२ थेस्‍लोनिकि 1:5 - याम्फु

⁵ इघा चोप खा निवाहाङ्‌मि राज्‍यमि लागि हे़निङ योग्‍य टोङ्‌घुबा मोबा ठिक न्‍याय ले़ःॽखुबा ले़ये लुमे खामि टुम्‍बेॽ लेघुबा खोनोॽ ले़ये। मोमि लागिनोॽ हे़निङे़ॽ खेःसो आङ्‌मे़ॽनिङ्‌सिन्‍डानुमे।

२ थेस्‍लोनिकि 1:5 Iomraidhean Croise

लुका 20:35

तर सिघे़ॽपॽआबाङ हिङ्‌बोक्‍नुङ थाङ्‌सिरिॽटु खे़ॽमारोहा याॽमिजि फुङ्‌सया ले़ःॽमिने।

लुका 21:36

मोडोगे़ॽ चङ्‌खो पेनानिङे। माहा चोप किस्‍सिमारोहा खाबाङ हिङ्‌नुङ याॽमिमि पसामि पोम्‍बेॽ मे़ङ्‌किस्‍सिरेॽ साप्‍थाङ्‌मानुङ येःप्‍हेमामि लागि सानिङ पारथना ले़टानिङे”।

एप्‍पा चोङ्‌सा 13:46

तर पावलनुङ बारनाबासडे़ॽ मे़ङ्‌किस्‍सिरेॽ इडोॽ लुसुजि, “निवाहाङ्‌मि बचनगो चोपबाङ याक्‍लो हे़निङ यहुदिजि खेम्‍मेॽमा खाडे़, तर हे़निङे़ॽनोॽ इगो खा मे़ङ्‌खेप्‍सानुम। हे़निङ टाङ्‌बे़ॽनोॽ मो इन्‍डोक्‍पेॽसो ए़ॽसिघे़ॽमे हिङ्‌मवा ओः टोक्‍सानुम। हागो कानिङ अयहुदि जातिजिबेॽ खाडिङ्‌मा।

एप्‍पा चोङ्‌सा 14:22

खोजिडे़ॽ मो ठाउँबेॽहा परभुबेॽ बिस्‍वास ले़ःॽखुबाजि बोलियो टोङ्‌साङ नुबा अरति पिसुजि। “निवाहाङ्‌मि राज्‍यबेॽ रुक्‍मा याक्‍लो कानिङे़ॽ बेॽलो खालहा चुङ्‌जामा खेः आङ्‌मानोॽ खे़ये” लुनुङ इःडुजि।

रोमि 2:5

तरसो हे़निङ लुबॽआ खा मे़ङ्‌खेम्‍खुबाजि लिनुङ निवाहाङ्‌बेॽ मे़न्‍टेबॽआसे़ॽ बेॽलो सुरके़ॽमेन्‍डानुम। मोडोगे़ॽ खो सुरिक्‍पेॽ न्‍याय ले़ःॽसिॽ लेम्‍माबेॽ खोबाङ हे़निङे़ॽ बेॽलो दन्‍डा चुप्‍मिन्‍डामे।

रोमि 8:17

इडोॽ कानिङ निवाहाङ्‌मि पसाजि ले़न्‍डिङ्‌माहोङ्‌गो हकदारसो ले़न्‍डिङ्‌मा, मोबा खिरिस्‍टनुङ्‌नोॽ सोरि हकदार लिसिङ्‌मा। खोनुङ खेः आङ्‌इन्‍डुङ्‌माहोङ्‌गो कानिङ खोनुङ महिमितसो लिन्‍डिङ्‌मा।

एफिसि 4:1

मोडोगे़ॽ परभुमि योम्‍बोकमि लागि तिरिङ्‌गा खिमबेॽ से़क्‍सिघे़ॽपॽआ का पावलडे़ॽ हे़निङ्‌नुङ बिन्‍ति ले़निम्‍ने़, निवाहाङ्‌डे़ॽ हे़निङ इमा योम्‍बोकमि लागि के़ए़टे़ मोमि लागिनोॽ हिक्‍सानिङे।

फिलिप्‍पि 1:28

हे़निङ्‌मि बिरोध ले़ःॽखुबाजिनुङ ए़डे़ॽवासो ए़क्‍किसिडानिङे। इडोॽ ले़टानुमहोङ बिरोध ले़ःॽखुबाजि नासि लिमे खा पक्‍का लियेनुङ हे़निङे़ॽ चाहिँ उद्‌धार चुप्‍मे खा पक्‍का लिये। मो उद्‌धार चाहिँ निवाहाङ्‌बाङ्‌ए ले़ये।

कलस्‍सि 1:12

निवाहाङ्‌डे़ॽ जोतिमि राज्‍यबेॽ खिरिस्‍टमि पबित्‍रा याॽमिजिनुङ कानिङ सोरि अधिकार चुप्‍खुबाजि टोङ्‌इटे़। इगो खामि लागि साप्‍थाङ्‌मानुङ निवाहाङ ओहाक पिसानुमे।

१ थेस्‍लोनिकि 2:14

के़हा वावानिसानुङ नानुसाजि, हे़निङ्‌सो येसु खिरिस्‍टबेॽ बिस्‍वास ले़ःॽखुबा यहुदिया ठाउँबेॽहा निवाहाङ्‌मि मन्‍डलिबेॽहा याॽमिजिडोक्‍नोॽ लिसानिङे, इन्‍ढोङ्‌होङ माहाजिडे़ॽ यहुदिजिबाङ दुःखनुङ खेः आङ्‌डिडोक्‍नोॽ हे़निङे़ॽसो टाङ्‌बामि याॽमिजिबाङ दुःखनुङ खेः आक्‍सानुम।

२ थेस्‍लोनिकि 1:11

मोडोगे़ॽ निवाहाङ्‌डे़ॽ हाम्‍बे हिङ्‌मवामि लागि हे़निङ के़ॽपॽआ ले़ये, मो हिङ्‌मवाबेॽ योग्‍य टोङ्‌मामिनुङ खोमि सक्‍तिडे़ॽ नुबा योम्‍बोक ले़ःॽमे निवा, मोबा बिस्‍वासमि योम्‍बोक पुरा ले़ःॽमाराप्‍लो लुनुङ कानिङ हे़निङ्‌मि लागि सानिङ्‌नोॽ पारथना ले़न्‍डिङ्‌मा।

२ तिमोथि 2:12

कानिङे़ॽ खोसे़ॽडोक्‍नोॽ दुःख आक्‍सुङ्‌माहोङ, खोमि राज्‍य लेम्‍मे याकपेॽ खोनुङ्‌नोॽ राज्‍यसो ले़टोक्‍इन्‍डुङ्‌मा। कानिङे़ॽ खो इन्‍कार ले़ःॽटुङ्‌माहोङ, खोसे़ॽसो कानिङ इन्‍कार ले़ये।

परकास 15:4

हे परमपरभु, हे़न्‍नुङ चोप किस्‍सिम्‍मे। हे़ने़हा महान खामि ओहाङ चोबे़ॽ ले़न्‍डुजे। इन्‍ढोङ्‌होङ हे़नरेॽनोॽ पबित्‍रा ले़ये। चोप जातिहा याॽमिजि हे़ने़ए़ पोम्‍बेॽ लेन्‍नुङ आदर ले़म्‍मे, इन्‍ढोङ्‌होङ हे़ने़हा धरमि योम्‍बोक चोबे़ॽ खाङ्‌इटुजे।”

परकास 16:7

मोबा थानाबाङ इडोॽ लुमे़ॽनिङ्‌सिबॽआ के़ॽ खेप्‍सुङ, “हे, परमपरभु निवाहाङ चोप्‍पाङ सक्‍तिदाङ्‌बा, हे़ने़ॽ ले़ःॽपॽआ न्‍याय चाइबमानुङ धारमिक ले़ये।”

परकास 19:2

इन्‍ढोङ्‌होङ खोमि न्‍याय ठिकनुङ चाइबमा ले़ये। बेभिचारि योम्‍बोकडे़ॽ चोप मक्‍खाम्‍डेम नासि ले़ःॽखुबा मो बेस्‍या मेॽनामिॽ निवाहाङ्‌डे़ॽ ठिक दन्‍डा पिनुङ खोमि याॽमिजि सेॽनेबॽआ हरिमि साटो लाटुए।”

परकास 3:4

तर सारडिसबेॽ हे़निङ्‌मि रुम्‍बेॽ इन्‍डोक जना बिस्‍वासिजिडे़ॽ निवाहाङ्‌मि पोम्‍बेॽ हे़निङ्‌मि चेॽ असुद्‌ध मे़न्‍टोङ्‌डिॽटानुमे। माहाजिनोॽ चोखो चेॽ चाङ्‌मानुङ कानुङ सोरि राम्‍इम्‍मे, इन्‍ढोङ्‌होङ माहाजि कानुङ सोरि राम्‍मा खेन्‍जोन्‍डुजे।