२ पत्‍रुस 3:1 - याम्फु

¹ लङ्‌गामजि, हे़निङ्‌मि लागि साप्‍पॽआ इगो के़ए़ हाइके पत्‍रा ले़ये। इघा निच्‍चिनोॽ पत्‍राबेॽ साप्‍पॽआ खाबाङ हे़निङ्‌मि निवा चोखो युङ्‌मे खाबेॽ हौसला पिमा योॽइटुङे।

२ पत्‍रुस 3:1 Iomraidhean Croise

मत्‍ति 5:8

चोखो निवा खिघुबाजि आसिसित ले़म्‍मे, इन्‍ढोङ्‌होङ खोजिडे़ॽ निवाहाङ खाङ्‌डोइन्‍डुजे।

२ कोरिन्‍थि 13:2

इगो खेपबाङ याक्‍लोएखेॽ हे़निङ्‌बेॽ लेम्‍माबेॽ पाप ले़ःॽखुबाजि चेतावनि पिडिडोक्‍नोॽ आइसो के़ॽ इगोबाङ हे़निङ मोनोॽ चेतावनि पिमे़ॽनिङ्‌सिनिम्‍ने़। का फेरि आप्‍माबेॽ माहा पाप ले़टुङ्‌घे़ॽखुबाजिनुङ हाइखाजि असासो के़ॽ लेडुङ्‌जिनिबा।

१ तिमोथि 5:22

मन्‍डलिबेॽ योम्‍बोक ले़ःॽमामि अगुवा से़न्‍माबेॽ मो याॽमिमि टुम्‍बेॽ नुरोॽ मे़लेरेॽ चान्‍डोनोॽ ए़से़न्‍मे़ हाइखाजिमि पापबेॽ हे़न ए़ॽठुमे। आमटाङ्‌बा चाहिँ पाप योम्‍बोकबाङ ओःनोॽ पेम्‍मे।

२ तिमोथि 1:6

मोडोगे़ॽ हे़न लुन्‍ने़, के़ॽ हे़न सोक्‍पेॽ हुक युङ्‌नुङ पारथना ले़ःॽमाबेॽ निवाहाङ्‌डे़ॽ हे़न पिबॽआ बरदान हेरो योम्‍बोक्‍पेॽ टिसे।

हिब्‍रु 6:9

लङ्‌गामजि, कानिङे़ॽ इडोक्‍हा खा लुसुङ्‌माहोङ्‌सो हे़निङ्‌मि टुम्‍बेॽ चाहिँ नुबा खामि आसा युङ्‌इटुङ्‌मे़। चइबानोॽ हे़निङे़ॽ मुक्‍ति चुप्‍मिन्‍डानुमेनुङ बेॽलो नुबा खा चुप्‍मिन्‍डानुमे लुनुङ बिस्‍वास ले़न्‍डुङ्‌मे।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 2:11

के़हा लङ्‌गामजि, इगो मक्‍खाम्‍डेमबेॽ हे़निङ नियाकमि चाबाङ्‌जिडोॽ ले़न्‍डानिङे, बिन्‍ति ले़निम्‍ने़, होङ्‌निवामि बिरोधबेॽ राम्‍खुबा हिङामि मङे़हा योम्‍बोकबाङ ओःनोॽ पेनानिङे।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

२ पत्‍रुस 3:17

तर के़हा लङ्‌गामजि, हे़निङे़ॽ इघा चोप खा लेबेटानुमे, मोडोगे़ॽ होसियार ले़टानिङे। मोडोॽ ले़ःॽमाहोङ मङे़हा निवानुङ्‌हा याॽमिजिमि रेम्‍सिङ खाबेॽ रेम्‍सिघडानिङ्‌नि मोबा टाङ्‌बे़ॽ सिक्‍पॽआ ठाउँबाङ काङ्‌खडानिङ्‌नि।

२ पत्‍रुस 3:8

तर के़हा लङ्‌गामजि, इगो खा लेयुक्‍सानुमे परभुमि लागि इक्‍याक हजार निङ्‌डोॽ लिये, हजार निङ इक्‍याकडोॽ लिये।

यहुदा 1:5

हे़निङ चोबे़ॽ इक्‍खेॽ लेबॽआ खानोॽ ले़ये तरसो माहा खा हे़निङे़ॽ मिडानुमे लुनुङ के़ॽ मिॽइनुङे। परमपरभुडे़ॽ खोमि याॽमिजि मिस्‍रा देसबाङ चिॽआप्‍टुजि, तर माहाजिबेॽ निवाहाङ्‌बेॽ बिस्‍वास मे़ले़ःॽखुबा याॽमिजि चाहिँ ए़क्‍साङ निवाहाङ्‌डे़ॽ नास ले़टुजि।