२ कोरिन्‍थि 8:5 - याम्फु

⁵ कानिङे़ॽ मिॽनोॽ मे़मिॽपॽआ खा माहाजिडे़ॽ ले़टुजि। माहाजिडे़ॽ याक्‍लो खोजि टाङ्‌बा परभुमि लागि पिसुजि, मोबा निवाहाङ्‌डे़ॽ मिॽपॽआडोॽ कानिङ्‌मि चोप खा खेप्‍सुजि।

२ कोरिन्‍थि 8:5 Iomraidhean Croise

रोमि 12:1

मोडोगे़ॽ के़हा वावानिसानुङ नानुसाजि, निवाहाङ्‌डे़ॽ हे़निङ बेॽलो नम्‍नम ले़ःॽपॽआसे़ॽ बिन्‍ति ले़निम्‍ने़। हे़निङ टाङ्‌बामि हिङ्‌मवा पबित्‍रानुङ निवाहाङ्‌डे़ॽ नेन्‍जामारोमा हिङ्‌रिक बलिदान चेॽटिसानुमे। हे़निङ्‌मि होङ्‌निवाडे़ॽ ले़ःॽमा खे़ये चाइबमा ओहाङ चाहिँ इगोनोॽ ले़ये।

२ कोरिन्‍थि 8:1

वावानिसानुङ नानुसाजि, निवाहाङ्‌डे़ॽ माकेडोनियामि मन्‍डलिबेॽहाजि ले़ःॽपॽआ अनुग्‍रहामि टुम्‍बेॽ हे़निङ लुबेॽमा मिॽइन्‍डुङ्‌मे़।

रोमि 6:13

हे़निङ्‌मि हिङाबेॽहा अङ्‌ग हागो पापि योम्‍बोकपेॽ ए़ॽटिसानुमे। मोमि साटो हे़निङ सिबॽआबाङ हिङ्‌बोक्‍पॽआ याॽमिडोॽ टाङ्‌बा निवाहाङ्‌डे़ॽ नेन्‍जामे योम्‍बोकपेॽ टिसानुमे। हे़निङ्‌मि हिङामि चोप अङ्‌ग धारमिक योम्‍बोक ले़ःॽमामि पिबेसानुमे।

२ कोरिन्‍थि 4:5

कानिङ टाङ्‌बामि खा परचार ले़टुङ्‌मानि, तर येसुमि लागि कानिङ हे़निङ्‌मि सेउते लिनुङ येसु खिरिस्‍टनोॽ परभु ले़ये लुनुङ परचार ले़न्‍डुङ्‌मे़।

१ कोरिन्‍थि 1:1

निवाहाङ्‌मि निवाबाङ खिरिस्‍ट येसुमि एप्‍पा चोङ्‌सा लिमामि के़ःॽपॽआ का पावलनुङ सोस्‍थेनेस निसाबाङ इगो पत्‍रा साप्‍मे़ॽनिङ्‌सिन्‍जुङे।