२ पत्‍रुस 1:19 - याम्फु

¹⁹ मोडोगे़ॽ अगमबक्‍ताजिडे़ॽ लुबॽआ बचनबेॽ कानिङ छना पक्‍का लिनुङ भरोसा ले़न्‍डुङ्‌मे़। हे़निङे़ॽ इगो खाबेॽ निवा टिमा नुबा लिये इन्‍ढोङ्‌होङ इगोसे़ॽ मो याक मे़लेङ्‌रो, मोबा हे़निङ्‌मि निवाबेॽ माक्‍मिए साङ्‌गे मे़उरो सेन्‍जुगुप्‍पेॽ हाङ्‌इये कुप्‍पिडोॽ लिये।

२ पत्‍रुस 1:19 Iomraidhean Croise

मत्‍ति 4:16

सेन्‍जिगुपपेॽ पेङ्‌घुबा याॽमिजिडे़ॽ इक्‍को बेॽए उज्‍यालो खाङ्‌डोक्‍इटुजे। सिमवानुङ सेन्‍जुगुप्‍पेॽ पेङ्‌खुबाजिबेॽ इक्‍को बेॽए उज्‍यालो लेङ्‌इटे़।”

युहन्‍ना 5:35

युहन्‍नागो कुप्‍पिडोॽ उघुबानुङ जोति पिघुबा ले़टा तर हे़निङे़ॽ खोमि उज्‍यालोबेॽ इॽछोॽरेॽ साप्‍थाक्‍सानिङ।

युहन्‍ना 5:39

हे़निङे़ॽ धारमिक नेॽचिरा योॽइन्‍डानुमे इन्‍ढोङ्‌होङ मोसे़ॽनोॽ हे़निङ ए़ॽसिमे हिङ्‌मवा पिये लुनुङ मिॽइन्‍डानुमे। मो धारमिक नेॽचिराडे़ॽ काङ्‌मि टुम्‍बेॽ लुये।

युहन्‍ना 8:12

मोबा येसुडे़ॽ फेरि माहाजि इःॽसाङ लुसुजि, “का मक्‍खाम्‍डेममि जोति ले़ङे, कानुङ राम्‍खुबा सेन्‍जुगुप्‍पेॽ सिॽनिबा, तर मोसे़ॽ हिङ्‌मवामि जोति चुप्‍मिन्‍डुए।”

एप्‍पा चोङ्‌सा 15:29

माहा खा चाहिँ इघानोॽ ले़हा- मुरतिबेॽ चेॽटिबॽआ ए़ॽचामे, इमाङ्‌मिसो हरि ए़ॽचामे, बेॽला यिङ्‌नुङ सेॽनेबॽआ जिवातमि सा ए़ॽचामे मोबा ब्‍यभिचारबाङ ओः पेम्‍मे। इघा खा पालना ले़टानुम्‍होङ हे़निङ नुबा लिये। कानिङे़ॽ लुमे खा इघानोॽ यो।”

एप्‍पा चोङ्‌सा 17:11

मो बेरिया लुमे ठाउँबेॽहा याॽमिजि थेस्‍लोनिकि ठाउँबेॽहा याॽमिजिबाङ बेॽलो नुबा ले़टामि। माहाजिडे़ॽ निवाहाङ्‌मि बचन सारोनोॽ नुबा मिॽनुङ नुरोॽ खेप्‍सुजि। पावलडे़ॽ लुबॽआ खा धारमिक नेॽचिराबेॽहा खानुङ टोङ्‌इहाडे टोङ्‌निहा लुनुङ सानिङ्‌नोॽ नेॽनुङ खोजिडे़ॽ जाँच ले़टुजे।

हिब्‍रु 2:2

उहिले थाङ्‌सिरिदुतजिडे़ॽ कानिङ्‌मि टुबालाबाजि खेम्‍मेॽपॽआ निवाहाङ्‌मि बचन चाइबमा ले़टा, मोबा माहा खा मे़ङ्‌खेम्‍खुबा, मो खाडे़ॽ लुबॽआ मे़ङ्‌खसिखुबाजिडे़ॽ दन्‍डा चुप्‍टुजि।

याकुब 2:8

“टाङ्‌बामि पेन्‍लागामजि टाङ्‌बा नम्‍नम ले़टिडोक्‍नोॽ नम्‍नम ले़टानुमे” लुनुङ पबित्‍रा धारमिक नेॽचिराबेॽ साप्‍पॽआ निवाहाङ्‌मि राज्‍यमि नियमडे़ॽ लुडिडोॽ ले़टानुमहोङ्‌गो नुबानोॽ लिये।

१ पत्‍रुस 1:10

इगो मुक्‍तिमि टुम्‍बेॽ अगमबानि इःघुबा अगमबक्‍ताजिडे़ॽ इगो मुक्‍ति योगुजिनुङ नुरोॽ छानबिन ले़टुजि। मोबा निवाहाङ्‌डे़ॽ हे़निङ पिमे अनुग्‍रहामि टुम्‍बेॽ याक्‍लोनोॽ लुबॽआ ले़टे़।

१ युहन्‍ना 5:10

मोडोगे़ॽ निवाहाङ्‌मि पसाबेॽ बिस्‍वास ले़ःॽखुबामि निवाबेॽ इगो खामि साक्‍छि टुये, निवाहाङ्‌बेॽ बिस्‍वास मे़ले़ःॽखुबाडे़ॽ खोमि साक्‍छिनोॽ मे़ॽनोक्‍मा मिॽइन्‍डुए, इन्‍ढोङ्‌होङ निवाहाङ्‌डे़ॽ खोमि पसा येसुमि टुम्‍बेॽ पिबॽआ साक्‍छिबेॽ बिस्‍वासनोॽ मे़ले़टिॽटुए।

३ युहन्‍ना 1:6

खोजिडे़ॽ मन्‍डलिमि पोम्‍बेॽ येःप्‍नुङ हे़ने़ॽ याॽमिजि ले़ःॽपॽआ नम्‍नममि साक्‍छि पिटुजे। निवाहाङ्‌डे़ॽ नेन्‍जामारोहा लिनुङ खोजि हाइको ठाउँबेॽ खे़ॽमामि लागि नुरोॽ बन्‍दोबस्‍तो ले़ःॽपेॽटाजे।

परकास 2:28

के़ॽ हे़निङ माक्‍मिए साङ्‌गेसो पिनिम्‍ने़।

परकास 22:16

“का येसुडे़ॽ टाङ्‌बामि दुत हे़निङ्‌मि मन्‍डलिबेॽहा चोपजि इगो साक्‍छि पिमामि लागि पाङ्‌इटिङे। दाउदमि बङ्‌समि पसा, मोबा माक्‍मिए उज्‍यालोमा साङ्‌गे कानोॽ ले़ङे।”