२ पत्‍रुस 2:14 - याम्फु

¹⁴ माहाजिमि मिक सानिङ्‌नोॽ छाडा मेॽनामिॽचिबेॽ टिन्‍डुजेनुङ माहाजि पापि योम्‍बोक ले़ःॽनुङ याःक्‍चाघे़ॽमिने। माहाजिडे़ॽ कमजोर बिस्‍वासनुङ्‌हा याॽमिजि फाङ्‌सेन्‍डुजे। माहाजि लोभ ले़ःॽमा बानि लिबेटामे। माहाजिसोक्‍पेॽनोॽ निवाहाङ्‌मि चापहिमा सिॽइये।

२ पत्‍रुस 2:14 Iomraidhean Croise

मत्‍ति 12:34

होउ पुसे़ॽमि पसाजि, हे़निङ मङे़हा निवा खिघुबाजि, हे़निङे़ॽ इन्‍डोक्‍टे नुबा खा इःहेन्‍डानुमे ? इन्‍ढोङ्‌होङ निवाबेॽ इमाङ खा टुहा माहानोॽ याबुकबाङ लेङ्‌इहा।

मत्‍ति 23:14

[“हे़निङ इनामा, धारमिक नियम इःॽखुबानुङ फरिसिजि! इन्‍ढोङ्‌होङ, कप्‍टिजि। हे़निङ राङ्‌मिॽमाजिमि खिम बेबहार ङाप्‍इन्‍डानुमे, हागोसो किएम्‍मा पारथना ले़ःॽमा मिङ्‌इन्‍डानिङे। मोडोगे़ॽ हे़निङे़ॽ हाइखाजिबाङ बेॽलो दन्‍डा चुप्‍मिन्‍डानुमे।]

मत्‍ति 25:41

“मोबा ए़क्‍साङ खोसे़ॽ ए़ङ्‌सिङ्‌लामबेॽहा याॽमिजि लुन्‍डुजे, ‘होउ चापहिबॽआ याॽमिजि! काबाङ ओः खे़ॽपेसानिङे, सैताननुङ मोमि दुतजिमि लागि पोरोक्‌युङ्‌बॽआ इन्‍डोक्‍पेॽसो सिघे़ॽनिये मिबेॽ खडानिङे।

मत्‍ति 5:28

तर के़ॽ लुनिम्‍ने़, इक्‍को याॽमिडे़ॽ इक्‍को मेॽनामिॽ मङे़ॽमा निवाडे़ॽ खाक्‍सुहोङ मोसे़ॽ बेभिचार ले़ःॽपेबॽआडोॽ लिये।

मरकुस 13:22

इन्‍ढोङ्‌होङ रेम्‍सिङ खिरिस्‍टजिनुङ रेम्‍सिङ अगमबक्‍ताजि लेङ्‌इम्‍मे। माहाजिडे़ॽ बेॽहा बेॽहा चिङ्‌गानुङ खरिहा योम्‍बोक ले़ःॽनुङ निवाहाङ्‌डे़ॽ से़म्‍बॽआ याॽमिजिसो रेम्‍इन्‍डुजे।

युहन्‍ना 5:44

हे़निङ इक्‍कोसे़ॽ हाइकोबाङ आदर योॽइन्‍डानुमे तर निवाहाङ्‌बाङ चुप्‍मिये आसिस नेन्‍जासानुम्‍निहोङ हे़निङे़ॽ इन्‍डोक्‍टे बिस्‍वास ले़ःॽहेन्‍डानुमे ?

रोमि 16:18

इन्‍ढोङ्‌होङ इडोक्‍हा याॽमिजिडे़ॽ खिरिस्‍ट परभुमि लागि ने़ॽनि, तर खोजिमि रुङ्‌मामि लागिरेॽनोॽ योम्‍बोक ले़न्‍डुजे। मोबा खोजिमि चनुहा चनुहा खाडे़ॽ सिधा सोझो याॽमिजि रेम्‍इन्‍डुजे।

१ कोरिन्‍थि 11:19

निवाहाङ्‌डे़ॽ नेन्‍जाबॽआ याॽमि लिमामि लागि हे़निङ्‌मि रुम्‍बेॽ खोरो खोरोगो लिमानोॽ खे़ये।

एफिसि 2:3

माहाजिडे़ॽ ले़टिडोक्‍नोॽ याक्‍लो कानिङे़ॽसो टाङ्‌बामि हिङानुङ निवाडे़ॽ मिॽपॽआ मङे़ॽमा योम्‍बोक ले़ःॽसाङ हिक्‍सिङ्‌मा। कानिङ्‌मि चोप आनिबानि हाइखा याॽमिजिमिडोक्‍नोॽ ले़ःॽपॽआसे़ॽ निवाहाङ्‌मि सुरिकपेॽ सिॽमारोमा ले़टिङ्‌मा।

एफिसि 4:14

इडोॽ कानिङ पिच्‍छाजिडोॽ लिसिङ्‌मानि। मे़ॽनोक्‍हा सिक्‍छे इःॽखुबाजिमि सिक्‍छेमि हिॽवाबाडे़ॽ येप्‍खे़ॽहेनिबा। माहाजिमि रेम्‍सिङ सिक्‍छेडे़ॽ माङे़ॽमा रामलाम खे़ॽखुबा याॽमिडोॽ लिसिङ्‌मानि।

कलस्‍सि 2:18

कानिङे़ॽ सेन्‍जिसेम्‍माङ चुप्‍मिटुङ्‌मे लुसाङ, मे़नोक्‍सो ए़डेम्‍मा रे़ङ्‌डिडोॽ ले़ःॽनुङ थाङ्‌सिरिदुतमि पुजा ले़ःॽसाङ खोजि टाङ्‌बा बेॽए रे़ङ्‌इम्‍मे। इडोक्‍हाजिमि रेम्‍सिङ खाडे़ॽ रेम्‍नुङ हे़निङे़ॽ चुप्‍मे इनाम मे़चोघुबाजि ए़लिसानिङे। इडोक्‍हा याॽमिजि इमाङ मे़ॽनिङ्‌सो माङ्‌माङ बेॽए कामानिम्‍मे। तर खोजि बेॽए लिमे खा इमाङ काप्‍टुजिने।

याकुब 1:8

इडोक्‍मा याॽमि निच्‍चि निवानुङ्‌मानुङ इमाङ खाबेॽसो बिस्‍वास मे़ॽनिङ्‌मा ले़ये।

२ पत्‍रुस 2:18

माहाजिडे़ॽ काङायोङ्‌बानुङ उम्‍बरिङ खा इन्‍डुजे, मोबा हिङाडे़ॽ ले़ःॽमा मिॽपॽआ मङे़ॽमा योम्‍बोक ले़ःॽमेॽनुङ भरखरि बिस्‍वासबेॽ लेम्‍बॽआ याॽमिजि रेम्‍इन्‍डुजे।

२ पत्‍रुस 2:3

इडोक्‍हा मे़ॽनोक्‍हा सिक्‍छे इःॽखुबाजि लोभि ले़म्‍मे, माहाजिडे़ॽ माङ्‌माङ्‌हा पारलेन इःनुङ हे़निङ रेम्‍इम्‍मे। याक्‍लोनोॽ माहाजिमि न्‍याय लिबेटे़नुङ, माहाजि चइबानोॽ नासि लिम्‍मे।

२ पत्‍रुस 3:16

पावलडे़ॽ खोमि चोप पत्‍राबेॽ इडोक्‍हानोॽ खामि टुम्‍बेॽ साप्‍मिटुहा। माहा खाबेॽ इन्‍डोक खागो लेमा छॽइहा। इमाङ मे़लेघुबा मोबा इमाङ खामिसो टुङ्‌गो मे़ॽनिङ्‌हा याॽमिजिडे़ॽ इघा खाडे़ॽ लुमायोक्‍पॽआ खा टेडिघरिक इःन्‍डुजे। खोजिडे़ॽ धारमिक नेॽचिराडे़ॽ लुमायोक्‍पॽआ खासो मोडोक्‍नोॽ लुन्‍डुन्‍जे। मोडोॽ ले़ःॽमाबेॽ खोजि टाङ्‌बानोॽ नासि लिये रामबेॽ रुॽइम्‍मे।

१ युहन्‍ना 2:16

इन्‍ढोङ्‌होङ मक्‍खाम्‍डेमबेॽ टुहा चोप थोक अथबा हिङाडे़ॽ ले़ःॽमा मिॽपॽआ मङे़हा योम्‍बोक, मिगे़ॽ खाङ्‌मा मिॽपॽआ मङे़हा खा, कानिङ्‌नुङ टुहा याङ्‌सरावामि काङायोङ्‌बा लिमे खा, इघा चोप निवाहाङ पाबाबाङ लेम्‍बॽआ ने़ॽनि, मक्‍खाम्‍डेमबाङ लेम्‍बॽआ ले़हा।

यहुदा 1:11

माहाजिमि लागि इगो खा बेॽलोनोॽ किस्‍सिमारोमा ले़ये। इन्‍ढोङ्‌होङ माहाजि टाङ्‌बामिनोॽ निसा सेॽनेघुबा कयिनमि चालबेॽ राम्‍इम्‍मे, याङ्‌सरावामि लोभबेॽ सिॽनुङ बालामडे़ॽ ले़टिडोॽ ने़ॽनिहा खाबेॽ फाङ्‌सिघे़म्‍मे, मोबा कोरहडे़ॽ ले़टिडोॽ बिरोध ले़ःॽपॽआसे़ॽ खोजि नास लिम्‍मे।

परकास 12:9

मो उहिलेमा बेॽएम्‍मा पुसे़ॽनुङ मोमि दुतजि थाङ्‌सिरिबाङ मक्‍खाम्‍डेमबेॽ राप्‍खडामि। मो बेॽएम्‍मा पुसे़ॽ लुबॽआ चाहिँ मक्‍खाम्‍डेमबेॽहा चोप याॽमिजि चाइबमा निवाहाङ्‌बाङ फाङ्‌सेॽखुबा मङे़ॽमा चाप अथबा सैतान ले़ये।