२ युहन्‍ना 1:6 - याम्फु

⁶ निवाहाङ्‌मि आग्‍याडे़ॽ लुबॽआडोॽ हिङ्‌मानोॽ नम्‍नम ले़ये। हे़ने़ॽ याक्‍लोएबाङ खेम्‍बॽआ आग्‍या इगोनोॽ ले़ये, हे़निङ चोपजि नम्‍नमबेॽ पेनानिङे।

२ युहन्‍ना 1:6 Iomraidhean Croise

युहन्‍ना 14:15

“हे़निङे़ॽ का नम्‍नम ले़न्‍डानिङ्‌होङ काङ्‌मि आग्‍या पालना ले़न्‍डानुमे।

युहन्‍ना 14:21

असे़ॽ काङ्‌मि आग्‍या पालना ले़न्‍डुए मोसे़ॽ का नम्‍नम ले़ये। मोबा का नम्‍नम ले़ःॽखुबा काङ्‌मि पाबाडे़ॽसो नम्‍नम ले़न्‍डुए। के़ॽ मो नम्‍नम ले़नुङेनुङ खोबेॽ खाङ्‌मुङे।”

युहन्‍ना 14:23

येसुडे़ॽ खो लुसु, “असे़ॽ का नम्‍नम ले़ये, मोसे़ॽ काङ्‌मि बचन पालना ले़न्‍डुए मोबा काङ्‌मि पाबाडे़ॽसो खो नम्‍नम ले़न्‍डुएनुङ कानिङ खोबेॽ लेन्‍नुङ खोनुङ पेङ्‌इन्‍डिङ्‌मे।

युहन्‍ना 15:10

के़ॽ काङ्‌मि पाबामि आग्‍या पालना ले़ःॽनुङ खोमि नम्‍नमबेॽ टुडिडोक्‍नोॽ हे़निङे़ॽसो के़ए़ आग्‍या पालना ले़टानुमहोङ के़ए़ नम्‍नमबेॽ सानिङ पेङ्‌इन्‍डानिङे।

युहन्‍ना 15:14

के़ॽ हे़निङ पिबॽआ के़हा आग्‍या हे़निङे़ॽ पालना ले़टानुमहोङ हे़निङ के़हा लङ्‌गाम ले़न्‍डानिङे।

१ युहन्‍ना 2:24

मोडोगे़ॽ हे़निङे़ॽ याक्‍लोएम्‍बाङ खेम्‍बॽआ खा हे़निङ्‌मि निवाबेॽ नुरोॽ युक्‍सानुमे। याक्‍लोएम्‍बाङ हे़निङे़ॽ खेम्‍बॽआ सिक्‍छे सानिङ टुहोङ हे़निङ पाबानुङ पसाबेॽ टुन्‍डानिङे।

१ युहन्‍ना 2:5

तर असे़ॽ खोमि खा खेम्‍इन्‍डुए, मोसे़ॽ निवाहाङ चइबानोॽ नम्‍नम ले़न्‍डुए। इगो खाबाङ्‌नोॽ कानिङ खोबेॽ टुन्‍डिङ्‌मा लुमे खा लेन्‍डुङ्‌मे़।

१ युहन्‍ना 2:7

वावानिसानुङ नानुसाजि, के़ॽ हे़निङ पिमे आग्‍या चोङ ने़ॽनिबा। इगो याक्‍लोए आग्‍यानोॽ ले़ये, मो याक्‍लोएम्‍बाङ हे़निङे़ॽ खेम्‍बॽआ बचननोॽ ले़ये।

१ युहन्‍ना 5:15

निवाहाङ्‌नुङ कानिङे़ॽ पारथनाबेॽ इमाङ ङाःक्‍माहोङ्‌सो खेम्‍इन्‍डुए लुनुङ लेन्‍डुङ्‌माहोङ, इगो खासो लेन्‍डुङ्‌मा खोनुङ इमाङ इमाङ ङाःक्‍इटुङ्‌मा माहा खा चुप्‍मिटुङ्‌मा।

१ युहन्‍ना 5:3

निवाहाङ्‌मि आग्‍या पालना ले़ःॽमानोॽ खो नम्‍नम ले़ःॽपॽआ लिये। खोमि आग्‍या पालना ले़ःॽमा मोढे़ॽलो छाक्‍निबा,

२ युहन्‍ना 1:5

होउ नानि, के़ॽ हे़न इगो चोङ आग्‍या साप्‍पॽआ ने़ॽनि, तर कानिङ्‌नुङ याक्‍लोएबाङ टुये आग्‍याडे़ॽ लुडिडोॽ कानिङे़ॽ इक्‍कोसे़ॽ हाइको नम्‍नम ले़ःॽमा खे़ये लुनुङ के़ॽ हे़निङ बिन्‍ति ले़निम्‍ने़।