२ पत्‍रुस 3:15 - याम्फु

¹⁵ परभुडे़ॽ हे़निङ पापबाङ हिङ्‌मेॽमामि खो इन्‍डोक धैरियनुङ्‌मा ले़ये, मो खा नुरोॽ मिडानुमे। कानिङ्‌मि निसा पावलडे़ॽसो खो निवाहाङ्‌डे़ॽ पिबॽआ निवाबाङ हे़निङ इघा खानोॽ साप्‍पॽआ ले़टा।

२ पत्‍रुस 3:15 Iomraidhean Croise

लुका 21:15

इन्‍ढोङ्‌होङ हे़निङे़ॽ खा इमे़ निवा के़ॽ हे़निङ पिन्‍निम्‍ने़। हे़निङ्‌मि सत्‍तुरजिबेॽ इक्‍कोसे़ॽसो हे़निङ्‌मि खा टेहेसुजिने, मोबाङ इमाङ्‌सो आप्‍टिक टिहेसुजिने।

एप्‍पा चोङ्‌सा 15:25

मोडोगे़ॽ कानिङे़ॽ नुरोॽ छलफल ले़ःॽनुङ याॽमिजि से़न्‍नुङ कानिङे़ॽ नम्‍नम ले़ःॽपॽआ बारनाबास, पावलनुङ सोरि मोजिसो पाङ्‌मे निधो ले़ए़टुङ्‌मे़।

एप्‍पा चोङ्‌सा 7:10

निवाहाङ्‌डे़ॽ खोमि चोप खेःबाङ छुटाबा ले़टु। इन्‍डोक्‍पेॽ योसेफ मिस्‍रा देसबेॽए हाङ्‌बाबेॽ लेस्‍सा, मोडोक्‍पेॽ निवाहाङ्‌डे़ॽ खो निवा पिसु। मोडोगे़ॽ फारोडे़ॽ खो मिस्‍रा देसबेॽए मायोङ्‌बा टोक्‍सु। मोबा मो याकबाङ योसेफ हाङ्‌खिमबेॽए एप्‍पा मायोङ्‌बा लिसा।

एप्‍पा चोङ्‌सा 9:17

मोबा हननिया मो खिमबेॽ खे़ॽनुङ सावलसोक्‍पेॽ खोमि हुक युङ्‌साङ इडोॽ लुसु, “होउ निसा सावल, हे़न आप्‍मे़ॽनिङ्‌सिमाबेॽ रामबेॽ हे़न्‍नुङ खाङ्‌मुबॽआ परभु येसुडे़ॽ हे़ने़ॽ फेरि खाङ्‌डोक्‍हेसे लुनुङ, मोबा हे़नबेॽ पबित्‍रा होङ्‌निवा लेङ्‌रो लुनुङ का पाङ्‌इटिङे।”

रोमि 2:4

अथबा निवाहाङ्‌मि किरपाडे़ॽ हे़निङ पाप योम्‍बोक लेॽनुङ निवाहाङ्‌बेॽ टेआप्‍मिये लुमे खा मे़लेरेॽ इमाङ हे़निङ खोमि नम्‍नावा, आङ्‌डुङ्‌घे़ॽखुबानुङ चान्‍डोनोॽ सुरके़ॽनिबा लुमे खा ए़डेम्‍मा मिॽइन्‍डानुमे ?

१ कोरिन्‍थि 12:8

आढाजि पबित्‍रा होङ्‌निवाडे़ॽ चेन्‍दुबा निवामि बचन इःमे बरदान पिये। आढाजि मोनोॽ होङ्‌निवाडे़ॽ निवामि खा इःमे बरदान पिये।

१ कोरिन्‍थि 2:13

मोडोगे़ॽ कानिङे़ॽ इःॽपॽआ खा याॽमिजिमि निवाडे़ॽ इःॽपॽआ ने़ॽनि, तर पबित्‍रा होङ्‌निवाडे़ॽ इःॽपॽआडोॽ कानिङे़ॽ होङ्‌निवामि चाइबमा खा नुरोॽ इःन्‍डुङ्‌मे।

१ कोरिन्‍थि 3:10

निवाहाङ्‌डे़ॽ का पिबॽआ अनुग्‍रहाडे़ॽ ले़ःॽमे़ॽ सिपालु करमिडे़ॽ गारो सोक्‍टिडोॽ के़ॽ खिममि जग एन्‍डुङ। मोबा हाइखाजिडे़ॽ मो जगसोक्‍पेॽ गारो सोक्‍खे़न्‍डुजे, तर माहा खिम आङ्‌खुबाजिडे़ॽ इन्‍डोॽ आङ्‌घे़ॽमा खे़ये लुमे खाबेॽ नुरोॽ निवा टिमा खे़ये।

एफिसि 3:3

लेमा छॽइये निवाहाङ्‌मि खा खोसे़ॽ का परकासबाङ खाङ्‌मुसा। इगोमि टुम्‍बेॽ के़ॽ याक्‍लोसो हे़निङ अदरे़ॽवागो साप्‍पेटुङे।

१ तिमोथि 1:16

तर येसुडे़ॽ का बेॽलो नम्‍नावा ले़टिङ। ए़क्‍साङ चुप्‍मिये ए़ॽसिमे हिङ्‌मवा चुप्‍खुबाजिमि लागि नमुना लिरो लुनुङ खोसे़ॽ काडोक्‍मा चोप्‍पाङ बेॽलो पापि याॽमि नम्‍नावा ले़टिङा।

याकुब 1:5

हे़निङ असासो निवा पाप्‍मिहोङ निवाहाङ्‌नुङ ङागानुमे, मोबा खोसे़ॽ हे़निङ पिये, इन्‍ढोङ्‌होङ निवाहाङ चाहिँ मे़सुरके़ॽलेॽ पिघुबा ले़ये।

याकुब 3:17

तर थाङ्‌सिरिबाङ्‌ए निवागो चोखो ले़ये, सान्‍ति पिघुबा, सोझो, चोपनुङ टोङ्‌जाये। इडोक्‍मा निवा नम्‍नावानुङ्‌मा, मोबा नुबा योम्‍बोक ले़ःॽयाङ ले़ये। इडोक्‍मा निवा कप्‍टि ले़ःॽनिबानुङ पक्‍छेपात मे़ॽनिङ्‌मा ले़ये।

१ पत्‍रुस 3:20

माहा होङ्‌निवाजि चाहिँ नोआडे़ॽ योङा जहाज टोङ्‌बॽआ बेलाबेॽ पापबाङ टेआप्‍मिम्‍मेन्‍डे लुनुङ निवाहाङ्‌डे़ॽ हुङ्‌बॽआ होङ्‌निवाजि ले़टामे। तर माहाजिडे़ॽ निवाहाङ्‌मि खा मे़ङ्‌खेप्‍सुजि। योङा जहाजबेॽ आक्‍चि जना याॽमिरेॽनोॽ बेॽए वाडुमबाङ हिक्‍सामि।

२ पत्‍रुस 3:2

याक्‍लो याक्‍लोहा अगमबक्‍ताजिडे़ॽ पिबॽआ सिक्‍छे, मोबा एप्‍पा चोङ्‌साजिडे़ॽ खेम्‍मेॽपॽआ कानिङ्‌मि परभु मुक्‍तिदाङ्‌बामि आग्‍या हे़निङे़ॽ मिॽयुक्‍सानुमे।

२ पत्‍रुस 3:9

परभु निवाहाङ टाङ्‌बामि हेन्‍ज्‍रुङ पुरा ले़ःॽमामि टाम ले़ये लुनुङ मिॽहोङ्‌सो खोसे़ॽ टाम ले़टुनिबा। इन्‍ढोङ्‌होङ असासो ए़स्‍सिमिरो, तर चोप याॽमिजि पापबाङ टेमिरो मिॽनुङ परभुडे़ॽ हे़निङ हुङ्‌मे़ॽनिङ्‌सिये।