२ थेस्‍लोनिकि 1:8 - याम्फु

⁸ मोबा निवाहाङ मे़लेघुबाजिनुङ कानिङ्‌मि परभु येसुमि सुसमाचार मे़ङ्‌खेम्‍खुबाजि खो मिमि राप्‍लवाबेॽ लेन्‍नुङ दन्‍डा पिन्‍डुजे।

२ थेस्‍लोनिकि 1:8 Iomraidhean Croise

मत्‍ति 25:41

“मोबा ए़क्‍साङ खोसे़ॽ ए़ङ्‌सिङ्‌लामबेॽहा याॽमिजि लुन्‍डुजे, ‘होउ चापहिबॽआ याॽमिजि! काबाङ ओः खे़ॽपेसानिङे, सैताननुङ मोमि दुतजिमि लागि पोरोक्‌युङ्‌बॽआ इन्‍डोक्‍पेॽसो सिघे़ॽनिये मिबेॽ खडानिङे।

मत्‍ति 25:46

मोबा इघाजि इन्‍डोक्‍पेॽसो सिघे़ॽनिबा मिबेॽ सिॽइम्‍मे, तर धरमिजिडे़ॽ इन्‍डोक्‍पेॽसो सिघे़ॽनिये हिङ्‌मवा चुप्‍मिन्‍डुजे।”

युहन्‍ना 3:19

आप्‍टिकनुङ्‌मा इडोगे़ॽ लिम्‍मे, जोति मक्‍खाम्‍डेमबेॽ लेङ्‌इटे़, तर याॽमिजिडे़ॽ जोतिबाङ्‌सो बेॽलो सेन्‍जुगुप नेन्‍जोसुजि, इन्‍ढोङ्‌होङ खोजिमि योम्‍बोक दुस्‍ट ले़टा।

युहन्‍ना 8:19

माहाजिडे़ॽ येसु सिप्‍सुजि, “हे़ने़ए़ पाबा हाम्‍बेॽ टुये ?” येसुडे़ॽ लुसुजि, “हे़निङे़ॽ ना का लेन्‍डानिङे ना काङ्‌मि पाबा लेन्‍डानुमे। हे़निङे़ॽ का लेसानिङ्‌होङ काङ्‌मि पाबासो लेसानुम होला।”

एप्‍पा चोङ्‌सा 6:7

निवाहाङ्‌मि बचन चोप ठाउँराजि मुक्‍खडा। मोबा परभु येसुबेॽ बिस्‍वास ले़ःॽखुबाजि यरुसलेमबेॽ छना बेॽलो लिसामि। मोबा बेॽलो याडाङ्‌बाजिडे़ॽसो परभु येसुमि निङ्‌बेॽ बिस्‍वास ले़टुजि।

रोमि 1:28

इडोॽ माहाजिडे़ॽ निवाहाङ आदर पिमा लेॽपेसुजि। मोडोगे़ॽ खोजिडे़ॽ मिॽपॽआडोक्‍नोॽ मङे़ॽमा योम्‍बोक ले़टुङ्‌घे़ॽटुजिरो लुनुङ निवाहाङ्‌डे़ॽ माहाजि योङ्‌मेॽटुजि, मोबा खोजिडे़ॽ ले़ःॽमानोॽ फेन्‍निहा योम्‍बोक ले़टुजि।

रोमि 1:5

खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 10:16

तर मो सुसमाचार खेम्‍घुबाजिबेॽ बेॽलोडे़ॽ बिस्‍वास मे़ले़टुजि, अगमबक्‍ता यसैयाडे़ॽ लुटुए, “हे परभु, कानिङे़ॽ परचार ले़ःॽपॽआ खाबेॽ असे़ॽटे बिस्‍वास ले़टुए ?”

रोमि 15:18

इन्‍ढोङ्‌होङ, अयहुदि जातिजि निवाहाङ्‌मि आग्‍या पालना ले़ःॽखुबाजि टोङ्‌मामि लागि बचननुङ योम्‍बोकबाङ खिरिस्‍टडे़ॽ काबाङ इमाङ इमाङ योम्‍बोक ले़ए़टुहा माहा खाबाङ हाइखा इमाङ खामि लागिसो लुमा आँट ले़टुङ्‌निबा।

रोमि 16:26

तर हागो येसु खिरिस्‍टमि टुम्‍बेॽहा खा अगमबक्‍ताजि साप्‍मेॽनुङ छे़ङ्‌गै टोङ्‌इटुए। मोबा इगो सुसमाचारबाङ्‌नोॽ चोप याॽमिजिडे़ॽ खोबेॽ बिस्‍वास ले़ःॽनुङ खोमि आग्‍या पालना ले़टुजिरो लुनुङ इन्‍डोक्‍पेॽसो सिघे़ॽनिबा निवाहाङ्‌डे़ॽ चोप याॽमिजिबेॽ मोबा चोप ठाउँबेॽ इगो सुसमाचार परचार ले़ःॽमामि आग्‍या ले़टा।

रोमि 6:16

हे़निङे़ॽ लेन्‍डानुमे, असामि खा खेम्‍नुङ खोमि योम्‍बोक ले़न्‍डानुम, मोमिन्‍नोॽ सेउते लिन्‍डानिङे, मोडोगे़ॽ पापमि सेउते लिसानिङ्‌होङ हे़निङ सिन्‍डानिङे, निवाहाङ्‌मि आग्‍या पालना ले़टानुमहोङ धरमि लिन्‍डानिङे।

१ कोरिन्‍थि 15:34

होसियार पेम्‍मा खे़ये, इगो खा चाहिँ नुबा ले़ये हागोएम्‍बाङ पाप ए़ले़टानुमे। हे़निङ्‌बेॽ इन्‍डोक जनाडे़ॽको निवाहाङ्‌नोॽ मे़लेडिॽटानुमे। हे़निङ नेम्‍माबेॽ सिॽमेॽमामि लागिनोॽ के़ॽ इगो खा लुनिम्‍ने़।

२ कोरिन्‍थि 10:5

निवाहाङ्‌मि निवा टेडिघरिक्‍हा खानुङ काङायोङ्‌बानुङ्‌हा बाधा कानिङे़ॽ नास ले़न्‍डुङ्‌मे। खिरिस्‍टमि आग्‍या पालना ले़ःॽखुबा लिमामि लागि चोप मङे़हा निवा अधिनबेॽ युङ्‌इन्‍डुङ्‌मे।

गलाति 3:1

होउ मे़लेसुम्‍बा उम्‍बरिङ गलातिजि, असे़ॽ हे़निङ मोहोनि टिनुङ हे़निङ्‌मि निवा इडोॽ लिसे़ ? हे़निङ्‌मि पोम्‍बेॽनोॽ येसु खिरिस्‍ट काप्‍सिङ्‌बेॽ सिबॽआ खा नुरोॽ हे़निङ लुबॽआ ले़टे़ ?

गलाति 4:8

हे़निङे़ॽ निवाहाङ लेमा याक्‍लो मक्‍खाम्‍डेमबेॽहा चापजिमि सेउते ले़टानिङ, चइबानोॽ लुमाबेॽ माहाजि निवाहाङ्‌नोॽ ने़ॽनिहाजि।

१ थेस्‍लोनिकि 4:5

निवाहाङ मे़लेघुबा याॽमिजिडे़ॽ ले़टिडोॽ हे़निङे़ॽ बेभिचारि निवा खिमा फे़न्‍नि।

हिब्‍रु 10:27

तर मोडोक्‍मा किस्‍सिमारोमा न्‍यायमिनुङ निवाहाङ्‌मि सतुर दन्‍डा पिढाम खेःलोकरेॽ ए़ङ्‌इये।

हिब्‍रु 10:30

इन्‍ढोङ्‌होङ “इघाजिनुङ साटो लामे योम्‍बोक के़ॽ ले़नुङे” लुघुबा कानिङे़ॽ लेन्‍डुङ्‌मे़। इडोक्‍सो लुबॽआ ले़ये, “परमपरभुडे़ॽ खोमि याॽमिजिमि न्‍याय ले़न्‍डुजे।”

हिब्‍रु 11:8

बिस्‍वास ले़ःॽनुङ्‌नोॽ निवाहाङ्‌डे़ॽ लुबॽआडोॽ अब्‍राहामडे़ॽ ले़टु। निवाहाङ्‌डे़ॽ हेन्‍ज्‍रुङ हे़म्‍बॽआ देसबेॽ खडे लुनुङ खो लुसु। मो ठाउँ मे़लेरेॽ खो खडे लुबॽआ ठाउँबेॽ खो राम्‍बुगा।

हिब्‍रु 12:29

इन्‍ढोङ्‌होङ कानिङ्‌मि निवाहाङ्‌गो हिॽनुङ खरानि टोङ्‌खुबा मिडोॽ ले़ये।

हिब्‍रु 2:3

इडोक बेॽए छुट्‌कारामि खानोॽ ले़ख्‍खो मे़ले़ःॽटुङ्‌माहोङ्‌गो इन्‍डोक्‍टे न्‍यायबाङ ले़ःॽखे़ॽहेन्‍डिङ्‌मा ? इगो छुट्‌कारा याक्‍लो परभुडे़ॽनोॽ परचार ले़टु। खोमि परचार खेम्‍घुबाजिडे़ॽ इगो चाइबमा ले़ये लुनुङ कानिङ परमान पिसामि।

हिब्‍रु 5:9

मोबा खो पुरा पक्‍का लिनुङ खोबेॽ भरोसा ले़ःॽखुबाजि चोपमि लागि खो ए़स्‍सिमे मुक्‍तिमि मुल लिसा।

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ पत्‍रुस 3:6

साराडे़ॽ अब्‍राहाम टाङ्‌बामि खिमदाङ्‌बा लुनुङ खोमि आग्‍या पालना ले़ट्रए। हे़निङे़ॽसो इमाङ खाबेॽसो मे़ङ्‌किस्‍सिरेॽ नुबा योम्‍बोक ले़टानुमहोङ हे़निङ्‌सो खोमिन्‍नोॽ पसाजि लिन्‍डानिङे।

१ पत्‍रुस 4:17

इन्‍ढोङ्‌होङ न्‍याय निवाहाङ्‌मि याॽमिजिबाङ्‌नोॽ तरिक्‍मा बेला युघे़टे़। निवाहाङ लेघुबा कानिङ्‌मिनोक्‍सो न्‍याय लियेहोङ, निवाहाङ्‌मि सुसमाचार मे़ङ्‌खेम्‍खुबाजिमि छना इन्‍डोक्‍मा न्‍याय लिइ होला ?

२ पत्‍रुस 3:7

तर निवाहाङ्‌मि मोनोॽ बचनडे़ॽ आयुए मक्‍खाम्‍डेमनुङ नान्‍द्‌रुङ्‌मा मिबाङ नासि ले़ःॽमामि लागि, मोबा निवाहाङ्‌मि खाबेॽ बिस्‍वास मे़ले़ःॽखुबा याॽमिजि न्‍यायमि लागि हाम्‌युङ्‌बॽआ ले़ये।

यहुदा 1:7

मोडोक्‍नोॽ सदोमनुङ गमोरा, मोबा मोजिमि किॽयु मिॽयुहा हाइखा सहरबेॽहा याॽमिजिडे़ॽ इक्‍कोबाङ हाइको ले़ःॽसाङ चिक्‍चिमिॽमारोहा मङे़हा बेभिचार ले़टुजि। ए़क्‍साङ माहाजि इन्‍डोक्‍पेॽसो सिनिबा मिबेॽ दन्‍डा आङ्‌घुबाजिमि नमुना लिटामे।

परकास 20:10

माहा जाति जातिजि रेम्‍खुबा मो सैतान चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽएम्‍मा थाउरुमबेॽ राप्‍हेक्‍सु, मोबेॽ मो जिवातनुङ माहा रेम्‍सिङ अगमबक्‍ताजिसो हिॽमे़ॽनिङ्‌सिडामे। मोबेॽ माहाजिडे़ॽ सानिङ लेन्‍डा सेन्‍डा दन्‍डा चुप्‍मिन्‍डुजे।

परकास 21:8

तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”

परकास 6:10

माहाजि बेॽए सेम्‍लाडे़ॽ इडोॽ कासामि, “पबित्‍रानुङ चाइबमा चोप्‍पाङ सक्‍तिदाङ्‌बा परमपरभु, हे़ने़ॽ मक्‍खाम्‍डेमबेॽहा कानिङ सेॽनेघुबा याॽमिजिमि न्‍यायमि दन्‍डा इन्‍डोक्‍पेॽ पिन्‍डुजे ?”