२ थेस्‍लोनिकि 2:13 - याम्फु

¹³ परभुडे़ॽ नम्‍नम ले़ःॽपॽआ वावानिसानुङ नानुसाजि, हे़निङ्‌मि लागि कानिङे़ॽ सानिङ्‌नोॽ निवाहाङ ओहाक पिमानोॽ खे़ये, इन्‍ढोङ्‌होङ याक्‍लोएम्‍बाङ्‌नोॽ पबित्‍रा होङ्‌निवे़ॽ चोखो टोङ्‌बॽआ योम्‍बोकबाङ मोबा चाइबमा खामि बिस्‍वासबाङ हिङ्‌मामि लागि निवाहाङ्‌डे़ॽ हे़निङ से़ङ्‌इटे़।

२ थेस्‍लोनिकि 2:13 Iomraidhean Croise

लुका 1:75

मोबा कानिङ मे़ङ्‌किस्‍सिरेॽ खोमि पोम्‍बेॽ हिङ्‌मवा इॽठुप पबित्‍रानुङ धारमिक लिनुङ खोमि पोम्‍बेॽ सेवा ले़ःॽहेन्‍डुङ्‌मे।

युहन्‍ना 1:1

मक्‍खाम्‍डेम सिरिस्‍टि लिमा याक्‍लो बचन टुसे़। मो बचन चाहिँ निवाहाङ्‌नुङ टुसे़, मोबा बचननोॽ निवाहाङ ले़टे़।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

एप्‍पा चोङ्‌सा 13:48

इगो खा अयहुदि जातिजिडे़ॽ खेम्‍नुङ बेॽलो साप्‍थाक्‍साङ निवाहाङ्‌मि बचनमि ओहाङ ले़टुजि। मोबा इन्‍डोक्‍पेॽसो ए़ॽसिघे़ॽमे हिङ्‌मवामि लागि याक्‍लोनोॽ निवाहाङ्‌डे़ॽ से़म्‍बॽआजिडे़ॽ परभुबेॽ बिस्‍वास ले़टुजि।

एप्‍पा चोङ्‌सा 15:9

निवाहाङ्‌डे़ॽ अयहुदि जातिजिनुङ कानिङ यहुदिजिमि रुम्‍बेॽ इमाङ्‌सो हेलाहोचो मे़ले़टुजि। खोजिडे़ॽसो निवाहाङ्‌बेॽ बिस्‍वास ले़ःॽपॽआसे़ॽ खोजिमि निवा चोखो टोङ्‌बेॽटुजि।

रोमि 6:17

याक्‍लो इक्‍खेॽ हे़निङ पापमि सेउते ले़टानिङे, तर हागोगो हे़निङे़ॽ निवाहाङ्‌मि खा खेम्‍बॽआसे़ॽ निवाबाङ्‌नोॽ पालना ले़टानुमे। इगो खामि लागि निवाहाङ ओहाक पिनुङे़।

रोमि 8:33

निवाहाङ्‌डे़ॽ से़म्‍बॽआ याॽमिजि असे़ॽटे आप्‍टिक टिहेन्‍डुजे ? असे़ॽसो आप्‍टिक टिहेसुजिने! इन्‍ढोङ्‌होङ निवाहाङ्‌डे़ॽनोॽ खोजि आप्‍टिक मे़ॽनिङ्‌हाजि टोङ्‌इन्‍डुजे।

रोमि 9:11

तर माहा पसाजि टोक्‍मा याक्‍लोनोॽ, खोजिडे़ॽ नुबा मङे़ॽमा योम्‍बोक ले़ःॽमा याक्‍लोनोॽ, निवाहाङ्‌डे़ॽ रेबिका इडोॽ लुबॽआ ले़टा, “टुम्‍मिडे़ॽ से़पामि सेवा ले़न्‍डुए” धारमिक नेॽचिराबेॽ निवाहाङ्‌डे़ॽ लुबॽआ खा इडोॽ साप्‍पॽआ ले़ये, “के़ॽ याकुब नम्‍नम ले़टुङ, एसाब सिॽचोसुङ। निवाहाङ्‌डे़ॽ याॽमिमि योम्‍बोक खाङ्‌नुङ ने़ॽनि, खोसे़ॽ मिॽपॽआडोॽ ले़ःॽमेन्‍डुजे लुमे खा इगोबेॽ छे़ङ्‌गै खाङ्‌मुटे़।”

१ कोरिन्‍थि 1:21

याॽमिजिमि टाङ्‌बामिनोॽ निवाडे़ॽ निवाहाङ लेहेसुजिने लुमे़ खा निवाहाङ्‌डे़ॽ लेबॽआसे़ॽ खोमिनोॽ निवामि सक्‍तिबाङ सुसमाचार खेम्‍मेॽमाबेॽ याॽमिजिडे़ॽ उम्‍बरिङ मिॽटुजे, मो सुसमाचारनोॽ खेम्‍नुङ बिस्‍वास ले़ःॽखुबा याॽमिजि निवाहाङ्‌डे़ॽ हिङ्‌मेॽमा मिॽटु।

गलाति 3:1

होउ मे़लेसुम्‍बा उम्‍बरिङ गलातिजि, असे़ॽ हे़निङ मोहोनि टिनुङ हे़निङ्‌मि निवा इडोॽ लिसे़ ? हे़निङ्‌मि पोम्‍बेॽनोॽ येसु खिरिस्‍ट काप्‍सिङ्‌बेॽ सिबॽआ खा नुरोॽ हे़निङ लुबॽआ ले़टे़ ?

एफिसि 2:8

हे़निङे़ॽ बिस्‍वास ले़ःॽनुङ खोमि अनुग्‍रहाबाङ उद्‌धार चुप्‍मिटानुमे। इगो उद्‌धार चाहिँ हे़निङ्‌टाङ्‌बे़ॽ योम्‍बोक ले़ःॽनुङ चुप्‍पॽआ ने़ॽनि, इगोगो निवाहाङ्‌डे़ॽ पिबॽआ बरदान ले़ये।

कलस्‍सि 1:5

इगो चाहिँ हे़निङ्‌मि लागि थाङ्‌सिरिबेॽ युङ्‌बॽआ आसाडे़ॽ ले़ःॽमे़ॽ इडोक्‍मा बिस्‍वासनुङ नम्‍नम ले़ए़टानुमे। इगो आसामि टुम्‍बेॽ याक्‍लोबाङ्‌नोॽ हे़निङे़ॽ चाइबानोक्‍मा बचन, अथबा सुसमाचारबेॽ खेम्‍इटानुमे।

कलस्‍सि 3:12

हे़निङ्‌नोॽ निवाहाङ्‌डे़ॽ नम्‍नम ले़ःॽपॽआनुङ से़म्‍बॽआ पबित्‍रा याॽमिजि ले़न्‍डानिङ। मोडोगे़ॽ हे़निङ सानिङ नम्‍नम ले़ःॽखुबा, नम्‍नावा ले़ःॽखुबा, ए़डे़म्‍मा लिघुबानुङ सोझो सहनसिल लिसानिङे।

१ थेस्‍लोनिकि 1:4

वावानिसा नानुसाजि, कानिङे़ॽ इगो खा लेन्‍डुङ्‌मे़, निवाहाङ्‌डे़ॽनोॽ नम्‍नम ले़ःॽनुङ हे़निङ खोमि याॽमि लिमामि लागि से़ङ्‌इटे़।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

१ थेस्‍लोनिकि 4:7

इन्‍ढोङ्‌होङ निवाहाङ्‌डे़ॽ कानिङ असुद्‌ध लिमामि ने़ॽनि, तर पबित्‍रा लिनुङ हिङ्‌मामि लागिनोॽ के़ए़टे़।

१ थेस्‍लोनिकि 5:9

इन्‍ढोङ्‌होङ निवाहाङ्‌डे़ॽ कानिङ्‌सोक्‍पेॽ सुरिक ओप्‍एम्‍मामि लागि ने़ॽनि, तर परभु येसु खिरिस्‍टबाङ मुक्‍ति पिमामि कानिङ से़ङ्‌इटे़।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

२ थेस्‍लोनिकि 2:10

नासि लिघुबा चोप याॽमिजि मोसे़ॽ खोमि दुस्‍ट चालडे़ॽ रेम्‍इन्‍डुजे, इन्‍ढोङ्‌होङ माहाजिडे़ॽ मुक्‍ति पिघुबा चाइबमा खा मे़नेन्‍जोसुजि।

२ थेस्‍लोनिकि 2:12

माहाजिडे़ॽ चाइबमा खाबेॽ बिस्‍वास मे़ले़टुजि मोबा मङे़हा दुस्‍ट योम्‍बोक ले़ःॽमा नेन्‍जाबॽआसे़ॽ माहाजिडे़ॽ दन्‍डा चुप्‍टुजिरो लुनुङ निवाहाङ्‌डे़ॽ आक्‍टोॽ ले़टु।

२ थेस्‍लोनिकि 2:16

कानिङ्‌मि परभु येसु खिरिस्‍टडे़ॽनुङ पाबा निवाहाङ्‌डे़ॽ कानिङ नम्‍नम ले़टा मोबा खोमि अनुग्‍रहाबाङ इन्‍डोक्‍पेॽसो रुक्‍खे़ॽनिहा आसानुङ हौसला पिसा।

२ तिमोथि 1:9

निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

२ तिमोथि 2:15

हे़न ङेम्‍मा सिॽनिबा पाप्‍निबानुङ निवाहाङ्‌मि बचन नुरोॽ इःॽखुबा योम्‍बोकदाङ्‌बा लिसे, हेरो निवाहाङ्‌मि पोम्‍बेॽ नेन्‍जारोमा लिसे।

२ तिमोथि 3:15

हे़ने़ॽ पिच्‍छाबाङ्‌नोॽ धारमिक नेॽचिराबेॽहा खा नुरोॽ लेन्‍डुहा। माहा खाडे़ॽ हे़न येसु खिरिस्‍टबेॽ टुये बिस्‍वास ले़ःॽनुङ चुप्‍मिये मुक्‍तिमि टुम्‍बेॽ लेमे निवा पिये।

हिब्‍रु 1:10

खोसे़ॽ फेरि लुन्‍डुए, “हे परमपरभु, हे़ने़ॽनोॽ याक्‍लो मक्‍खाम्‍डेममि चर टोक्‍सु। हे़ने़ए़ टाङ्‌बामिन्‍नोॽ हुगे़ॽ नान्‍द्‌रुङ्‌मा टोक्‍सु।

याकुब 1:18

खोसे़ॽ टाङ्‌बे़ॽ मिॽपॽआडोॽ चाइबमा बचनबाङ कानिङ सिरिस्‍टि ले़टा। कानिङ खोमि सिरिस्‍टिमि याक्‍लो किङ्‌बॽआ चाडोक्‍नोॽ लिहेसिरो।

१ युहन्‍ना 4:10

निवाहाङ्‌मि नम्‍नम इगोनोॽ ले़ये कानिङे़ॽ निवाहाङ नम्‍नम ले़ःॽपॽआ ने़ॽनि, तर खोसे़ॽ चाहिँ याक्‍लो कानिङ नम्‍नम ले़टा, मोबा खोमि पसा कानिङ्‌मि पापमि साटोबेॽ काप्‍सिङ्‌बेॽ सिसिॽ पाक्‍सु।

१ युहन्‍ना 4:19

निवाहाङ्‌डे़ॽ याक्‍लो कानिङ नम्‍नम ले़ःॽपॽआसे़ॽ कानिङे़ॽसो नम्‍नम ले़न्‍डुङ्‌मा।