२ थेस्‍लोनिकि 1:6 - याम्फु

⁶ निवाहाङ न्‍याय ले़ःॽखुबा लियेसे़ॽ, खोसे़ॽ हे़निङ चुङ्‌जाखुबाजि दुःख पिन्‍डुजे।

२ थेस्‍लोनिकि 1:6 Iomraidhean Croise

कलस्‍सि 3:25

टाङ्‌बे़ॽ ले़ःॽपॽआ मङे़हा योम्‍बोकमि दन्‍डा खोसे़ॽनोॽ चुप्‍मिन्‍डुए, इगो खाबेॽ पक्‍छेपात लिनिबा।

हिब्‍रु 6:10

निवाहाङ्‌डे़ॽ अन्‍याय ले़टुनिबा, हे़निङ्‌मि योम्‍बोकनुङ निवाहाङ्‌मि याॽमिजि हे़निङे़ॽ ले़ःॽपॽआ नम्‍नम खोसे़ॽ मिन्‍डेडुनिबा। हे़निङ हागोसो मोडोक्‍नोॽ सेवा ले़ःॽमे़ॽसिन्‍डानिङे।

परकास 11:18

हे़नबेॽ बिस्‍वास मे़ले़ःॽखुबा याॽमिजि सुरके़टामे, हागोगो हे़न सुरके़ॽमे बेला लेङ्‌इटे़नुङ सिबॽआजिमि न्‍याय लिमे याक लेङ्‌इटे़, मोबा हे़ने़हा सेवाकजि, अगमबक्‍ताजि, पबित्‍रा याॽमिजि, हे़ने़ए़ निङ्‌मि ओहाङ ले़ःॽखुबा बेॽहानुङ ए़द्‌रिहा चोप याॽमिजि इनाम पिमे बेला लेङ्‌इटे़, हागो मक्‍खाम्‍डेमबेॽ दुस्‍टा योम्‍बोक ले़ःॽखुबाजि नासि लिमे याक लेङ्‌इटे़।”

परकास 15:4

हे परमपरभु, हे़न्‍नुङ चोप किस्‍सिम्‍मे। हे़ने़हा महान खामि ओहाङ चोबे़ॽ ले़न्‍डुजे। इन्‍ढोङ्‌होङ हे़नरेॽनोॽ पबित्‍रा ले़ये। चोप जातिहा याॽमिजि हे़ने़ए़ पोम्‍बेॽ लेन्‍नुङ आदर ले़म्‍मे, इन्‍ढोङ्‌होङ हे़ने़हा धरमि योम्‍बोक चोबे़ॽ खाङ्‌इटुजे।”

परकास 18:20

हे थाङ्‌सिरिबेॽ टुघुबाजि साप्‍थक्‍सानिङे। होउ निवाहाङ्‌मि याॽमिजि, एप्‍पा चोङ्‌साजि, अगमबक्‍ताजि हे़निङ चोप साप्‍थक्‍सानिङे, इन्‍ढोङ्‌होङ मोसे़ॽ हे़निङ चुङ्‌जासा मोमि साटो निवाहाङ्‌डे़ॽ खो दन्‍डा पिटुए।”

परकास 18:24

इगो बेबिलोन सहरबेॽनोॽ अगमबक्‍ताजि, निवाहाङ्‌मि सेवाकजिनुङ, मक्‍खाम्‍डेमबेॽ सेॽनेबॽआ चोप याॽमिजिमि हरि यिःॽपॽआ ले़टा।”

परकास 19:2

इन्‍ढोङ्‌होङ खोमि न्‍याय ठिकनुङ चाइबमा ले़ये। बेभिचारि योम्‍बोकडे़ॽ चोप मक्‍खाम्‍डेम नासि ले़ःॽखुबा मो बेस्‍या मेॽनामिॽ निवाहाङ्‌डे़ॽ ठिक दन्‍डा पिनुङ खोमि याॽमिजि सेॽनेबॽआ हरिमि साटो लाटुए।”

परकास 6:10

माहाजि बेॽए सेम्‍लाडे़ॽ इडोॽ कासामि, “पबित्‍रानुङ चाइबमा चोप्‍पाङ सक्‍तिदाङ्‌बा परमपरभु, हे़ने़ॽ मक्‍खाम्‍डेमबेॽहा कानिङ सेॽनेघुबा याॽमिजिमि न्‍यायमि दन्‍डा इन्‍डोक्‍पेॽ पिन्‍डुजे ?”