२ पत्‍रुस 1:17 - याम्फु

¹⁷ निवाहाङ पाबाडे़ॽ येसुमि आदरनुङ सम्‍मान ले़ःॽमाबेॽ मोबा “इगो के़ॽ नम्‍नम ले़ःॽपॽआ पसा ले़ये, इगोनुङ का सारो साप्‍थाङ्‌इटिङे” लुनुङ इक्‍को परम महिमाबाङ इडोॽ लुमाबेॽ कानिङ मोबेॽनोॽ टुसिङ्‌मा।

२ पत्‍रुस 1:17 Iomraidhean Croise

मत्‍ति 12:18

“के़ॽ से़म्‍बॽआ, के़ॽ नम्‍नम ले़ःॽपॽआ सेवाक इगोनोॽ ले़ये। इगोनुङ का साप्‍थाङ्‌इटिङे, इगोबेॽ काङ्‌मि होङ्‌निवा युङ्‌इनुङे मोबा खोसे़ॽनोॽ चोप जातिहा याॽमिजि न्‍यायमि टुम्‍बेॽ परचार ले़न्‍डुजे।

मत्‍ति 17:3

खोमि चेॽ उथ्‍रिॽमा लिसा। मोडोक्‍पेॽनोॽ मोसानुङ एलिया अगमबक्‍ता येसुनुङ यामुमे़ॽनिङ्‌सिबॽआ खाङ्‌मुसामि।

मत्‍ति 17:5

पत्‍रुस इडोॽ कामे़ॽनिङ्‌सिमाबेॽ उथ्‍रिॽमा खिम्‍मिॽवाडे़ॽ खोजि टे़गुजि, मोबाङ इक्‍को इडोॽ काबॽआ खेम्‍मुसा, “इगो के़ॽ नम्‍नम ले़ःॽपॽआ पसा ले़ये, इगोनुङ का सारोनोॽ साप्‍थाङ्‌इटिङे, इगोमि खा नुरोॽ खेप्‍सानुमे।”

मत्‍ति 28:19

मोडोगे़ॽ खडानिङे चोप जातिहा याॽमिजि चोङ्‌सा टोक्‍सानुमे। माहाजि पाबा निवाहाङ, पसा येसुनुङ पबित्‍रा होङ्‌निवामि निङ्‌बेॽ बप्‍तिस्‍मा पिसानुमे।

मत्‍ति 3:17

मोबा थाङ्‌सिरिॽटुरा इडोॽ लुबॽआ सेम्‍ला खेम्‍मुसा, “इगो काङ्‌मि नम्‍नम ले़ःॽपॽआ पसा ले़ये, इगोनुङ का बेॽलो साप्‍थाङ्‌इटिङे।”

मरकुस 1:11

मोबा थाङ्‌सिरिबाङ इडोॽ लुबॽआ सेम्‍ला खेम्‍मुसा, “इगो के़ए़ नम्‍नम ले़ःॽपॽआ पसा ले़ये, हे़न्‍नुङ का बेॽलो साप्‍थाङ्‌इटिङे।”

मरकुस 9:7

मोबेॽ खिम्‍मिॽवा लेन्‍नुङ खोजि टे़गुजि। मोबा मो खिम्‍मिॽवा होङ्‌सिॽयुरा इडोॽ कासा, “इगो के़ए़ नम्‍नम ले़ःॽपॽआ पसा ले़ये, खोसे़ॽ लुबॽआ खेप्‍सानुमे!”

लुका 10:22

“पाबे़ॽ का चोप सक्‍तिनुङ अधिकार पिबेटिङे। पसा असा ले़ये लुनुङ का पाबे़ॽरेॽनोॽ लेये, इडोक्‍नोॽ पाबा असा ले़ये लुनुङ पसानुङ खोसे़ॽ लेमेॽपॽआ याॽमिजिबाङ हाइखाजिडे़ॽ लेसुजिने।”

लुका 3:22

मोबा पबित्‍रा होङ्‌निवा उख्‍रिॽवाडोॽ खो सोक्‍पेॽ लेस्‍सा, मोबा थाङ्‌सिरिबाङ इडोॽ काबॽआ खेम्‍मुसा, “हे़न के़ए़ नेन्‍जाबॽआ पसा ले़ये, हे़न्‍नुङ का बेॽलो साप्‍थाङ्‌इटिङे।”

युहन्‍ना 10:15

“काङ्‌मि पाबाडे़ॽ का लुडिडोॽ के़ॽ काङ्‌मि पाबा लेनुङे़, मोबा काङ्‌मि सामुजिमि लागि के़ए़ हिङ्‌मवा पिमा सिॽहोङ्‌सो के़ॽ पिनुङे़।

युहन्‍ना 10:36

तर का चाहिँ पाबाडे़ॽ पबित्‍रा टोङ्‌नुङ खोमि योम्‍बोक पुरा ले़ःॽसिॽ इगो मक्‍खाम्‍डेमबेॽ पाङ्‌इटिङे। मोबा ‘का निवाहाङ्‌मि पसा ले़ङे’ लुमाबेॽ इन्‍डोक्‍टे निवाहाङ सिःक्‍चाबॽआ लुन्‍डानिङे ?

युहन्‍ना 14:11

का पाबाबेॽ टुङे, मोबा पाबा काबेॽ टुये लुमे खाबेॽ बिस्‍वास ले़टानुमे। मोडोॽ ने़न्‍निहोङ के़ॽ ले़ःॽपॽआ योम्‍बोक खाङ्‌नुङ काबेॽ बिस्‍वास ले़टानुमे।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 17:21

माहाजि चोप इक्‍को निवा लिमिरो लुनुङ बिन्‍ति ले़न्‍ने़। हे पाबा, का हे़नबेॽनुङ, हे़न काबेॽ टुनुङ कानिङ इक्‍को लिडिडोॽ, खोजिसो कानिङ्‌बेॽ टुनुङ इक्‍कोनोॽ लिमिरो। मोबा हे़ने़ॽनोॽ का इगो मक्‍खाम्‍डेमबेॽ पाङ्‌इटिङे लुनुङ मक्‍खाम्‍डेमबेॽहा याॽमिजिडे़ॽसो बिस्‍वास ले़टुजिरो।

युहन्‍ना 20:17

येसुडे़ॽ मरियम लुसु, “का ए़ॽसुःप्‍मायो, का हागोरोसो पाबामि खिमबेॽ मे़ङ्‌खे़ॽटिॽङा। तर के़हा निसाजिबेॽ खे़ॽनुङ इगो खा लुबेॽटाजे, ‘के़ए़ पाबानुङ हे़निङ्‌मि पाबा, के़ए़ निवाहाङ्‌नुङ हे़निङ्‌मि निवाहाङ्‌बेॽ का खे़ॽमे़ॽनिङ्‌सिङे’।”

युहन्‍ना 3:35

पाबाडे़ॽ खोमपसा नम्‍नम ले़न्‍डुएनुङ खोसे़ॽ चोप थोक पसामि हुकपेॽ पिटुए।

युहन्‍ना 5:20

इन्‍ढोङ्‌होङ पाबाडे़ॽ पसा नम्‍नम ले़न्‍डुएनुङ टाङ्‌बे़ॽ ले़ःॽपॽआ चोप योम्‍बोक खोमपसा खाङ्‌मेन्‍डुए। पाबाडे़ॽ खोम्‍पसा मो याॽमि नुबोक्‍पॽआबाङ्‌सो छना बेॽहा योम्‍बोक ले़ःॽमेन्‍डुए मोबा माहा खाङ्‌नुङ हे़निङ खरि मिङ्‌इन्‍डानिङे।

युहन्‍ना 5:26

इन्‍ढोङ्‌होङ पाबा खोमदाङ्‌बाबेॽ हिङ्‌मवा टुये, मोडोक्‍नोॽ खोसे़ॽ खोम्‍पसासो हिङ्‌मवा पिहेमे अधिकार पिटुए।

युहन्‍ना 6:27

नासि लिघे़हा चामामि लागि ने़ॽनि, तर ए़ॽसिमे हिङ्‌मवाठोक रुक्‍मे चामामि लागि दुःख ले़टानिङे। मो चामा याॽमिमि पसाडे़ॽ हे़निङ पिये। इन्‍ढोङ्‌होङ निवाहाङ पाबाडे़ॽ खो मोमि लागिनोॽ पाङ्‌इटुए।”

युहन्‍ना 6:37

काङ्‌मि पाबाडे़ॽ पिबॽआ चोप काबेॽ लेङ्‌इम्‍मेनुङ काबेॽ लेङ्‌घुबाजि इन्‍डोक्‍पेॽसो के़ॽ याःॽयासुङ्‌जिनि।

युहन्‍ना 6:39

का पाङ्‌घुबाडे़ॽ मिॽपॽआ खा चाहिँ खोसे़ॽ का पिबॽआजिबेॽ असासो मे़चाबेमा मे़न्‍सिरो तर माहाजि ए़क्‍साङ्‌ए याकपेॽ हिङ्‌रिक लिहेमिरो।

रोमि 15:6

मोबा इक्‍कोनोॽ सेम्‍लाडे़ॽ कानिङ्‌मि परभु येसु खिरिस्‍टमि पाबा निवाहाङ्‌मि ओहाङ हे़निङे़ॽ ले़ःॽहेसानुमे लुनुङ के़ॽ येसु खिरिस्‍टमि निङ्‌बेॽ पारथना ले़नुङे।

२ कोरिन्‍थि 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। खो नम्‍नावादाङ्‌बा पाबा ले़येनुङ खोसे़ॽ चोप याॽमिजि सान्‍त्‍वना पिन्‍डुजे।

२ कोरिन्‍थि 11:31

का रेम्‍डेॽङानि लुनुङ्‌गो परभु येसुमि पाबा निवाहाङ्‌डे़ॽनोॽ लेन्‍डुहा, सानिङ निवाहाङ ओहाङ लिरो।

हिब्‍रु 1:3

खोबाङ्‌नोॽ निवाहाङ्‌मि महिमानुङ्‌मा उज्‍यालो पोॽइये। खो निवाहाङ्‌मि चाइबमा नरिङ ले़ये। खोमि सक्‍तिनुङ्‌मा बचनडे़ॽनोॽ नान्‍द्‌रुङ्‌मानुङ मक्‍खाम्‍डेमबेॽहा चोप थोक टुन्‍डुङ्‌घे़हा। याॽमिजि पापबाङ छुट्‌कारा ले़ःॽसेॽनुङ खो चोप्‍पाङ मिन्‍डुनुङ निवाहाङ्‌मि चुप्‍थिङ्‌लाम पेङ्‌इटे़।

२ युहन्‍ना 1:3

निवाहाङ पाबानुङ खोमपसा येसु खिरिस्‍टबाङ अनुग्‍रहा, किरपानुङ सान्‍ति कानिङ्‌नुङ चाइबमा खानुङ नम्‍नमबेॽ टुरो।

यहुदा 1:1

का याकुबमि निसा, मोबा येसु खिरिस्‍टमि सेउते यहुदा ले़ङे। निवाहाङ पाबाडे़ॽ के़ःप्‍पॽआनुङ नम्‍नम मिॽपॽआजि, मोबा येसु खिरिस्‍टडे़ॽ रच्‍छे ले़ःॽपॽआजि इगो पत्‍रा साप्‍हाङ्‌मे़ॽसिनुङे।