२ पत्‍रुस 3:14 - याम्फु

¹⁴ मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

२ पत्‍रुस 3:14 Iomraidhean Croise

मत्‍ति 24:26

माहाजिडे़ॽ हे़निङ ‘खिरिस्‍ट रे़क्‍रे़क्‍मा ठाउँबेॽ टुये’ लुमिहोङ हे़निङ मोबेॽ ए़क्‍खडानिङे। मोबा ‘खाक्‍सानुमे, खिरिस्‍टगो कोठा होङ्‌सिॽयु टुये’ लुमिहोङ्‌सो बिस्‍वास ए़ले़टानुमे।

मत्‍ति 25:7

मोबा माहा चोप राङ्‌मिॽचि हुम्‍बोगामि, मोबा खोजि टाङ्‌बा टाङ्‌बामि कुप्‍पि पोरोगुजि।

लुका 12:43

मायोङ्‌बा खिम टेजामाबेॽ मो भन्‍डारे नुरोॽ योम्‍बोक ले़ःॽटिङ्‌बॽआ चुप्‍माबेॽ खोसे़ॽ बेॽलो ओहाक चुप्‍मिन्‍डुए।

लुका 2:29

“हे परभु, आम्‍मि हेन्‍ज्‍रुङ काबेॽ पुरा ले़पेटुए। हागो हे़ने़ए़ सेउते सान्‍तिनुङ बिदा पिमा।

१ कोरिन्‍थि 1:8

कानिङ्‌मि परभु येसु खिरिस्‍ट लेङ्‌इये याकपेॽ हे़निङ आप्‍टिक मे़ॽनिङ युङ्‌मामि खोसे़ॽ ए़क्‍साङ्‌रो बिस्‍वासबेॽ बोलियो टोङ्‌इये।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

फिलिप्‍पि 1:10

इडोॽ लिहोङ हे़निङे़ॽ चोपबाङ नुबा मराम हाम्‍बे चाहिँ ले़ये लुनुङ लेहेन्‍डानुमे, मोबा खिरिस्‍ट लेम्‍माबेॽ हे़निङ पबित्‍रानुङ आप्‍टिक मे़ॽनिङ्‌हा याॽमिजि लिहेन्‍डानिङे।

फिलिप्‍पि 2:15

मोडोॽ ले़टानुमहोङ हे़निङ चाहिँ सुधोनुङ आप्‍टिक मे़ॽनिङ्‌हाजि लिनुङ पापिनुङ मङे़हा याॽमिजिमि रुम्‍बेॽ निवाहाङ्‌मि खोट मे़ॽनिङ्‌हानुङ चोखो पसाजि लिन्‍डानिङे। हे़निङे़ॽ साङ्‌गेडे़ॽ सेन्‍जुगुपेॽ उज्‍यालो टोङ्‌डिडोॽ माहाजिमि रुम्‍बेॽ उज्‍यालो टोङ्‌मा खे़ये।

फिलिप्‍पि 3:20

तर कानिङ्‌गो थाङ्‌सिरिबेॽहा याॽमिजि ले़न्‍डिङ्‌मा। थाङ्‌सिरिबाङ लेङ्‌घुबा मुक्‍तिदाङ्‌बा, परभु येसु खिरिस्‍टमि राम हुङ्‌मे़ॽनिङ्‌सिन्‍डुङ्‌मे।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

१ तिमोथि 6:14

हे़न असे़ॽसो आप्‍टिक मे़न्‍टिहेसुजिरो लुनुङ इगो आग्‍या कानिङ्‌मि परभु येसु खिरिस्‍ट फेरि मे़लेङ्‌रो नुरोॽ पालना ले़टे।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

याकुब 1:27

निवाहाङ पाबाडे़ॽ नेन्‍जाबॽआ चाइबमा धरमि लुबॽआ चाहिँ दुःखबेॽ सिॽपॽआ राङ्‌मिॽमाजिनुङ टाङ्‌बाङ मे़ॽनिङ्‌हा नानिजि खाङ्‌मा, मोबा मक्‍खाम्‍डेमबेॽहा मङे़हा खाबाङ ओः पेम्‍मानोॽ नुबा लिये।

१ पत्‍रुस 1:7

नास लिनुङ खे़ये सुनानोक्‍सो मिडे़ॽ हिॽनुङ निखुर टोङ्‌मामि जाँच ले़ःॽमा खे़येहोङ हे़निङ्‌मि बिस्‍वासगो मो सुनाबाङ्‌सो इन्‍डोक बेॽलो मोलनुङ्‌मा ले़ये। मोडोगे़ॽ हे़निङ्‌मि इगो बिस्‍वास पक्‍का ले़येन्‍डे ले़ःॽनिबा लुनुङ खाल खालहा दुःखनुङ खेःबाङ जाँच लिये। इडोॽ ले़ःॽमाबेॽ हे़निङ्‌मि बिस्‍वास पक्‍का लियेनुङ येसु खिरिस्‍ट लेम्‍मा यिडे़ॽ हे़निङे़ॽ ओहाङ, महिमानुङ आदर चुप्‍मिन्‍डानुमे।

२ पत्‍रुस 3:1

लङ्‌गामजि, हे़निङ्‌मि लागि साप्‍पॽआ इगो के़ए़ हाइके पत्‍रा ले़ये। इघा निच्‍चिनोॽ पत्‍राबेॽ साप्‍पॽआ खाबाङ हे़निङ्‌मि निवा चोखो युङ्‌मे खाबेॽ हौसला पिमा योॽइटुङे।

२ पत्‍रुस 3:16

पावलडे़ॽ खोमि चोप पत्‍राबेॽ इडोक्‍हानोॽ खामि टुम्‍बेॽ साप्‍मिटुहा। माहा खाबेॽ इन्‍डोक खागो लेमा छॽइहा। इमाङ मे़लेघुबा मोबा इमाङ खामिसो टुङ्‌गो मे़ॽनिङ्‌हा याॽमिजिडे़ॽ इघा खाडे़ॽ लुमायोक्‍पॽआ खा टेडिघरिक इःन्‍डुजे। खोजिडे़ॽ धारमिक नेॽचिराडे़ॽ लुमायोक्‍पॽआ खासो मोडोक्‍नोॽ लुन्‍डुन्‍जे। मोडोॽ ले़ःॽमाबेॽ खोजि टाङ्‌बानोॽ नासि लिये रामबेॽ रुॽइम्‍मे।

१ युहन्‍ना 3:3

मोबा इन्‍डोक खो पबित्‍रा ले़ये, मोडोक्‍नोॽ खोसोक्‍पेॽ आसा ले़ःॽखुबा चोप याॽमिडे़ॽसो पबित्‍रा लिमा खे़ये।