२ थेस्‍लोनिकि 3:7 - याम्फु

⁷ इन्‍ढोङ्‌होङ याक्‍लो हे़निङ्‌नुङ टुमाबेॽ कानिङे़ॽ ले़ःॽपॽआडोक्‍नोॽ ले़ःॽमा खे़ये लुमे खागो हे़निङे़ॽ नुरोॽ लेन्‍डानुमे। हे़निङ्‌नुङ टुमाबेॽ कानिङ मे़म्‍पाङ्‌सुरेॽ पेनिङ्‌मा।

२ थेस्‍लोनिकि 3:7 Iomraidhean Croise

१ कोरिन्‍थि 11:1

खिरिस्‍टडे़ॽ ले़टिडोॽ के़ॽ ले़नुङे, हे़निङे़ॽसो के़ॽ ले़टिडोक्‍नोॽ ले़टानुमे।

१ कोरिन्‍थि 4:16

मोडोगे़ॽ काङ्‌मि हिङ्‌मवा खाङ्‌नुङ चिनानुमे लुनुङ बिन्‍ति ले़ःॽनिम्‍ने़।

फिलिप्‍पि 3:17

वावानिसानुङ नानुसाजेओ, हे़निङे़सो के़ॽ ले़टिडोक्‍नोॽ ले़टानुमे। कानिङ हे़निङ्‌मि पोम्‍बेॽ नुबा याॽमि लिनुङ हिङ्‌इटिङ्‌मे। कानिङ्‌डोक्‍नोॽ ले़ःॽनुङ हिङ्‌घुबाजि खाङ्‌नुङ हे़निङे़ॽसो चिनानुमे।

फिलिप्‍पि 4:9

काबाङ हे़निङे़ॽ इमाङ चिङ्‌इटानुमेनुङ चुप्‍मिटानुमे माहा चिम्‍बॽआनुङ चुप्‍पॽआ खानोॽ ले़टानुमे, मोबा सान्‍ति पिघुबा निवाहाङ हे़निङ्‌नुङ सोरि पेङ्‌इये।

१ थेस्‍लोनिकि 2:10

हे़निङ बिस्‍वासिजिनुङ टुमाबेॽ कानिङ पबित्‍रा, धरमिनुङ आप्‍टिक मे़ॽनिङ पेनिङ्‌मा। इगो खामि लागि साक्‍छि निवाहाङ्‌नुङ हे़निङ्‌नोॽ टुन्‍डानिङे।

१ थेस्‍लोनिकि 5:14

वावानिसानुङ नानुसाजि, हे़निङ लुनिम्‍ने़ पाङ्‌सुघुबाजि नुरोॽ योम्‍बोक ले़ःॽचामा लुनुङ चेतवानि पिसानुमे, निङ्‌सिघे़ॽखुबाजि हाङ्‌हाङ पिसानुमे, किस्‍सिखुबाजि सहायता ले़टानुमे, मोबा चोप खा आङ्‌हेघुबा लिसानिङे।

२ थेस्‍लोनिकि 3:6

वावानिसानुङ नानुसाजि, परभु येसुमि निङ्‌बेॽ हे़निङ आग्‍या पिनिम्‍ने़। इघा कानिङे़ॽ पिबॽआ सिक्‍छे मे़ङ्‌खेम्‍खुबानुङ पाङ्‌सुखुबा याॽमिजिबाङ ओः पेनानिङे।

२ थेस्‍लोनिकि 3:9

हे़निङ्‌नुङ कानिङे़ॽ सहायोग लामे अधिकार माॽआडे़न्‍से़ॽ ने़ॽनि, तर कानिङे़ॽ ले़ःॽपॽआ खाङ्‌नुङ हे़निङे़ॽ चिनानुमे लुनुङ नमुनामि लागि मोडोॽ ले़टुङ्‌मा।

१ तिमोथि 4:12

हे़न वेन्‍जा ले़ःॽपॽआसे़ॽ हे़न असे़ॽसो हेला मे़ले़ःॽहेमिरो। तर नुबा खारेॽ यामुमे, नुबा चाल चलन, नम्‍नम, बिस्‍वासनुङ चोखो हिङ्‌मवा हिङ्‌नुङ बिस्‍वासिजिमि लागि इघा खाबेॽ हे़न नमुना लिसे।

तितस 2:7

हे़न आमटाङ्‌बा चोप नुबा योम्‍बोकपेॽ खोजिमि लागि नमुना लिसे। मोबा निवादाङ्‌बानुङ भरोसानुङ्‌मा लिसे।

१ पत्‍रुस 5:3

हे़निङ्‌मि जिम्‍माबेॽ टुघुबाजिसोक्‍पेॽ अधिन ले़ःॽनुङ ने़ॽनि, तर खोजिमि पोम्‍बेॽ नुबा नमुना लिनुङ हिक्‍सानिङे।