२ पत्‍रुस 3:16 - याम्फु

¹⁶ पावलडे़ॽ खोमि चोप पत्‍राबेॽ इडोक्‍हानोॽ खामि टुम्‍बेॽ साप्‍मिटुहा। माहा खाबेॽ इन्‍डोक खागो लेमा छॽइहा। इमाङ मे़लेघुबा मोबा इमाङ खामिसो टुङ्‌गो मे़ॽनिङ्‌हा याॽमिजिडे़ॽ इघा खाडे़ॽ लुमायोक्‍पॽआ खा टेडिघरिक इःन्‍डुजे। खोजिडे़ॽ धारमिक नेॽचिराडे़ॽ लुमायोक्‍पॽआ खासो मोडोक्‍नोॽ लुन्‍डुन्‍जे। मोडोॽ ले़ःॽमाबेॽ खोजि टाङ्‌बानोॽ नासि लिये रामबेॽ रुॽइम्‍मे।

२ पत्‍रुस 3:16 Iomraidhean Croise

मत्‍ति 15:3

येसुडे़ॽ माहाजि लुसुजि, “हे़निङे़ॽसो इन्‍ढोङ टाङ्‌बामि रितिथिति ले़ःॽमे निहुबेॽ निवाहाङ्‌मि आग्‍या पालना चाहिँ ले़टानुम्‍ने ?

मत्‍ति 15:6

खोसे़ॽ चाहिँ टाङ्‌बामि पाबा मामामि आदर ले़ःॽमा पाप्‍निबा। इडोॽ हे़निङे़ॽ टाङ्‌बामि रितिथिति ले़ःॽमाबेॽ निवाहाङ्‌मि बचन योम्‍बोक मे़ॽनिङ्‌मा टोङ्‌इटानुमे।

मत्‍ति 22:29

येसुडे़ॽ माहाजि लुसुजि, “हे़निङ फाङ्‌सिघे़टानिङे, इन्‍ढोङ्‌होङ हे़निङे़ॽ धारमिक नेॽचिरामि खानुङ निवाहाङ्‌मि सक्‍ति लेसानुम्‍नि।

फिलिप्‍पि 3:19

अक्‍खाजि ए़क्‍साङ खेःलोकपेॽ नासि लिम्‍मे, माहाजिडे़ॽ ले़ःॽमा मिॽपॽआ खानोॽ खोजिमि लागि बेॽए खा ले़ये। ङेसिमाहा खामि टुम्‍बेॽ छना बेॽए खा इम्‍मे, मोबा माहाजिमि निवा चाहिँ मक्‍खाम्‍डेमबेॽहा खाबेॽरेॽ सानिङ टिन्‍डुजे।

हिब्‍रु 5:11

इगो खामि टुम्‍बेॽ लुमागो बेॽलोनोॽ टुहा। तर इगो खा हे़निङ लेमेॽमा छॽइये, इन्‍ढोङ्‌होङ हे़निङ्‌मि खेम्‍मे सक्‍तिनोॽ इम्‍डिघे़टे़।

याकुब 1:8

इडोक्‍मा याॽमि निच्‍चि निवानुङ्‌मानुङ इमाङ खाबेॽसो बिस्‍वास मे़ॽनिङ्‌मा ले़ये।

१ पत्‍रुस 1:1

का एप्‍पा चोङ्‌सा पत्‍रुसबाङ पोन्‍टास, गलातिया, कापाडोकिया, एसियानुङ बिथिनिया ठाउँ इॽठुप परदेसि लिनुङ खोरो खोरो पेम्‍बॽआ निवाहाङ्‌डे़ॽ से़म्‍बॽआ याॽमिजि इगो पत्‍रा साप्‍मे़ॽनिङ्‌सिनुङे।

१ पत्‍रुस 2:8

धारमिक नेॽचिराडे़ॽ इडोॽ लुन्‍डुए, “इगोनोॽ याॽमिजिमि सराङ्‌बेॽ रोःइये रुङ्‌गोॽवा ले़ये।” इगो रुङ्‌गोॽवाडे़ॽ ले़ःॽमे़ॽ बेॽलो याॽमिजि काङ्‌इम्‍मे। माहाजिडे़ॽ निवाहाङ्‌मि बचनबेॽ बिस्‍वास मे़ले़ःॽपॽआसे़ॽ मोबेॽ रोःक्‍नुङ काङ्‌इम्‍मे। माहाजिमि लागि इडोक्‍नोॽ लिमा खे़ये लुनुङ पक्‍का लिबॽआ ले़टे़।

२ पत्‍रुस 2:1

याक्‍लो इस्‍राएलि याॽमिजिमि रुम्‍बेॽ मे़ॽनोक्‍हा अगमबक्‍ताजि टुसामि, मोडोक्‍नोॽ हे़निङ्‌मि रुम्‍बेॽसो मे़ॽनोक्‍हा खा इःॽखुबाजि लेङ्‌इम्‍मे। माहाजिडे़ॽ हे़निङ्‌मि बिस्‍वास नासि ले़ःॽमामि मे़ॽनोक्‍हा सिक्‍छे पिम्‍मे, मोबा खोजि टाङ्‌बा मुक्‍ति पिघुबा परभुसो लेप्‍पेन्‍डुजे। मोडोगे़ॽ माहाजिडे़ॽ टाङ्‌बे़ॽनोॽ टाङ्‌बा नासि ले़न्‍डुजे।

२ पत्‍रुस 2:14

माहाजिमि मिक सानिङ्‌नोॽ छाडा मेॽनामिॽचिबेॽ टिन्‍डुजेनुङ माहाजि पापि योम्‍बोक ले़ःॽनुङ याःक्‍चाघे़ॽमिने। माहाजिडे़ॽ कमजोर बिस्‍वासनुङ्‌हा याॽमिजि फाङ्‌सेन्‍डुजे। माहाजि लोभ ले़ःॽमा बानि लिबेटामे। माहाजिसोक्‍पेॽनोॽ निवाहाङ्‌मि चापहिमा सिॽइये।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

२ पत्‍रुस 3:2

याक्‍लो याक्‍लोहा अगमबक्‍ताजिडे़ॽ पिबॽआ सिक्‍छे, मोबा एप्‍पा चोङ्‌साजिडे़ॽ खेम्‍मेॽपॽआ कानिङ्‌मि परभु मुक्‍तिदाङ्‌बामि आग्‍या हे़निङे़ॽ मिॽयुक्‍सानुमे।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।