२ पत्‍रुस 2:21 - याम्फु

²¹ इन्‍ढोङ्‌होङ माहाजि पिबॽआ पबित्‍रा आग्‍या लेनुङ्‌सो फेरि मङे़हा खाबेॽनोॽ टेघे़म्‍मिहोङ्‌गो बोरु खोजिडे़ॽ धारमिक खानोॽ मे़लेबॽआहोङ्‌सो नुडे़।

२ पत्‍रुस 2:21 Iomraidhean Croise

मत्‍ति 21:32

इन्‍ढोङ्‌होङ युहन्‍ना हे़निङ्‌बेॽ धारमिक राम लेमेॽसिॽ लेम्‍बॽआ ले़टे़, तर हे़निङे़ॽ खोमि खाबेॽ बिस्‍वास मे़ले़टानुम। तर मे़क्‍चेन लाघुबाजिनुङ बेस्‍याजिडे़ॽ मो खाबेॽ बिस्‍वास ले़टुजि। हे़निङे़ॽ इडोक्‍हा खा खाङ्‌नुङ्‌सो निवाहाङ्‌बेॽ मे़न्‍टेसानिङ्‌नुङ मोबा खोमि खाबेॽ बिस्‍वास मे़ले़टानुम।”

लुका 12:47

“मायोङ्‌बामि निवामि खा लेनुङ्‌सो ले़ःॽमा खे़ये योम्‍बोक मे़ले़ःॽखुबा भन्‍डारेडे़ॽ खोमि मायोङ्‌बाबाङ बेॽएम्‍मा दन्‍डा चुप्‍मिन्‍डुए।

युहन्‍ना 15:22

“का लेन्‍नुङ मे़लुबेॽपॽआ ले़टाहोङ खोजि पापमि आप्‍टिकनुङ्‌मा मे़लिसामि, तर हागोगो खोजिडे़ॽ पाप ले़ःॽमामि इमाङ्‌सो बहाना ले़ःॽटोक्‍टुजिने।

युहन्‍ना 9:41

येसुडे़ॽ माहाजि लुसुजि, “हे़निङ मिक मे़ए़ॽखुबाजि ले़टानिङ्‌होङ आप्‍टिकनुङ्‌मा मे़लिसानिङ होला, तर हे़निङ्‌गो ‘कानिङे़ॽ नुरोॽ खाङ्‌डोहेन्‍डुङ्‌मे’ कान्‍डानिङे, तर इमाङ्‌सो खाङ्‌डोक्‍टानुम्‍निबा मोडोगे़ॽ हे़निङ आप्‍टिकनुङ्‌मानोॽ ले़न्‍डानिङे।”

रोमि 7:12

धारमिक नियमगो पबित्‍रा ले़ये, मोबा धारमिक आग्‍यासो पबित्‍रा ले़येनुङ नुबा योम्‍बोक ले़न्‍डुए।

गलाति 6:2

इक्‍कोसे़ॽ हाइको सहायोग ले़ःॽखुसे़ॽचुसानिङे, इडोॽ हे़निङे़ॽ खिरिस्‍टमि नियम पुरा ले़ःॽहेन्‍डानुमे।

१ थेस्‍लोनिकि 4:2

इन्‍ढोङ्‌होङ कानिङे़ॽ परभु येसुबाङ चुप्‍पॽआ हाम्‍बे हाम्‍बे आग्‍या हे़निङ पिटुङ्‌मे मो खा लेन्‍डानुमे।

१ तिमोथि 6:14

हे़न असे़ॽसो आप्‍टिक मे़न्‍टिहेसुजिरो लुनुङ इगो आग्‍या कानिङ्‌मि परभु येसु खिरिस्‍ट फेरि मे़लेङ्‌रो नुरोॽ पालना ले़टे।

हिब्‍रु 10:26

कानिङे़ॽ चाइबमा खा नुरोॽ लेनुङ्‌सो फोरेन फोरेन पाप ले़न्‍डुङ्‌माहोङ्‌गो मो पापबाङ आम्‍लाङ चुप्‍मामि लागि हाइको बलिनोॽ माॽआये।

याकुब 4:17

मोडोगे़ॽ असे़ॽ भलाइ ले़ःॽमा खे़ये लुमे खा लेनुङ्‌सो ले़टुनिबा, मोसे़ॽ पाप ले़न्‍डुए।

२ पत्‍रुस 3:2

याक्‍लो याक्‍लोहा अगमबक्‍ताजिडे़ॽ पिबॽआ सिक्‍छे, मोबा एप्‍पा चोङ्‌साजिडे़ॽ खेम्‍मेॽपॽआ कानिङ्‌मि परभु मुक्‍तिदाङ्‌बामि आग्‍या हे़निङे़ॽ मिॽयुक्‍सानुमे।

यहुदा 1:3

लङ्‌गामजि, कानिङ चोबे़ॽ चुप्‍पॽआ मुक्‍तिमि टुम्‍बेॽए खा हे़निङ साप्‍हाङ्‌मा बेॽलो मिॽटुङ। तर मोमि साटो निवाहाङ्‌मि भक्‍ति ले़ःॽखुबाजि सानिङ्‌मि लागि पिबॽआ बिस्‍वास जोगा ले़ःॽयुङ्‌मा खे़ये लुनुङ साप्‍हाङ्‌मा चाहिँ छना नुबा मिॽटुङ।