२ तिमोथि 1:7 - याम्फु

⁷ इन्‍ढोङ्‌होङ निवाहाङ्‌डे़ॽ कानिङ किस्‍सिमे होङ्‌निवा पिबॽआ ने़ॽनि तर बोलनुङ नम्‍नमनुङ टाङ्‌बामि निवा अधिनबेॽ टिमे होङ्‌निवा पिटे़।

२ तिमोथि 1:7 Iomraidhean Croise

लुका 10:19

खेप्‍सानुमे, के़ॽ हे़निङ पुसे़ॽनुङ बिच्‍छि सिक्‍मे़ मोबा सतुरजिमि चोप सक्‍तिसोक्‍पेॽ अधिकार पिबेनिम्‍ने़। इमाङे़ॽसो हे़निङ नासि ले़ःॽहेमिने।

लुका 15:17

“मोडोक्‍पेॽरेॽ खोमि निवा लेस्‍सा मोबा मिॽटु, ‘के़ए़ पाबामि खिमबेॽ योम्‍बोक ले़ःॽखुबाजिडे़ॽ उक्‍खारो चानुङ्‌सो एङ्‌इहा, का चाहिँ इगोबेॽ सागे़ॽ सिघे़ॽसिॽ पोरोगिङ।

लुका 24:49

हागो खेप्‍सानुमे, के़ए़ पाबे़ॽ हे़न्‍ज्‍रुङ हुप्‍पॽआ खा के़ॽ हे़निङ्‌बेॽ पाङ्‌इनुङे, तर निवाहाङ्‌बाङ्‌ए सक्‍ति मे़न्‍चुप्‍रेॽलो हे़निङ इगो सहरबेॽनोॽ पेन्‍डिक्‍सानिङे।”

लुका 8:35

बेॽलो याॽमिजि इमा पिक्‍खाडे़ लुनुङ खाङ्‌सिॽ येसुबेॽ लेस्‍सामि। मङे़ॽमा चाबे़ॽ चुङ्‌जाबॽआ मो याॽमि नुबोक्‍नुङ्‌सो चेॽ चाङ्‌नुङ येसुमि के़क्‍पेॽ पेम्‍मे़ॽनिङ्‌सिबॽआ खाङ्‌डोक्‍टुजि। इघा खा खाङ्‌नुङ माहाजि चोप खरि मिनामि।

युहन्‍ना 14:27

“के़ॽ हे़निङ्‌नुङ सान्‍ति याःॽयानुङे। के़ॽ काङ्‌मि सान्‍ति हे़निङ पिनिम्‍ने़। मो सान्‍ति इगो मक्‍खाम्‍डेमडे़ॽ पिबॽआडोॽमा ने़ॽनिबा। हे़निङ्‌मि निवा दुःखि मे़लिरो, मोबा मे़ङ्‌किस्‍सिरो।

एप्‍पा चोङ्‌सा 1:8

तर पबित्‍रा होङ्‌निवा हे़निङ्‌बेॽ लेङ्‌येबाङ हे़निङे़ॽ बोल चुप्‍मिन्‍डानुमे, मोबा हे़निङ यरुसलेमबेॽ, यहुदियानुङ सामरिया ठाउँबेॽ, मोबा मक्‍खाम्‍डेम चोपराजि के़ए़ साक्‍छि लिन्‍डानिङे।”

एप्‍पा चोङ्‌सा 10:38

निवाहाङ्‌डे़ॽ नासरतबेॽए येसु पबित्‍रा होङ्‌निवामि सक्‍ति पिसु। मोबा खोनुङ निवाहाङ टुबॽआसे़ॽ खोसे़ॽ याॽमिजि भलाइमि योम्‍बोकनुङ सैतानडे़ॽ चुङ्‌जाबॽआजि नुबोक्‍साङ चोपराजि राम्‍डुसा।

एप्‍पा चोङ्‌सा 20:24

तरसो के़ए़ हिङ्‌मवागो काङ्‌मि लागि इमाङ्‌सो योम्‍बोक ले़ःॽनिबा। के़ॽ मिॽपॽआ इगोरेॽनोॽ टुये निवाहाङ्‌डे़ॽ चोप याॽमिजि अनुग्‍रहा ले़ए़टे़ लुमे सुसमाचार चोप ठाउँराजि खेम्‍मेहेमा। इगो योम्‍बोक चाहिँ का परभु येसुडे़ॽ ले़ःॽमा लुटिङे।

एप्‍पा चोङ्‌सा 21:13

तर पावलडे़ॽ इडोॽ लुसा, “हे़निङे़ॽ हाःप्‍नुङ इन्‍ढोङ के़ए़ निवा निरास टोङ्‌इन्‍डानुमे ? कागो यरुसलेमबेॽ खे़ॽनुङ हिःक्‍चिमुमारेॽनोॽ ने़ॽनि, तर परभु येसुमि लागि सिघे़ॽमासो राजि ले़ङे।”

एप्‍पा चोङ्‌सा 26:11

बेॽलोखेॽ के़ॽ खोजि ‘हागोएम्‍बाङ नासरतमि येसुबेॽ बिस्‍वास ले़ःॽङानि लुमेॽमामि यहुदिजि सुम्‍ढाम खिमबेॽ से़ॽखे़ॽनुङ सजाय पिमेॽटुङ्‌जि।’ का खोजिनुङ सारोनोॽ सुरकाडिङे मोडोगे़ॽ के़ॽ हाइखा देसबेॽहा सहरराजिसो खे़ॽनुङ खोजि चुङ्‌जासुङ्‌जि।

एप्‍पा चोङ्‌सा 26:25

तर पावलडे़ॽ लुसु, “आदरनिया डायोङ्‌बा फेस्‍तस, का नाङ्‌बोक्‍पॽआ ने़ॽनि, कागो साध्‍देनोॽ ले़ङे चाइबानोक्‍मा खा इःमे़ॽनिङ्‌सिनुङे।

एप्‍पा चोङ्‌सा 6:8

मोबा स्‍तिफनसडे़ॽ निवाहाङ्‌बाङ बेॽलो आसिसनुङ सक्‍ति चुप्‍नुङ याॽमिजिमि रुम्‍बेॽ खरिहा चिङ्‌गानुङ योम्‍बोक ले़टु।

एप्‍पा चोङ्‌सा 9:22

तर सावलडे़ॽ छना सक्‍तिनुङ येसुनोॽ खिरिस्‍ट ले़ये लुनुङ पक्‍का ले़टु। मोडोगे़ॽ दमस्‍कसबेॽहा यहुदिजि इमाङ्‌सो मे़ङ्‌काहेसामि।

रोमि 5:5

मोबा कानिङे़ॽ चुप्‍पॽआ मो आसाडे़ॽ निरास टोङ्‌निबा, इन्‍ढोङ्‌होङ निवाहाङ्‌डे़ॽ कानिङ पिबॽआ पबित्‍रा होङ्‌निवाबाङ खोमि नम्‍नम कानिङ्‌मि निवा इॽठुप युङ्‌बेटे़।

रोमि 8:15

इन्‍ढोङ्‌होङ हे़निङे़ॽ फेरि किस्‍सिमानुङ हिङ्‌घुबा सेउतेमि होङ्‌निवा मे़न्‍चुप्‍टिॽ, तर हे़निङे़ॽको पसाजि लिमे होङ्‌निवा चुप्‍मिटानुमे। मोडोगे़ॽ हागो कानिङे़ॽ निवाहाङ “अब्‍बा, पाबा” लुनुङ के़न्‍डुङ्‌मा।

१ कोरिन्‍थि 2:4

के़ॽ अरतिनुङ परचार ले़ःॽमाबेॽ चेन्‍दुबानुङ बेॽहा बेॽहा निवादाङ्‌बा खा मे़इःसुङ, तर के़ॽ परचार ले़ःॽपॽआ खा चाइबमा ले़ये लुनुङ पबित्‍रा होङ्‌निवामि सक्‍ति खाङ्‌मुसुङ।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

कलस्‍सि 1:8

पबित्‍रा होङ्‌निवाडे़ॽ हे़निङ पिबॽआ नम्‍नममि टुम्‍बेॽ खोसे़ॽनोॽ कानिङ खेम्‍मेॽटा।

हिब्‍रु 2:15

मोबा इक्‍याक सिमा खे़ये लुनुङ हिङ्‌रो किस्‍सिमामि सेउते लिमे खाबाङ याॽमिजि खोसे़ॽ छुट्‌कारा पिसुजि।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ युहन्‍ना 4:18

नम्‍नमबेॽ किस्‍सिमा माॽआये, तर चाइबमा नम्‍नमडे़ॽ किस्‍सिमवा यिॽइन्‍डुए, इन्‍ढोङ्‌होङ किस्‍सिमवाडे़ॽ दन्‍डा चुप्‍मिये लुमे खा खाङ्‌मुये। किस्‍सिखुबा याॽमिबेॽ चाइबमा नम्‍नम माॽआये।