२ पत्‍रुस 1:8 - याम्फु

⁸ इन्‍ढोङ्‌होङ हे़निङ्‌बेॽ टुमा खे़हा खा इघा ले़हा। इडोॽ कानिङ्‌मि परभु येसु लेबॽआसे़ॽ बेॽलो योम्‍बोक ले़ःॽखुबाजिनुङ नुबा चा किङ्‌घुबा डाङ लिन्‍डानिङे।

२ पत्‍रुस 1:8 Iomraidhean Croise

मत्‍ति 13:22

चिजिङ खाबेॽ सिॽपॽआ चरि चाहिँ याॽमिजिडे़ॽ निवाहाङ्‌मि बचनगो खेम्‍इडुजे, तर इगो मक्‍खाम्‍डेमबेॽहा बेॽलो खालहा सुरतानुङ याङ्‌सरावामि नम्‍नमडे़ॽ बचन टोप्‍सिघे़ये मोबा मो चरिबाङ इक्‍को चासो किङ्‌निहा।

मत्‍ति 20:3

खो नोक्‍चिबोङ राजि हाटाबेॽ खडा, खोसे़ॽ हाइखा याॽमिजि योम्‍बोक मे़ॽनिङ येःप्‍टिङ्‌बॽआ चुप्‍टुजि।

मत्‍ति 20:6

मोबा फेरिसो खो मोडोक्‍नोॽ ङाउम बोङ्‌राजिसो हाटाबेॽ खे़ॽनुङ हाइखा याॽमिजि योम्‍बोक मे़ॽनिङ येःप्‍टिङ्‌बॽआ चुप्‍टुजि माहाजिसो सिप्‍सुजि, ‘हे़निङ इन्‍ढोङ योम्‍बोक मे़ॽनिङ इगोबेॽ लेल्‍ले येःप्‍इन्‍डानिङे ?’

मत्‍ति 25:26

मोमि मायोङ्‌बाडे़ॽ मो लुसु, ‘होउ दुस्‍ट, पाङ्‌सुखुबा सेउते, का मे़रिॽपॽआ ठाउँबाङ हे़क्‍खुबानुङ मे़न्‍टुप्‍पॽआ ठाउँबाङ सुम्‍घुबा लुनुङ हे़ने़ॽ लेसिङाहोङ,

युहन्‍ना 15:2

काबेॽ टुघुबा चोप चा मे़ङ्‌किङ्‌घुबा हक्‍काम्‍बा खोसे़ॽ चेन्‍नुङ राप्‍पेन्‍डुए, तर चा किङ्‌घुबा हक्‍काम्‍बाबेॽ हागोसो बेॽलो चा किङ्‌रो लुनुङ सेबोक्‍इन्‍डुए।

युहन्‍ना 17:3

ए़ॽसिमे हिङ्‌मवा लुबॽआ चाहिँ हे़न इक्‍कोरेॽ चाइबमा निवाहाङ लुनुङ लेमा, मोबा हे़ने़ॽ पाङ्‌बॽआ येसु खिरिस्‍ट लेमानोॽ ले़ये।

युहन्‍ना 5:42

तर के़ॽ हे़निङ्‌मि निवा लेनुङे़, हे़निङे़ॽ निवाहाङ नम्‍नम ले़टानुम्‍नि।

रोमि 12:11

मे़म्‍पाङ्‌सुरेॽ सानिङ योम्‍बोक ले़टानुमे। पबित्‍रा होङ्‌निवाबेॽ पाङ्‌नुमानुङ परभुमि योम्‍बोक ले़टानुमे।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

२ कोरिन्‍थि 13:5

हे़निङ्‌मि बिस्‍वास चाइबमा ले़येन्‍डे ले़ःॽनिबा लुनुङ याक्‍लो हे़निङ टाङ्‌बे़ॽ टाङ्‌बा जाँच ले़ःॽखाक्‍सानुमे। चइबानोॽ हे़निङ्‌मि रुम्‍बेॽ खिरिस्‍ट टुये लुमे खा लेसानुमे, हे़निङ्‌मि रुम्‍बेॽ खिरिस्‍ट मे़न्‍चुप्‍टानुमहोङ हे़निङ्‌मि बिस्‍वास बोलियो ले़ःॽनिबा।

२ कोरिन्‍थि 8:2

माहाजिडे़ॽ बेॽलो खेः आङ्‌मा सिॽमाबेॽसो हाङ्‌हाङ्‌नुङ पेनामि मोबा इमाङ मे़ॽनिङ ले़टामिरोसो टाङ्‌बानुङ टुडिडोक्‍नोॽ साप्‍थाङ्‌मानुङ हाइखाजि पिसुजि।

२ कोरिन्‍थि 8:7

हागो हे़निङ बिस्‍वासबेॽ, बचनबेॽ, निवादाङ्‌बा खाबेॽ, हाइखाजिमि सहायता ले़ःॽमे खाबेॽ हे़निङ चोप नुबा ले़न्‍डानिङ। मोडोक्‍नोॽ कानिङ्‌बाङ हे़निङे़ॽ नम्‍नम ले़ःॽमे खासो चिङ्‌इटानुमे मो बेॽलोनोॽ नुबा ले़ये, मोबा पिमे खाबेॽसो हे़निङ्‌मि निवाबाङ्‌नोॽ नम्‍नम ले़ःॽमानुङ सानिङ पिसानुमे।

२ कोरिन्‍थि 9:14

हे़निङ्‌बेॽ निवाहाङ्‌डे़ॽ इडोॽ बेॽलो अनुग्‍रहा ले़ःॽपॽआ खाङ्‌नुङ माहाजिडे़ॽ बेॽलो नम्‍नम ले़ःॽनुङ हे़निङ्‌मि लागि पारथना ले़न्‍डुजे।

फिलिप्‍पि 1:9

हे़निङ्‌मि रुम्‍बेॽ बुद्‌धि, निवानुङ मोबाङ्‌सो बेॽलो इक्‍कोसे़ॽ हाइको नम्‍नम ले़ःॽखुसे़ॽचुसानिङे लुनुङ के़ॽ पारथना ले़नुङे।

फिलिप्‍पि 2:5

हे़निङ्‌बेॽ येसु खिरिस्‍टमिडोॽमा नुबा निवा टुरो।

फिलिप्‍पि 3:8

चइबानोॽ लुमाबेॽ खिरिस्‍ट येसु काङ्‌मि परभु लेडोक्‍मा चोप्‍पाङ बेॽए खा ले़ये, इगो खामि पोम्‍बेॽ हाइखा चोप थोक के़ॽ योम्‍बोक मे़ॽनिङ्‌हा मिॽइनुङे। खिरिस्‍टमि लागिनोॽ के़ॽ चोप थोक लेॽपेटुङ्‌हा मोबा खो नुरोॽ लेहेमा लुनुङ्‌नोॽ हाइखा चोप थोक से़क्‍चिबाडोक्‍नोॽ मिॽइनुङ्‌हा।

कलस्‍सि 1:10

मोडोॽ ले़ःॽमाहोङ निवाहाङ्‌डे़ॽ नेन्‍जामारोमा योम्‍बोक ले़ःॽनुङ खो साप्‍थाङ्‌मेन्‍डुङ्‌मे। चोप नुबा योम्‍बोकपेॽ हे़निङ आसिसित लिन्‍डानिङे, मोबा हे़निङ निवाहाङ्‌मि निवाबेॽ वाबोक्‍इन्‍डानिङे।

कलस्‍सि 2:7

सिङ्‌बु डाङ्‌डे़ॽ आक्‍खामाबेॽ साम ए़न्‍डिडोॽ खोबेॽ हे़निङ्‌मि बिस्‍वासमिसो साम ए़म्‍बॽआ लिनुङ हे़निङ नुरोॽ हिक्‍सानिङे। मोबा हे़निङ इःॽपॽआ सिक्‍छेडे़ॽ लुडिडोॽ बिस्‍वासबेॽ बोलियो लिनुङ सानिङ ओहाक पिघुबाजि लिसानिङे।

कलस्‍सि 3:16

खिरिस्‍टमि बचन हे़निङ्‌मि निवा इॽठुप युक्‍सानुमे। टाङ्‌बामि चोप निवाडे़ॽ याॽमिजि इःडानुमेनुङ सल्‍लाह पिसानुमे। टाङ्‌बामि निवाबाङ सेमडे़ॽ ओहाङ पिसाङ खोमि महिमा ले़टानुमे।

१ थेस्‍लोनिकि 3:12

कानिङे़ॽ हे़निङ नम्‍नम ले़ःॽपॽआडोक्‍नोॽ परभुडे़ॽसो हे़निङ्‌टाङ्‌बा नम्‍नम ले़ःॽखुसे़ॽचुघुबा लिसानिङे, मोबा खोसे़ॽ याॽमिजि नम्‍नम ले़ःॽखुबा टोक्‍सुरो।

१ थेस्‍लोनिकि 4:1

हागो वावानिसानुङ नानुसाजि, हे़निङे़ॽ निवाहाङ्‌डे़ॽ नेन्‍जामारोमा हिङ्‌मवा इन्‍डोक्‍टे हिङ्‌मे लुमे खा कानिङ्‌बाङ चिङ्‌इटानुमे। चइबानोॽ कानिङ्‌बाङ चिम्‍बॽआ चाल चलन हे़निङे़ॽ ले़ःॽमे़ॽनिङ्‌सिन्‍डानुमे, मोबा अक्‍खा चाल चलन छना नुरोॽ ले़ःॽखे़ॽटानुमे लुनुङ बिन्‍ति ले़न्‍निम्‍ने़।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

१ तिमोथि 5:13

मोबासो राङ्‌मिॽ राङ्‌मिॽमाजि पाङ्‌सुबुॽइम्‍मेनुङ हाइखाजिमि खिम खिम वाइसाङ खा खिडिखुबाजि लिम्‍मे। मोडोक्‍रेॽ ने़ॽनि याॽमिजि इःजाखुबा, हाइखाजिमि योम्‍बोक हाप्‍सेॽखुबानुङ इःमानोॽ फे़न्‍निहा खा इःघुबाजि लिम्‍मे।

तितस 3:14

कानिङ्‌मि याॽमिजिडे़ॽ योम्‍बोक मे़ॽनिङ्‌मा खाबेॽ हिङ्‌मवा ए़ॽटिसुजिरो तर नुबा योम्‍बोक्‍पेॽ हिङ्‌मवा टिसुजिरो इडोॽ ले़ःॽमाहोङ खोजिडे़ॽ हाइखाजिसो पिहेन्‍डुजे।

फिलेमोन 1:6

हे़ने़ए़ बिस्‍वासमि सङ्‌गतिडे़ॽ खिरिस्‍टबेॽ टुबॽआ कानिङ्‌हा चोप नुबा खा नुरोॽ लेहेमे निवा बेॽलो लिरो लुनुङ के़ॽ आम्‍मि लागि सानिङ पारथना ले़नुङे।

हिब्‍रु 6:12

हे़निङ पाङ्‌सुघुबाजि ए़लिसानिङे, तर निवाहाङ्‌डे़ॽ हेन्‍ज्‍रुङ हेम्‍बॽआ खाबेॽ बिस्‍वासनुङ हुङ्‌डुङ्‌घे़ॽखुबाजिडोॽ हे़निङ्‌सो लिसानिङे लुनुङ कानिङे़ॽ मिॽइन्‍डुङ्‌मे़।

२ पत्‍रुस 1:2

निवाहाङडे़ॽ हे़निङ बेॽलो बेॽलो अनुग्‍रहानुङ सान्‍ति पिरो। इन्‍ढोङ्‌होङ हे़निङे़ॽ निवाहाङ्‌मिनुङ कानिङ्‌मि परभु येसु खिरिस्‍ट लेटानुमे।

२ पत्‍रुस 1:3

धरमि हिङ्‌मवा हिङ्‌मामि लागि पाप्‍मिहा चोप खा निवाहाङ्‌मि सक्‍तिबाङ्‌नोॽ चुप्‍मिटुङ्‌मे, इन्‍ढोङ्‌होङ टाङ्‌बामि महिमानुङ भलाइबाङ कानिङ के़ःक्‍खुबा निवाहाङ कानिङे़ॽ लेटुङ्‌मे।

२ पत्‍रुस 2:20

तर माहाजिडे़ॽ कानिङ्‌मि परभुनुङ मुक्‍तिदाङ्‌बा येसु खिरिस्‍ट लेबेनुङ्‌सो मक्‍खाम्‍डेमबेॽहा चोप खालहा मङे़हा खाबाङ टेबेबॽआ याॽमिजिसो फेरि याक्‍लोहा मङे़हा खाबेॽनोॽ टेघे़ॽमिहोङ, माहाजिमि बिजोक याक्‍लोएबाङ्‌सो चुरोक्‍नोॽ मङे़ॽमा लिये।

२ पत्‍रुस 3:18

तर कानिङ्‌मि परभुनुङ मुक्‍तिदाङ्‌बा येसु खिरिस्‍टमि अनुग्‍रहानुङ निवाबेॽ छना बेॽलो लिघडानिङे। खोमि हागोनुङ सानिङ महिमा लिरो। आमेन।