२ थेस्‍लोनिकि 2:8 - याम्फु

⁸ मोबा ए़क्‍साङ मो ब्‍यबस्‍था पालना मे़ले़ःॽखु खाङ्‌मुये। मोबा परभु येसुमि बचनडे़ॽ नासि ले़न्‍डुए मोबा खो लेम्‍माबेॽ उज्‍यालो जोतिमि सक्‍तिडे़ॽ मो नासि लेन्‍डुए।

२ थेस्‍लोनिकि 2:8 Iomraidhean Croise

मत्‍ति 13:19

रामबेॽ सिॽपॽआ चरि लुबॽआ चाहिँ, याॽमिजिडे़ॽ निवाहाङ्‌मि राज्‍यमि टुम्‍बेॽहा खा खेम्‍इन्‍डुजे, तर लेसुजिनि। मोबा सैतानडे़ॽ माहा खा निवाबाङ कुप्‍फे़न्‍डुए।

मत्‍ति 13:38

रोपा चाहिँ इगो मक्‍खाम्‍डेम, नुबा चरि चाहिँ निवाहाङ्‌मि राज्‍यबेॽहा याॽमिजि, मोबा सामा चाहिँ सैतानमि पसाजि।

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

मत्‍ति 16:28

चइबानोॽ के़ॽ हे़निङ लुनिम्‍ने़, इगोबेॽ टुघुबाजिबेॽ इन्‍डोक याॽमिजिडे़ॽ याॽमिमि पसा खोमि राज्‍यबेॽ उङ्‌मे़ॽसिबॽआ मे़ङ्‌खाङ्‌डोक्‍लो सिघे़ॽमिने।”

१ कोरिन्‍थि 1:28

मक्‍खाम्‍डेमबेॽहा याॽमिजिडे़ॽ बेॽहा मिॽपॽआ चोप याॽमिजि योम्‍बोक मे़ॽनिङ्‌हा टोङ्‌मामि लागि याॽमिजिडे़ॽ ए़डे़म्‍मा मिॽपॽआ, चिक्‍चि मिॽपॽआनुङ योम्‍बोक मे़ॽनिङ्‌हा मिॽपॽआ याॽमिजि निवाहाङ्‌डे़ॽ से़नुजि।

२ थेस्‍लोनिकि 2:3

तर हे़निङ असे़ॽसो मे़रेम्‍हेमिरो। इन्‍ढोङ्‌होङ निवाहाङ्‌मि बिरोधबेॽ बेॽए हुलदुङ्‌गा मे़लिरेॽलो, मोबा ब्‍यबस्‍थामि खा मे़ङ्‌खेम्‍खुबा, बेॽए नासबेॽ सिॽखुबा याॽमि मे़लेङ्‌रो मो याक लेन्‍निबा।

१ तिमोथि 6:14

हे़न असे़ॽसो आप्‍टिक मे़न्‍टिहेसुजिरो लुनुङ इगो आग्‍या कानिङ्‌मि परभु येसु खिरिस्‍ट फेरि मे़लेङ्‌रो नुरोॽ पालना ले़टे।

२ तिमोथि 1:10

मो अनुग्‍रहा चाहिँ येसु खिरिस्‍ट लेन्‍नुङ ए़क्‍साङ खाङ्‌मुसा। खोसे़ॽ सिमवा हेजानुङ ए़स्‍सिमे हिङ्‌मवा सुसमाचारबाङ खाङ्‌मुसु।

२ तिमोथि 4:1

निवाहाङ्‌मि पोम्‍बेॽ मोबा सिघे़ॽपॽआजिनुङ हिङ्‌रिकजिमि न्‍याय ले़ःॽसिॽ लेङ्‌खुबा खिरिस्‍ट येसुमि पोम्‍बेॽ मोबा खिरिस्‍ट लेङ्‌इये खानुङ खोमि राज्‍य निवाबेॽ मिॽसाङ के़ॽ हे़न इडोॽ आग्‍या ले़न्‍ने़,

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

हिब्‍रु 10:27

तर मोडोक्‍मा किस्‍सिमारोमा न्‍यायमिनुङ निवाहाङ्‌मि सतुर दन्‍डा पिढाम खेःलोकरेॽ ए़ङ्‌इये।

१ युहन्‍ना 2:13

पाबाजि हे़निङ्‌मि लागि इगो खा साप्‍मे़ॽनिङ्‌सिनिम्‍ने़, इन्‍ढोङ्‌होङ याक्‍लोएम्‍बाङ टुघुबा हे़निङे़ॽ लेन्‍डानुमे। वेन्‍जाजि हे़निङे़ॽ मङे़ॽमा सैतान हेजाटानुमे। के़हा ए़द्‌रेहा पिच्‍छाजि, के़ॽ हे़निङ इगो खा साप्‍मे़ॽनिङ्‌सिनिम्‍ने़ इन्‍ढोङ्‌होङ हे़निङे़ॽ पाबा लेटानुमे।

१ युहन्‍ना 3:12

हे़निङ कयिनडोॽ ए़ॽलिसानिङे, खोगो सैतानमि याॽमि ले़टा। खोसे़ॽ खोम्‍निसा हाबिल सेॽनेसु। खो दुस्‍ट ले़टे़न्‍से़ॽ खोम्‍निसा सेॽनेसु, तर खोमि निसा चाहिँ धरमि याॽमि ले़टा।

१ युहन्‍ना 5:18

निवाहाङ्‌मि याॽमिडे़ॽ सानिङ पाप ले़ःॽटुङ्‌घे़ॽटुजिने, इन्‍ढोङ्‌होङ निवाहाङ्‌मि पसाडे़ॽ खो जोगाबा ले़न्‍डुए, सैतानडे़ॽ खो नासि ले़ःॽहेसुनि, इगो खागो कानिङे़ॽ लेन्‍डुङ्‌मा।

परकास 1:16

खोमि चुप्‍थिङ हुगे़ॽ एच्‍चि गोटा साङ्‌गे राःप्‍पॽआ ले़टा, खोमि याबुकबाङ निगे़ङ्‌लामनोॽ वेङ्‌इये फेया पे़आॽपॽआ ले़टा। खोमि नजिक चाहिँ लेन्‍डामि नमडोॽ पोक्‍पॽआ ले़टा।

परकास 13:5

मो जिवात काङायोङ्‌बा लिनुङ निवाहाङ्‌मि अपमान ले़ःॽमामि मो जिवातडे़ॽ रिक्‍पोङ नि महिनाठोक अधिकार चुप्‍टु।

परकास 19:15

मक्‍खाम्‍डेमबेॽहा जाति जातिहा याॽमिजि हेजामामि लागि खोमि याबुकबाङ फेया पे़आबा। खोसे़ॽ चे़क्‍चिमि टोङ्‌इराडे़ॽ माहाजिसोक्‍पेॽ नम्‍नम मे़ॽनिङ सासन ले़न्‍डुए। अङ्‌गुर कोलबेॽ ए़न्‍नुङ यिम्‍डिडोॽ चोप्‍पाङ बेॽए सक्‍तिदाङ्‌बा निवाहाङ्‌मि सुरिकमि कोलबेॽ माहाजि यिम्‍इन्‍डुजे।

परकास 2:16

मोडोगे़ॽ पापि योम्‍बोक लेडानुमे, मे़लेडानुमहोङ का चान्‍डोनोॽ हे़निङ्‌बेॽ लेङ्‌इङे़, मोबा याबुकबाङ पे़आप्‍मिये फेयाडे़ॽ हे़निङ्‌नुङ ङे ले़नुङे।

परकास 20:10

माहा जाति जातिजि रेम्‍खुबा मो सैतान चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽएम्‍मा थाउरुमबेॽ राप्‍हेक्‍सु, मोबेॽ मो जिवातनुङ माहा रेम्‍सिङ अगमबक्‍ताजिसो हिॽमे़ॽनिङ्‌सिडामे। मोबेॽ माहाजिडे़ॽ सानिङ लेन्‍डा सेन्‍डा दन्‍डा चुप्‍मिन्‍डुजे।