङे। इन्‍ढोङ्‌होङ माहाजि हे़ने़हाजि ले़म्‍मे।

युहन्‍ना 6:37

काङ्‌मि पाबाडे़ॽ पिबॽआ चोप काबेॽ लेङ्‌इम्‍मेनुङ काबेॽ लेङ्‌घुबाजि इन्‍डोक्‍पेॽसो के़ॽ याःॽयासुङ्‌जिनि।

एप्‍पा चोङ्‌सा 15:18

लुनुङ परभु निवाहाङ्‌डे़ॽ लुये। खोसे़ॽ बेॽलो याक्‍लो इगो खा इःबॽआ ले़टे़।

एप्‍पा चोङ्‌सा 2:47

खोजि सानिङ्‌नोॽ निवाहाङ्‌मि ओहाङ ले़टामे। माहाजि हाइखा याॽमिजिडे़ॽसो नेन्‍जोसुजे। निवाहाङ्‌मि बिस्‍वासबेॽ हिङ्‌घुबाजि बेॽलो बेॽलो लिसामि।

रोमि 11:14

इडोक्‍मा सुसमाचारमि योम्‍बोकडे़ॽ ले़ःॽमेॽ, के़हा यहुदि जातिजि चेजेवा पुःक्‍मेॽनुङ माहाजिबाङ कोहि कोहिजिडे़ॽ निवाहाङ्‌बेॽ बिस्‍वास ले़न्‍डुजेन्‍डे ?

रोमि 11:29

इन्‍ढोङ्‌होङ निवाहाङ पाबाडे़ॽ पिबॽआ बरदाननुङ के़ःॽपॽआ खा इन्‍डोक्‍पेॽसो खोसे़ॽ मिन्‍डेडुनि।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

रोमि 3:20

मोडोगे़ॽ धारमिक नियम पालना ले़ःॽनुङ असासो निवाहाङ्‌मि पोम्‍बेॽ धरमि लिमिने। इन्‍ढोङ्‌होङ धारमिक नियमडे़ॽको याॽमिडे़ॽ ले़ःॽपॽआ पापरेॽ लेमेये।

रोमि 9:11

तर माहा पसाजि टोक्‍मा याक्‍लोनोॽ, खोजिडे़ॽ नुबा मङे़ॽमा योम्‍बोक ले़ःॽमा याक्‍लोनोॽ, निवाहाङ्‌डे़ॽ रेबिका इडोॽ लुबॽआ ले़टा, “टुम्‍मिडे़ॽ से़पामि सेवा ले़न्‍डुए” धारमिक नेॽचिराबेॽ निवाहाङ्‌डे़ॽ लुबॽआ खा इडोॽ साप्‍पॽआ ले़ये, “के़ॽ याकुब नम्‍नम ले़टुङ, एसाब सिॽचोसुङ। निवाहाङ्‌डे़ॽ याॽमिमि योम्‍बोक खाङ्‌नुङ ने़ॽनि, खोसे़ॽ मिॽपॽआडोॽ ले़ःॽमेन्‍डुजे लुमे खा इगोबेॽ छे़ङ्‌गै खाङ्‌मुटे़।”

रोमि 9:24

निवाहाङ्‌डे़ॽ के़ॽपॽआ याॽमिजि चाहिँ कानिङ्‌नोॽ ले़न्‍डिङ्‌मा। खोसे़ॽ यहुदिजिरेॽनोॽ ने़ॽनि तर अयहुदिजिसो के़डुजि।

१ कोरिन्‍थि 1:18

खिरिस्‍ट काप्‍सिङ्‌बेॽ सिबॽआ खामि परचार चाहिँ नासि लिघुबाजिमि लागि उम्‍बरिङ खा ले़ये, तर कानिङ उद्‌धार चुप्‍खुबाजिमि लागि चाहिँ निवाहाङ्‌मि सक्‍ति ले़ये।

एफिसि 1:11

इन्‍ढोङ्‌होङ चोप योम्‍बोक निवाहाङ्‌डे़ॽ ले़ःॽमा मिॽपॽआडोक्‍नोॽ लिटाहा। निवाहाङ खोमटाङ्‌बे़ॽ कानिङ से़ना। इगो खा चाहिँ याक्‍लोएम्‍बाङ ले़ःॽमा मिॽपॽआ ले़टे़।

एफिसि 1:9

मोडोक्‍नोॽ निवाहाङ्‌डे़ॽ खिरिस्‍टबाङ पुरा ले़ःॽमा योक्‍पॽआ टाङ्‌बामि गहिरो खा लेमेॽटा।

एफिसि 2:5

मोडोगे़ॽ कानिङे़ॽ पाप ले़ःॽनुङ सिबॽआहोङ्‌सो निवाहाङ्‌डे़ॽ कानिङ खिरिस्‍टनुङ्‌नोॽ हिङ्‌रिक टोक्‍सा। हे़निङ हिङ्‌रिक लिबॽआसो निवाहाङ्‌मि अनुग्‍रहाडे़ॽनोॽ ले़ये।

एफिसि 3:11

इगो चाहिँ सिरिस्‍टि लिमा याक्‍लोनोॽ टोङ्‌बॽआ योजना ले़टे़नुङ खोमि मो योजनाडोॽ आयु कानिङ्‌मि खिरिस्‍ट येसु परभुबाङ पुरा ले़टु।

फिलिप्‍पि 3:14

थाङ्‌सिरिबेॽ चुप्‍मिये इनाममि निसानालाम का बोल टिनुङ पोम्‍बेॽ खे़ॽमे़ॽनिङ्‌सिङे। निवाहाङ्‌डे़ॽनोॽ इगोमि लागि खिरिस्‍ट येसुराम्‍बाङ का के़ए़टिङे।

१ थेस्‍लोनिकि 4:7

इन्‍ढोङ्‌होङ निवाहाङ्‌डे़ॽ कानिङ असुद्‌ध लिमामि ने़ॽनि, तर पबित्‍रा लिनुङ हिङ्‌मामि लागिनोॽ के़ए़टे़।

१ तिमोथि 1:1

कानिङ मुक्‍ति पिघुबा निवाहाङ्‌नुङ आसा पिघुबा येसु खिरिस्‍टडे़ॽ आग्‍या पिडिडोॽ का पावल खोमि एप्‍पा चोङ्‌सा लिसिङ।

२ तिमोथि 1:1

खिरिस्‍ट येसुबेॽ टुये हिङ्‌मवामि हेन्‍ज्‍रुङ्‌मि टुम्‍बेॽ खेम्‍मेॽमामि निवाहाङ्‌डे़ॽ मिॽपॽआडोॽ परभु येसु खिरिस्‍टमि एप्‍पा चोङ्‌सा लिमा से़न्‍बॽआ का पावलबाङ,

तितस 1:2

मो बिस्‍वासनुङ निवा चाहिँ ए़ॽसिघे़ॽमे हिङ्‌मवामि आसबेॽ टुये, मोबा इन्‍डोक्‍पेॽसो मे़रेम्‍डेॽखुबा निवाहाङ्‌डे़ॽ याक्‍लोएम्‍बाङ कानिङ इगो हिङ्‌मवा पिनिम्‍ने़ लुनुङ हेन्‍ज्‍रुङ ले़ए़टुए।

हिब्‍रु 3:1

मोडोगे़ॽ निवाहाङ्‌डे़ॽ से़म्‍बॽआ पबित्‍रा वावानिसानुङ नानुसाजि, निवाहाङ्‌डे़ॽ पाङ्‌बॽआ पसानुङ चोप्‍पाङ एप्‍पा याडाङ्‌बा लुनुङ कानिङे़ॽ बिस्‍वास ले़ःॽपॽआ येसुबेॽ निवा टिसानुमे।

१ पत्‍रुस 1:20

खो मक्‍खाम्‍डेममि सिरिस्‍टि लिमा याक्‍लोनोॽ निवाहाङ्‌डे़ॽ से़म्‍बॽआ ले़टे़, तर हे़निङ्‌मि लागि इघा ए़क्‍साङ्‌हा याकपेॽ खाङ्‌मुसा।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।