२ पत्‍रुस 2:20 - याम्फु

²⁰ तर माहाजिडे़ॽ कानिङ्‌मि परभुनुङ मुक्‍तिदाङ्‌बा येसु खिरिस्‍ट लेबेनुङ्‌सो मक्‍खाम्‍डेमबेॽहा चोप खालहा मङे़हा खाबाङ टेबेबॽआ याॽमिजिसो फेरि याक्‍लोहा मङे़हा खाबेॽनोॽ टेघे़ॽमिहोङ, माहाजिमि बिजोक याक्‍लोएबाङ्‌सो चुरोक्‍नोॽ मङे़ॽमा लिये।

२ पत्‍रुस 2:20 Iomraidhean Croise

फिलिप्‍पि 3:19

अक्‍खाजि ए़क्‍साङ खेःलोकपेॽ नासि लिम्‍मे, माहाजिडे़ॽ ले़ःॽमा मिॽपॽआ खानोॽ खोजिमि लागि बेॽए खा ले़ये। ङेसिमाहा खामि टुम्‍बेॽ छना बेॽए खा इम्‍मे, मोबा माहाजिमि निवा चाहिँ मक्‍खाम्‍डेमबेॽहा खाबेॽरेॽ सानिङ टिन्‍डुजे।

२ तिमोथि 2:4

तिरिङ्‌गा लिबॽआ याॽमिडे़ॽ हाइखा योम्‍बोक्‍पेॽ फोसिघे़ॽमा फे़न्‍निबा। खोसे़ॽको खोमि एप्‍पा तिरिङ्‌गा साप्‍थाङ्‌मेॽमा बोल ले़ःॽमा खे़ये।

याकुब 1:27

निवाहाङ पाबाडे़ॽ नेन्‍जाबॽआ चाइबमा धरमि लुबॽआ चाहिँ दुःखबेॽ सिॽपॽआ राङ्‌मिॽमाजिनुङ टाङ्‌बाङ मे़ॽनिङ्‌हा नानिजि खाङ्‌मा, मोबा मक्‍खाम्‍डेमबेॽहा मङे़हा खाबाङ ओः पेम्‍मानोॽ नुबा लिये।

२ पत्‍रुस 1:11

इडोक्‍नोॽ कानिङ्‌मि परभुनुङ मुक्‍तिदाङ्‌बा येसु खिरिस्‍टमि सानिङ टुडुङ्‌घे़ये राज्‍यबेॽ निवाहाङ्‌डे़ॽ हे़निङ बेॽए स्‍वागत ले़ये।

२ पत्‍रुस 1:2

निवाहाङडे़ॽ हे़निङ बेॽलो बेॽलो अनुग्‍रहानुङ सान्‍ति पिरो। इन्‍ढोङ्‌होङ हे़निङे़ॽ निवाहाङ्‌मिनुङ कानिङ्‌मि परभु येसु खिरिस्‍ट लेटानुमे।

२ पत्‍रुस 1:3

धरमि हिङ्‌मवा हिङ्‌मामि लागि पाप्‍मिहा चोप खा निवाहाङ्‌मि सक्‍तिबाङ्‌नोॽ चुप्‍मिटुङ्‌मे, इन्‍ढोङ्‌होङ टाङ्‌बामि महिमानुङ भलाइबाङ कानिङ के़ःक्‍खुबा निवाहाङ कानिङे़ॽ लेटुङ्‌मे।

२ पत्‍रुस 1:4

इगो महिमानुङ भलोबाङ हे़निङ बेॽलो मोलनुङ्‌मानुङ बेॽहा बेॽहा हेन्‍ज्‍रुङ पिटे़। हे़निङ इगो मक्‍खाम्‍डेमबेॽ टुये नासि ले़ःॽखुबा मङे़ॽमा खाबाङ जोगाबा ले़ःॽनुङ निवाहाङ्‌मि बानि बेहोराबेॽ पेनानिङे लुनुङ खोसे़ॽ हेन्‍ज्‍रुङ हे़म्‍बॽआ ले़ये।

२ पत्‍रुस 1:8

इन्‍ढोङ्‌होङ हे़निङ्‌बेॽ टुमा खे़हा खा इघा ले़हा। इडोॽ कानिङ्‌मि परभु येसु लेबॽआसे़ॽ बेॽलो योम्‍बोक ले़ःॽखुबाजिनुङ नुबा चा किङ्‌घुबा डाङ लिन्‍डानिङे।

२ पत्‍रुस 2:18

माहाजिडे़ॽ काङायोङ्‌बानुङ उम्‍बरिङ खा इन्‍डुजे, मोबा हिङाडे़ॽ ले़ःॽमा मिॽपॽआ मङे़ॽमा योम्‍बोक ले़ःॽमेॽनुङ भरखरि बिस्‍वासबेॽ लेम्‍बॽआ याॽमिजि रेम्‍इन्‍डुजे।

२ पत्‍रुस 3:18

तर कानिङ्‌मि परभुनुङ मुक्‍तिदाङ्‌बा येसु खिरिस्‍टमि अनुग्‍रहानुङ निवाबेॽ छना बेॽलो लिघडानिङे। खोमि हागोनुङ सानिङ महिमा लिरो। आमेन।