२ पत्‍रुस 2:19 - याम्फु

¹⁹ माहाजिडे़ॽ चाहिँ छुट्‌कारा ले़ःॽनिम्‍ने़ लुनुङ हेन्‍ज्‍रुङ हे़न्‍इन्‍डुजे, तर खोजि टाङ्‌बानोॽ नासि ले़ःॽखुबा बानिमि सेउते लिम्‍मे। हाम्‍बे खाडे़ॽ याॽमि हेजोन्‍डुए, मो खामिन्‍नोॽ याॽमि सेउते लिये।

२ पत्‍रुस 2:19 Iomraidhean Croise

युहन्‍ना 8:34

येसुडे़ॽ माहाजि लुसुजि, “चइबानोॽ, के़ॽ हे़निङ लुनिम्‍ने़, पाप ले़ःॽखुबा चोप याॽमि पापमि सेउते लिये।

एप्‍पा चोङ्‌सा 19:16

इडोॽ कामानुङ मो मङे़ॽमा चाबे़ॽ राःप्‍पॽआ याॽमि माहाजिसोक्‍पेॽ पेडिघे़ॽनुङ माहाजि हेजोसुजि। माहाजि उक्‍चुङ्‌रे़क लिनुङ हुवा खिमानुङ मो ठाउँबाङ चिःॽखडामि।

गलाति 5:1

खिरिस्‍टडे़ॽ कानिङ छुट्‌कारा पिबॽआ ले़ये। मोडोगे़ॽ हे़निङ फुक्‍का याॽमि लिटानिङे, इडोगे़ॽ हे़निङ बोलियो लिनुङ पेनानिङे मोबा हागोसो यहुदि धारमिक नियममि अधिनबेॽ पेम्‍मा ए़योगानिङे।

गलाति 5:13

वावानिसानुङ नानुसाजि, हे़निङ्‌गो फुक्‍का लिसिॽ के़ःॽपॽआ याॽमिजि ले़न्‍डानिङे। तर इगो फुक्‍का चाहिँ हिङाडे़ॽ ले़ःॽमा मिॽपॽआ पापि खानुङ योम्‍बोक ले़ःॽमामि लागि पिबॽआ ने़ॽनिबा। इक्‍कोसे़ॽ हाइको नम्‍नम ले़ःॽनुङ भलाइमि योम्‍बोक ले़टानुमे।

२ तिमोथि 2:26

मोबा माहाजिमि निवा लेङ्‌इयेनुङ सैतानमि यिम्‍माङ्‌बाङ लेॽखे़ॽहेम्‍मे। इन्‍ढोङ्‌होङ मो सैतानडे़ॽ मङे़हा योम्‍बोकपेॽ बेॽलो निङ्‌बाङ से़क्‌युङ्‌इटुजे।

तितस 3:3

इन्‍ढोङ्‌होङ कानिङ टाङ्‌बासो याक्‍लो उम्‍बरिङ, लुबॽआ मे़ङ्‌खेम्‍खुबा, मोबा फाङ्‌सिघे़ॽपॽआ ले़टिङ्‌मा। कानिङ मङे़ॽमा खामि अधिनबेॽ टुसिङ्‌मा मोबा बेभिचारनुङ बेॽलो खालहा मङे़हा सुख बिलास ले़ःॽमा मिनिङ्‌मे़। कानिङ चेजेवा ले़ःॽमानुङ पेनिङ्‌मे़। याॽमिजिडे़ॽ सिॽचासामेनुङ कानिङ टाङ्‌बा सिॽचाघुसे़ॽ चुसिङ्‌मे़।

१ पत्‍रुस 2:16

पापबाङ फुक्‍क लिबॽआ याॽमिडोॽ पेनानिङे, तर फुक्‍क लिबेटिङ्‌मा लुनुङ मङे़हा योम्‍बोक ए़ले़टानुमे बोरु निवाहाङ्‌मि सेवाक लिनुङ पेनानिङे।

२ पत्‍रुस 1:4

इगो महिमानुङ भलोबाङ हे़निङ बेॽलो मोलनुङ्‌मानुङ बेॽहा बेॽहा हेन्‍ज्‍रुङ पिटे़। हे़निङ इगो मक्‍खाम्‍डेमबेॽ टुये नासि ले़ःॽखुबा मङे़ॽमा खाबाङ जोगाबा ले़ःॽनुङ निवाहाङ्‌मि बानि बेहोराबेॽ पेनानिङे लुनुङ खोसे़ॽ हेन्‍ज्‍रुङ हे़म्‍बॽआ ले़ये।

२ पत्‍रुस 2:20

तर माहाजिडे़ॽ कानिङ्‌मि परभुनुङ मुक्‍तिदाङ्‌बा येसु खिरिस्‍ट लेबेनुङ्‌सो मक्‍खाम्‍डेमबेॽहा चोप खालहा मङे़हा खाबाङ टेबेबॽआ याॽमिजिसो फेरि याक्‍लोहा मङे़हा खाबेॽनोॽ टेघे़ॽमिहोङ, माहाजिमि बिजोक याक्‍लोएबाङ्‌सो चुरोक्‍नोॽ मङे़ॽमा लिये।