२ थेस्‍लोनिकि 1:4 - याम्फु

⁴ मोडोक्‍नोॽ हे़निङे़ॽ चुङ्‌जामा खेःनुङ दुःख आङ्‌साङ्‌सो बिस्‍वासनुङ भरोसाबेॽ बोलियो ले़न्‍डानिङे इगोमि टुम्‍बेॽ कानिङे़ॽ हाइखा मन्‍डलिबेॽसो साप्‍थाङ्‌मानुङ लुहे़न्‍डुङ्‌मा।

२ थेस्‍लोनिकि 1:4 Iomraidhean Croise

रोमि 12:12

हे़निङे़ॽ निवाहाङ्‌बाङ चुप्‍पॽआ आसाबेॽ हाङ्‌हाङ ले़टानिङे, खेः आङ्‌मा सिॽमाबेॽ योङ आङ्‌हेखुबा लिनुङ सानिङ पारथना ले़टानुमे।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

रोमि 8:25

तर कानिङे़ॽ याक्‍लो मे़ङ्‌खाङ्‌बॽआ खामि आसा ले़न्‍डुङ्‌माहोङ, मो खा सारो आसा ले़ःॽनुङ हुङ्‌इन्‍डुङ्‌मे।

१ कोरिन्‍थि 7:17

परभुडे़ॽ से़न्‍माबेॽ हे़निङ इन्‍डोक ले़टानिङ्‌नुङ इन्‍डोक्‍मा बेलाबेॽ निवाहाङ्‌डे़ॽ से़नानिङ हे़निङ चोप मोडोक्‍नोॽ हिक्‍सानिङे। के़ॽ चोप बिस्‍वासिजि इःॽपॽआ खासो इगोनोॽ ले़ये।

२ कोरिन्‍थि 12:10

मोडोगे़ॽ खिरिस्‍टमि लागि का कमजोर ले़ःॽमाबेॽ, हेलाबेॽ सिॽमाबेॽ, अप्‍ठ्‌यारोबेॽ सिॽमाबेॽ, चुङ्‌जामाबेॽ मोबा दुःख आङ्‌मा सिॽमाबेॽ साप्‍थाङ्‌इङे, इन्‍ढोङ्‌होङ का कमजोर लिमाबेॽ छना बेॽलो परभुमि बोलनुङ्‌मा लिङे।

२ कोरिन्‍थि 7:14

के़ॽ तितसनुङ हे़निङ्‌मि टुम्‍बेॽ बेॽहा खा इःसुङ मो खाबेॽ हे़निङे़ॽ का निरास मे़न्‍टोक्‍सानिङ। कानिङे़ॽ हे़निङ्‌नुङ सानिङ चाइबमा खा इःसुङ्‌मा। मोडोक्‍नोॽ कानिङे़ॽ तितसनुङ इःबॽआ बेॽहा खासो चाइबमानोॽ लिसा।

२ कोरिन्‍थि 7:4

हे़निङ्‌बेॽ के़ए़ बेॽए भरोसा टुये। हे़निङ्‌बेॽ का सारोनोॽ गरब ले़नुङे। हे़निङ्‌बाङ के़ॽ बेॽलो बोल चुप्‍मिटुङे। कानिङ्‌मि चोप खेःबेॽ का बेॽलो हाङ्‌हाङ ले़ङे।

२ कोरिन्‍थि 9:2

हे़निङ हाइखाजि सहायता ले़ःॽमा बेॽलो मिङ्‌इन्‍डानिङे लुमे खा के़ॽ नुरोॽ लेनुङे़। हे़निङ्‌मि इगो खामि टुम्‍बेॽ के़ॽ माकेडोनिया मुलुकबेॽहा याॽमिजिनुङ लुटुङे। नेम्‍निङ्‌एम्‍बाङ अखैया मुलुकबेॽहा याॽमिजि भेटि पिमामि पोरोइटामे लुनुङ के़ॽ लुबेटुङ्‌हाजि। हे़निङ्‌मि इडोक्‍मा खा खेम्‍नुङ माहाजिबेॽ बेॽलो जना जोसिलो लिटामे।

२ कोरिन्‍थि 9:4

माकेडोनिया मुलुकबेॽहा याॽमिजि कानुङ सोरि हे़निङ्‌बेॽ आप्‍माबेॽ हे़निङे़ॽ इमाङ्‌सो पिमामि लागि मे़म्‍पोरोक्‍पॽआ चुप्‍मिहोङ कानिङ्‌गो ङेम्‍मा सिॽइन्‍डिङ्‌मा कानिङ्‌बाङ्‌सो बेॽलो हे़निङ ङेम्‍माबेॽ सिॽइन्‍डानिङे।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 2:14

के़हा वावानिसानुङ नानुसाजि, हे़निङ्‌सो येसु खिरिस्‍टबेॽ बिस्‍वास ले़ःॽखुबा यहुदिया ठाउँबेॽहा निवाहाङ्‌मि मन्‍डलिबेॽहा याॽमिजिडोक्‍नोॽ लिसानिङे, इन्‍ढोङ्‌होङ माहाजिडे़ॽ यहुदिजिबाङ दुःखनुङ खेः आङ्‌डिडोक्‍नोॽ हे़निङे़ॽसो टाङ्‌बामि याॽमिजिबाङ दुःखनुङ खेः आक्‍सानुम।

१ थेस्‍लोनिकि 2:19

कानिङ्‌मि परभु येसु लेम्‍मे याक खोमि पोम्‍बेॽ कानिङ्‌मि आसा, हाङ्‌हाङ, हे़निङ्‌नोॽ ले़न्‍डानिङे। मोबा साप्‍थाङ्‌मे गौरबमि मुकुटसो हे़निङ्‌नोॽ ले़न्‍डानिङे।

२ थेस्‍लोनिकि 3:5

परभुडे़ॽ हे़निङ्‌मि निवा निवाहाङ्‌मि नम्‍नमनुङ खिरिस्‍टडे़ॽ हुङ्‌हेमे सक्‍ति पिरो।

हिब्‍रु 10:36

निवाहाङ्‌डे़ॽ नेन्‍जाबॽआ योम्‍बोक ले़ःॽमानुङ खोसे़ॽ हेन्‍ज्‍रुङ हे़म्‍बॽआ खा चुप्‍मामि लागि हे़निङ पक्‍का लिसानिङे।

हिब्‍रु 6:12

हे़निङ पाङ्‌सुघुबाजि ए़लिसानिङे, तर निवाहाङ्‌डे़ॽ हेन्‍ज्‍रुङ हेम्‍बॽआ खाबेॽ बिस्‍वासनुङ हुङ्‌डुङ्‌घे़ॽखुबाजिडोॽ हे़निङ्‌सो लिसानिङे लुनुङ कानिङे़ॽ मिॽइन्‍डुङ्‌मे़।

हिब्‍रु 6:15

अब्‍राहामडे़ॽ आङ्‌नुङ हुक्‍सु, मोबा निवाहाङ्‌डे़ॽ हेन्‍ज्‍रुङ हे़म्‍बॽआ आसिस चुप्‍टु।

याकुब 5:11

खाक्‍सानुमे, हुङ्‌जाहेघुबाजि ओहाक लुन्‍डुङ्‌मे। हे़निङे़ॽ अय्‍युबडे़ॽ ले़ःॽपॽआ हुङ्‌जाहेमे खामि टुम्‍बेॽ खेम्‍इटानुमे, मोबा परभुडे़ॽ खो आसिस पिबॽआ खासो लेन्‍डानुमे। परभु नम्‍नावानुङ्‌मा ले़ये।

२ पत्‍रुस 1:6

हे़निङ्‌मि निवाबेॽ टाङ्‌बा अधिनबेॽ युङ्‌मे बोल येडानुमे, मोसोक्‍पेॽ स्‍थिरनुङ्‌हाजि लिसानिङे, स्‍थिरसोक्‍पेॽ भक्‍ति येडानुमे

परकास 14:12

निवाहाङ्‌मि आग्‍या पालना ले़ःॽनुङ खोबेॽ बिस्‍वास ले़ःॽखुबा पबित्‍रा याॽमिजिनुङ येसुबेॽ बिस्‍वास ले़ःॽखुबाजि सानिङ बिस्‍वासबेॽ बोलियो लिमा खे़ये।