२ पत्‍रुस 2:3 - याम्फु

³ इडोक्‍हा मे़ॽनोक्‍हा सिक्‍छे इःॽखुबाजि लोभि ले़म्‍मे, माहाजिडे़ॽ माङ्‌माङ्‌हा पारलेन इःनुङ हे़निङ रेम्‍इम्‍मे। याक्‍लोनोॽ माहाजिमि न्‍याय लिबेटे़नुङ, माहाजि चइबानोॽ नासि लिम्‍मे।

२ पत्‍रुस 2:3 Iomraidhean Croise

मत्‍ति 23:14

[“हे़निङ इनामा, धारमिक नियम इःॽखुबानुङ फरिसिजि! इन्‍ढोङ्‌होङ, कप्‍टिजि। हे़निङ राङ्‌मिॽमाजिमि खिम बेबहार ङाप्‍इन्‍डानुमे, हागोसो किएम्‍मा पारथना ले़ःॽमा मिङ्‌इन्‍डानिङे। मोडोगे़ॽ हे़निङे़ॽ हाइखाजिबाङ बेॽलो दन्‍डा चुप्‍मिन्‍डानुमे।]

लुका 18:8

के़ॽ हे़निङ लुनिम्‍ने़, खोसे़ॽ खोमि याॽमिजि नुबा खा चान्‍डोनोॽ ले़ःॽपेन्‍डुजे। तर याॽमिमि पसा मक्‍खाम्‍डेमबेॽ लेम्‍माबेॽ इमा इगोबेॽहा याॽमिजिबेॽ बिस्‍वास चुप्‍मिन्‍डुएन्‍डे ?”

लुका 20:20

मोडोगे़ॽ माहाजिडे़ॽ येसु खुस्‍रिङ राःप्‍मामि सुक्‍पुगुजि। माहाजिडे़ॽ येसु राःप्‍नुङ रोमि एप्‍पा मायोङ्‌बामि हुक्पेॽ पिमा मिॽटुजे। येसुमि पोम्‍बेॽ नुबा रे़ङ्‌नुङ खोसे़ॽ इःबॽआ खाबाङ रेम्‍मामि माहाजिडे़ॽ टाङ्‌बामि याॽमिजि पाक्‍सुजि।

लुका 22:47

येसुडे़ॽ इगो खा इःमे़ॽनिङ्‌सिमाबेॽ खोमि बारो जना एप्‍पा चोङ्‌साजिबेॽ इक्‍को यहुदा इस्‍करियोत निङ ले़ःॽखुबा चोङ्‌सा चाहिँ याॽमिजि चिक्‍मानुङ येसु राःप्‍सिॽ मोबेॽ लेस्‍सा। मोबा येसु चुम्‍बन ले़ःॽसिॽ येसुमि के़क्‍पेॽ खडा।

युहन्‍ना 2:16

मोबा येसुडे़ॽ उख्‍रिॽवा इन्‍जाघुजि लुसुजि, “इगोबाङ हे़निङ्‌मि इघा चोप थोक लाघे़ॽटानुमे, के़ए़ पाबामि खिम इन्‍जाढाम ए़ॽटोक्‍सानुमे।”

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

२ कोरिन्‍थि 2:17

इन्‍ढोङ्‌होङ हाइखा याॽमिजिडे़ॽ निवाहाङ्‌मि सुसमाचार इन्‍जाडिडोॽ कानिङे़ॽ चाहिँ मोडोॽ ले़टुङ्‌मानि, तर कानिङ्‌गो निवाहाङ्‌डे़ॽनोॽ पाङ्‌बॽआ ले़न्‍डिङ्‌मानुङ खोमिन्‍नोॽ पोम्‍बेॽ खिरिस्‍टमि अधिकारबेॽ मे़रेम्‍डेॽलेॽ यामुन्‍डिङ्‌मा।

१ थेस्‍लोनिकि 2:5

इगो खा हे़निङे़ॽसो नुरोॽ लेन्‍डानुम, कानिङे़ॽ चानुये खा इःनुङ हे़निङ मे़रेम्‍डिॽ। मोडोक्‍रेॽ ने़ॽनि कानिङे़ॽ हे़निङ्‌बाङ इमाङ्‌सो चुप्‍मे आसा मे़ले़ःॽटुङ्‌मा। इगो खामि साक्‍छि निवाहाङ्‌नोॽ टुये।

१ थेस्‍लोनिकि 5:3

याॽमिजि “सान्‍ति, रच्‍छे ले़ये” लुनुङ ढुक्‍का लिमानुङ पेन्‍डिङ्‌माबेॽनोॽ उक्‍खाइसुम्‍मा बेथा साःबोक्‍टिडोॽ हजोक्‍टोॽ आपद बिपत याक लेङ्‌इये, मोबा माहाजि असासो लेक्‍खे़ॽटोक्‍मिने।

१ तिमोथि 3:3

इ, टोप्‍टे़ॽवा मे़उङ्‌खुबा याॽमिजिनुङ खिमाचुमा मे़योक्‍खुबा लिमा खे़ये। खोगो सहनसिल लिमा खे़ये, याङ्‌सरावामि लोभ ले़ःॽमा फे़न्‍निबा।

१ तिमोथि 3:8

मोडोक्‍नोॽ डिकनजि आदरनुङ्‌हा याॽमि लिमा खे़म्‍मे। खोजि चइबानोॽहा खा इःॽखुबाजि, इनुङ टोप्‍टे़ॽवा मे़उङ्‌खुबा लिमा खे़ये, याङ्‌मि लोभ मे़ले़ःॽखुबा लिमा खे़ये।

१ तिमोथि 6:5

मोबा खोजिमि निवा नासि लिटे़नुङ चाइबमा खाबाङ टेघे़टामे। मोबा निवाहाङ्‌मि रामबेॽ राम्‍मा लुबॽआ चाहिँ याङ्‌सरावा टोङ्‌मे राम मिॽइन्‍डुजे।

तितस 1:11

अक्‍खाजिमि योम्‍बोक से़क्‍मानोॽ खे़ये इन्‍ढोङ्‌होङ अक्‍खाजिडे़ॽको इःॽमानोॽ फे़न्‍निहा खा इःॽनुङ चोप खिमबेॽ खिमाचुमा ए़ङ्‌इटुजे। इघा चोप खा माहाजिडे़ॽ याङ टोङ्‌मामि लागिनोॽ इडोॽ ले़ए़टुजे।

तितस 1:7

मन्‍डलिबेॽहा अगुवाडे़ॽ निवाहाङ्‌मि योम्‍बोकमि जिम्‍मा लाबॽआसे़ॽ खो इमाङ आप्‍टिक मे़ॽनिङ्‌मा याॽमि लिमा खे़ये। खो टाङ्‌बा खुसि ले़ःॽखुबा, चान्‍डोनोॽ सुरके़ॽखुबा, इनुङ टोप्‍टे़ॽवा उङ्‌खुबा, याॽमिजिनुङ काक्‍खुबा, मोबा खिक्‍तुबाङ लिमा फे़न्‍निबा।

१ पत्‍रुस 2:8

धारमिक नेॽचिराडे़ॽ इडोॽ लुन्‍डुए, “इगोनोॽ याॽमिजिमि सराङ्‌बेॽ रोःइये रुङ्‌गोॽवा ले़ये।” इगो रुङ्‌गोॽवाडे़ॽ ले़ःॽमे़ॽ बेॽलो याॽमिजि काङ्‌इम्‍मे। माहाजिडे़ॽ निवाहाङ्‌मि बचनबेॽ बिस्‍वास मे़ले़ःॽपॽआसे़ॽ मोबेॽ रोःक्‍नुङ काङ्‌इम्‍मे। माहाजिमि लागि इडोक्‍नोॽ लिमा खे़ये लुनुङ पक्‍का लिबॽआ ले़टे़।

१ पत्‍रुस 5:2

निवाहाङ्‌डे़ॽ हे़निङ्‌मि जिम्‍माबेॽ युङ्‌बॽआ खोमि बगालमि नुरोॽ हेरचाह ले़टानुमे। करडे़ॽ ने़ॽनि तर साप्‍थाङ्‌मानुङ, याङ्‌सरावा चुप्‍मिये लुनुङ ने़ॽनि तर निवाहाङ्‌डे़ॽ नेन्‍जाबॽआ इगोनोॽ ले़ये मिॽनुङ हे़निङ्‌मि चोप निवाडे़ॽ ले़टानुमे।

२ पत्‍रुस 1:16

कानिङ्‌मि परभु येसु खिरिस्‍ट महिमानुङ सक्‍तिबेॽ फेरिसो लेङ्‌इये लुनुङ हे़निङ पारलेनरेॽ इःबेॽपॽआ ने़ॽनिबा, कानिङ टाङ्‌बामिनोॽ मिगे़ॽ खोमि बेॽएम्‍मा महिमा खाङ्‌इटुङ्‌मे।

२ पत्‍रुस 2:1

याक्‍लो इस्‍राएलि याॽमिजिमि रुम्‍बेॽ मे़ॽनोक्‍हा अगमबक्‍ताजि टुसामि, मोडोक्‍नोॽ हे़निङ्‌मि रुम्‍बेॽसो मे़ॽनोक्‍हा खा इःॽखुबाजि लेङ्‌इम्‍मे। माहाजिडे़ॽ हे़निङ्‌मि बिस्‍वास नासि ले़ःॽमामि मे़ॽनोक्‍हा सिक्‍छे पिम्‍मे, मोबा खोजि टाङ्‌बा मुक्‍ति पिघुबा परभुसो लेप्‍पेन्‍डुजे। मोडोगे़ॽ माहाजिडे़ॽ टाङ्‌बे़ॽनोॽ टाङ्‌बा नासि ले़न्‍डुजे।

२ पत्‍रुस 2:9

इडोॽ परभुडे़ॽ धरमि याॽमिजि दुःखमि याकपेॽ जोगा ले़न्‍डुए, मोबा पापिजि दन्‍डा पिमे याकठोक नुरोॽ युङ्‌लेन्‍डुए।

यहुदा 1:11

माहाजिमि लागि इगो खा बेॽलोनोॽ किस्‍सिमारोमा ले़ये। इन्‍ढोङ्‌होङ माहाजि टाङ्‌बामिनोॽ निसा सेॽनेघुबा कयिनमि चालबेॽ राम्‍इम्‍मे, याङ्‌सरावामि लोभबेॽ सिॽनुङ बालामडे़ॽ ले़टिडोॽ ने़ॽनिहा खाबेॽ फाङ्‌सिघे़म्‍मे, मोबा कोरहडे़ॽ ले़टिडोॽ बिरोध ले़ःॽपॽआसे़ॽ खोजि नास लिम्‍मे।

यहुदा 1:15

मोबा इडोक्‍हा याॽमिजि चोप खोसे़ॽ दन्‍डा पिन्‍डुजे मोबा इघाजिडे़ॽ ले़ःॽपॽआ मङे़हा योम्‍बोकमि बिरोधबेॽ इःबॽआ चोप खामि खोसे़ॽ दन्‍डा पिन्‍डुजे।”

यहुदा 1:16

कुनु कुनुॽ काघुबाजि, बिसोन्‍तोकिजि, टाङ्‌बामि मङे़ॽमा निवाडे़ॽ लुबॽआ रामबेॽ राम्‍घुबाजि, काङायोङ्‌बा खा इःघुबाजिनुङ टाङ्‌बामि योम्‍बोकमि लागि नेदवा रे़ङ्‌घुबाजि इघाजिनोॽ ले़म्‍मे।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।

यहुदा 1:7

मोडोक्‍नोॽ सदोमनुङ गमोरा, मोबा मोजिमि किॽयु मिॽयुहा हाइखा सहरबेॽहा याॽमिजिडे़ॽ इक्‍कोबाङ हाइको ले़ःॽसाङ चिक्‍चिमिॽमारोहा मङे़हा बेभिचार ले़टुजि। ए़क्‍साङ माहाजि इन्‍डोक्‍पेॽसो सिनिबा मिबेॽ दन्‍डा आङ्‌घुबाजिमि नमुना लिटामे।