२ कोरिन्‍थि 8:4 - याम्फु

⁴ इडोॽ माहाजिडे़ॽ भेटि पिनुङ खोजिडे़ॽ यहुदियाबेॽ टुघुबा खिरिस्‍टमि धरमि सेवाकजि कानिङे़ॽसो सहायता ले़ःॽटोक्‍मा लुनुङ माहाजिडे़ॽ बेॽलोखेॽ बिन्‍ति ले़टामि।

२ कोरिन्‍थि 8:4 Iomraidhean Croise

मत्‍ति 10:42

असे़ॽ इघा ए़डे़म्‍मा याॽमिजिबेॽ इक्‍को के़ए़ चोङ्‌सा मिॽनुङ इक खोरिया येम्‍जुवा योङा उङ्‌मा पिन्‍डुए, मोसे़ॽ खोमि इनाम चइबानोॽ चुप्‍मिन्‍डुए।”

मत्‍ति 12:50

इन्‍ढोङ्‌होङ असा असाजिडे़ॽ थाङ्‌सिरिॽटुए पाबामि खा खेम्‍नुङ खोमि आग्‍या पालना ले़न्‍डुजे, माहाजिनोॽ काङ्‌मि मामा, निसानुङ नानाजि ले़म्‍मे।”

मत्‍ति 25:40

मोबा हाङ्‌बाडे़ॽ हे़निङ लुये, ‘चइबानोॽ, के़ॽ हे़निङ लुनिम्‍ने़, हे़निङे़ॽ इघा के़हा निसाजिबेॽ चोप्‍पाङ ए़डे़म्‍मा निसारेॽनोॽ इन्‍डोक सेवा ले़टानुम, माहा चोप हे़निङे़ॽ कानोॽ ले़टानुम।’

मरकुस 14:7

इन्‍ढोङ्‌होङ गरिबजिगो सानिङ्‌नोॽ हे़निङ्‌नुङ्‌नोॽ टुम्‍मे, हे़निङे़ॽ इन्‍डोक्‍पेॽहोङ्‌सो खोजिमि लागि नुबा योम्‍बोक ले़ःॽहेन्‍डानुमे, तर कागो सानिङ हे़निङ्‌नुङ टुङानि।

एप्‍पा चोङ्‌सा 11:29

अगाबसमि इगो खा खेम्‍नुङ एन्‍टिओकबेॽहा परभुमि चोङ्‌साजिडे़ॽ खोजिडे़ॽ पिहेरो भेटि सहायोग यहुदियाबेॽ पेङ्‌घुबा वावानिसाजि पिमे निवा ले़टुजि।

एप्‍पा चोङ्‌सा 16:15

बिस्‍वास ले़ःॽनुङ लिडियानुङ खोमि चोप खिम खिमबेॽहाजिडे़ॽ बप्‍तिस्‍मा लासुजि। मोबा खोसे़ॽ कानिङ खोमि खिमबेॽ पेम्‍मे बिन्‍ति ले़ःॽसाङ लुसा, “चइबानोॽ हे़निङे़ॽ का परभुबेॽ बिस्‍वास ले़ःॽपॽआ निसा मिॽइन्‍डानुमेहोङ काङ्‌मि खिमबेॽ आप्‍नुङ पेम्‍बेॽमाजे।” इडोॽ खोसे़ॽ कानिङ खोमि खिमबेॽ खे़ॽमानोॽ खे़ये लुसा।

एप्‍पा चोङ्‌सा 24:17

“यरुसलेमबेॽ बेॽलो निङ ए़क्‍साङ के़हा यहुदि वावानिसाजिमि लागि सुम्‍बॽआ दाननुङ भेटि पिसिॽ लेस्‍सिङे।

रोमि 15:31

यहुदिया सहरबेॽ टुघुबा अबिस्‍वासि याॽमिजिबाङ का जोगा ले़ःॽमामि लागि, मोबा यरुसलेमबेॽहा पबित्‍रा याॽमिजिमि लागि के़ॽ याङ्‌घे़ॽपॽआ सहायोगमि भेटि खोजिडे़ॽ साप्‍थाङ्‌मानुङ लासुजिरो लुनुङ पारथना ले़ःॽपेॽमाजे।

१ कोरिन्‍थि 16:1

यहुदियाबेॽ पेङ्‌घुबा निवाहाङ्‌मि याॽमिजिमि लागि भेटि सुम्‍मे खामि टुम्‍बेॽ के़ॽ गलातिया ठाउँबेॽहा बिस्‍वासिजि लुटुङ्‌हाजिनुङ हे़निङे़ॽसो मोडोक्‍नोॽ ले़टानुमे।

१ कोरिन्‍थि 16:15

हे़निङे़ॽ स्‍तिफनासमि खिमबेॽहाजि नुरोॽ लेन्‍डानुमे। खोजि चाहिँ अखैया ठाउँबेॽहा याॽमिजिबेॽ चोप्‍पाङ याक्‍लो बिस्‍वास ले़ःॽखुबाजि ले़म्‍मे। खोजिडे़ॽ निवाहाङ्‌मि याॽमिजिमि सेवा ले़ःॽमामि लागि टाङ्‌बामि हिङ्‌मवा टिटुजे।

२ कोरिन्‍थि 9:1

यहुदिया मुलुकबेॽ टुघुबा खिरिस्‍टमि पबित्‍रा याॽमिजि पिबॽआ भेटिमि टुम्‍बेॽ के़ॽ इगोबेॽ हे़निङ साप्‍मा पाप्‍निबा।

गलाति 2:10

इक्‍को खा चाहिँ खोजि चोबे़ॽ इःसुजि, खाँचोबेॽ सिॽखुबा गरिबजि नुरोॽ खाङ्‌मा खेम्‍मे। मोनोॽ के़ॽसो ले़ःॽमा मिॽपॽआ ले़टे़।

गलाति 6:10

मोडोगे़ॽ भलाइमि योम्‍बोक ले़टोक्‍मा सोरोॽ कानिङे़ॽ चोप याॽमिजिमि लागि भलाइ ले़ःॽमा खे़ये, चोप्‍पाङ याक्‍लो चाहिँ खिरिस्‍टबेॽ बिस्‍वास ले़ःॽखुबा याॽमिजिमि भलाइ ले़ःॽमा खे़ये।

१ तिमोथि 5:10

खो नुबा नुबा योम्‍बोक ले़ःॽनुङ आदरनुङ्‌मा लिमा खे़ये। खोसे़ॽ पसाजि नुरोॽ कुबॽआ, चाबाङ्‌जि नुरोॽ सेवा ले़ःॽपॽआ, निवाहाङ्‌मि याॽमिजिमि सराङ वसोक्‍पॽआ, दुःखबेॽ सिॽपॽआ याॽमिजिमि सेवा ले़ःॽपॽआ, खो सानिङ्‌नोॽ नुबा नुबा योम्‍बोक ले़ःॽयाङ लिमा खे़ये।

हिब्‍रु 6:10

निवाहाङ्‌डे़ॽ अन्‍याय ले़टुनिबा, हे़निङ्‌मि योम्‍बोकनुङ निवाहाङ्‌मि याॽमिजि हे़निङे़ॽ ले़ःॽपॽआ नम्‍नम खोसे़ॽ मिन्‍डेडुनिबा। हे़निङ हागोसो मोडोक्‍नोॽ सेवा ले़ःॽमे़ॽसिन्‍डानिङे।