२ पत्‍रुस 3:7 - याम्फु

⁷ तर निवाहाङ्‌मि मोनोॽ बचनडे़ॽ आयुए मक्‍खाम्‍डेमनुङ नान्‍द्‌रुङ्‌मा मिबाङ नासि ले़ःॽमामि लागि, मोबा निवाहाङ्‌मि खाबेॽ बिस्‍वास मे़ले़ःॽखुबा याॽमिजि न्‍यायमि लागि हाम्‌युङ्‌बॽआ ले़ये।

२ पत्‍रुस 3:7 Iomraidhean Croise

मत्‍ति 10:15

चइबानोॽ, के़ॽ हे़निङ लुनिम्‍ने़, न्‍यायमि याकपेॽ मो सहरमि दसागो सदोम सहरनुङ गमोरा सहरमि खेः बेॽलोनोॽ आङ्‌हेमारोमा लिये।

मत्‍ति 11:22

तर के़ॽ हे़निङ लुनिम्‍ने़, न्‍यायमि याकपेॽ हे़निङ्‌मि दसाबाङ्‌गो टुरोसनुङ सिदोनबेॽहा याॽमिजिमि दसा बोरु आङ्‌हेमारोमा लिये।

मत्‍ति 11:24

तर के़ॽ हे़निङ लुनिम्‍ने़, न्‍यायमि याकपेॽ हे़निङ्‌मि दसाबाङ सदोमबेॽहा याॽमिजिमि दसा बेॽलोनोॽ आङ्‌हेये।”

मत्‍ति 12:36

के़ॽ हे़निङ लुनिम्‍ने़, योम्‍बोक मे़ॽनिॽहा खा इःघुबाजि चोबे़ॽ न्‍यायमि याकपेॽ मोमि लेखा पिमा खे़ये।

मत्‍ति 24:35

थाङ्‌सिरिनुङ मक्‍खाक्‍डेम नासि लिघे़ये, तर के़ॽ लुबॽआ बचन नासि लिघे़ॽनिबा।

मत्‍ति 25:41

“मोबा ए़क्‍साङ खोसे़ॽ ए़ङ्‌सिङ्‌लामबेॽहा याॽमिजि लुन्‍डुजे, ‘होउ चापहिबॽआ याॽमिजि! काबाङ ओः खे़ॽपेसानिङे, सैताननुङ मोमि दुतजिमि लागि पोरोक्‌युङ्‌बॽआ इन्‍डोक्‍पेॽसो सिघे़ॽनिये मिबेॽ खडानिङे।

मरकुस 6:11

इडोॽ हे़निङ खे़ॽमाबेॽ मो ठाउँबेॽहा याॽमिजिडे़ॽ हे़निङ स्‍वागत मे़ले़ःॽमिहोङ मोबा हे़निङ्‌मि खा मे़खेप्‍सुजिहोङ माहाजिमि खिम्‍डेमबाङ खे़ॽमाबेॽ हे़निङ्‌मि सराङ फे़क्‍माबेॽ किःक्‍पॽआ आक्‍खामाडे़ॽ खोजिमि बिरोधबेॽ गबाहि पिमामि मोबेॽनोॽ फाप्‌युङ्‌आमे़।”

युहन्‍ना 12:48

का बिस्‍वास मे़ले़ःॽखुबानुङ काङ्‌मि खा मे़खेम्‍खुबामि न्‍याय ले़ःॽखु इक्‍को टुये। के़ॽ लुबॽआ बचनडे़ॽनोॽ ए़क्‍साङ्‌ए यिडे़ॽ मो न्‍याय ले़न्‍डुए।

रोमि 2:5

तरसो हे़निङ लुबॽआ खा मे़ङ्‌खेम्‍खुबाजि लिनुङ निवाहाङ्‌बेॽ मे़न्‍टेबॽआसे़ॽ बेॽलो सुरके़ॽमेन्‍डानुम। मोडोगे़ॽ खो सुरिक्‍पेॽ न्‍याय ले़ःॽसिॽ लेम्‍माबेॽ खोबाङ हे़निङे़ॽ बेॽलो दन्‍डा चुप्‍मिन्‍डामे।

१ कोरिन्‍थि 3:13

तर चोप याॽमिजिमि नुबानुङ मङे़हा योम्‍बोक न्‍यायमि याकपेॽ निवाहाङ्‌डे़ॽ जाँच ले़न्‍डुहा। माहाजिडे़ॽ ले़ःॽपॽआ योम्‍बोक इन्‍डोॽ ले़ये लुनुङ मिबाङ जाँच लिहा।

फिलिप्‍पि 1:28

हे़निङ्‌मि बिरोध ले़ःॽखुबाजिनुङ ए़डे़ॽवासो ए़क्‍किसिडानिङे। इडोॽ ले़टानुमहोङ बिरोध ले़ःॽखुबाजि नासि लिमे खा पक्‍का लियेनुङ हे़निङे़ॽ चाहिँ उद्‌धार चुप्‍मे खा पक्‍का लिये। मो उद्‌धार चाहिँ निवाहाङ्‌बाङ्‌ए ले़ये।

२ थेस्‍लोनिकि 2:3

तर हे़निङ असे़ॽसो मे़रेम्‍हेमिरो। इन्‍ढोङ्‌होङ निवाहाङ्‌मि बिरोधबेॽ बेॽए हुलदुङ्‌गा मे़लिरेॽलो, मोबा ब्‍यबस्‍थामि खा मे़ङ्‌खेम्‍खुबा, बेॽए नासबेॽ सिॽखुबा याॽमि मे़लेङ्‌रो मो याक लेन्‍निबा।

१ तिमोथि 6:9

तर टाङायोङ्‌बा लिमा योक्‍खुबाजि लोभबेॽ सिॽइम्‍मेनुङ रेम्‍सिघे़म्‍मे। माहाजि योम्‍बोक मे़ॽनिङ्‌हा खानुङ नासि लिये हिङ्‌मवाबेॽ सिॽइम्‍मे इघा खाडे़ॽ माहाजि नासि लिम्‍मे।

हिब्‍रु 12:29

इन्‍ढोङ्‌होङ कानिङ्‌मि निवाहाङ्‌गो हिॽनुङ खरानि टोङ्‌खुबा मिडोॽ ले़ये।

२ पत्‍रुस 2:9

इडोॽ परभुडे़ॽ धरमि याॽमिजि दुःखमि याकपेॽ जोगा ले़न्‍डुए, मोबा पापिजि दन्‍डा पिमे याकठोक नुरोॽ युङ्‌लेन्‍डुए।

२ पत्‍रुस 3:10

तर परभुमि याक गो खुसुबाङ लेन्‍डिडोॽ हाजोक्‍टोॽ लेङ्‌इये। मो याक नान्‍द्‌रुङ्‌मा चाहिँ बेॽए सेम्‍लानुङ मे़खे़ये, नान्‍द्‌रुङ्‌माबेॽहा टुहा साङ्‌गे, ला चोप मिबेॽ हिॽखे़हा। मक्‍खाम्‍डेमनुङ मोबेॽ टुहा चोप थोक हिॽखे़हा।

२ पत्‍रुस 3:12

हे़निङ निवाहाङ लेङ्‌इये याक हुङ्‌माबेॽ इगो याक चान्‍डो लिरो लुनुङ ले़ःॽमा खे़ये योम्‍बोक ले़टानुमे। मो याक नान्‍द्‌रुङ्‌मा, मोबा मोबेॽ टुहा चोप हिॽखे़हानुङ साङ्‌गे, ला चोप कुहाङ रापबेॽ वाइम्‍घे़ये।

१ युहन्‍ना 4:17

कानिङे़ॽ इक्‍कोसे़ॽ हाइको चइबानोॽ नम्‍नम ले़टुङ्‌मानुङ खिरिस्‍टमिडोॽमा हिङ्‌मवा हिङ्‌इन्‍डिङ्‌माहोङ न्‍यायमि याकपेॽ कानिङ किस्‍सिमा पाप्‍निबा।

यहुदा 1:7

मोडोक्‍नोॽ सदोमनुङ गमोरा, मोबा मोजिमि किॽयु मिॽयुहा हाइखा सहरबेॽहा याॽमिजिडे़ॽ इक्‍कोबाङ हाइको ले़ःॽसाङ चिक्‍चिमिॽमारोहा मङे़हा बेभिचार ले़टुजि। ए़क्‍साङ माहाजि इन्‍डोक्‍पेॽसो सिनिबा मिबेॽ दन्‍डा आङ्‌घुबाजिमि नमुना लिटामे।

परकास 17:11

मोबा मो जिवात, इक्‍खेॽ हिङ्‌रिक टुसे़, तर हागो माॽआये, मो आक्‍चिमा हाङ्‌बा चाहिँ माहा एच्‍चि हाङ्‌बाजिबेॽएनोॽ इक्‍को ले़ये, तर मोसो नासि लिघे़ये।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।

परकास 20:11

मोबा के़ॽ इक्‍को बेॽए उथ्‍रिॽमा हाङ्‌पेन्‍ढामनुङ मोसोक्‍पेॽ पेङ्‌घुबा खाङ्‌डोक्‍टुङ। खोमि पोम्‍बाङ मक्‍खाम्‍डेमनुङ नान्‍द्‌रुङ्‌मा चिःॽखडाजि, मोबा मोजि फेरि मे़ङ्‌खाङ्‌मुसाजि।

परकास 21:1

मोबा के़ॽ चोङ नान्‍द्‌रुङ्‌मानुङ चोङ मक्‍खाम्‍डेम खाङ्‌डोक्‍टुङ, इन्‍ढोङ्‌होङ मो याक्‍लोमा नान्‍द्‌रुङ्‌मानुङ मक्‍खाम्‍डेम नासि लिघडा, मोबा माहोङ्‌मागो छना मानोॽ माडा।