२ कोरिन्‍थि 8:1 - याम्फु

¹ वावानिसानुङ नानुसाजि, निवाहाङ्‌डे़ॽ माकेडोनियामि मन्‍डलिबेॽहाजि ले़ःॽपॽआ अनुग्‍रहामि टुम्‍बेॽ हे़निङ लुबेॽमा मिॽइन्‍डुङ्‌मे़।

२ कोरिन्‍थि 8:1 Iomraidhean Croise

मत्‍ति 25:22

निच्‍चि मुन्‍डा चुप्‍खुबे़ॽसो आप्‍नुङ लुसु, ‘मायोङ्‌बा, हे़ने़ॽ पिबॽआ निच्‍चि मुन्‍डाबाङ के़ॽ हाइखा निच्‍चि मुन्‍डा टोङ्‌इटुङ्‌हा।’

एप्‍पा चोङ्‌सा 11:23

बारनाबास एन्‍टिओकबेॽ लेम्‍माबेॽ मोबेॽहा याॽमिजि निवाहाङ्‌डे़ॽ नम्‍नावानुङ आसिस पिबॽआ खाङ्‌डोक्‍नुङ बेॽलो साप्‍थाक्‍सा। खोसे़ॽ मोबेॽहा बिस्‍वासिजि सानिङ्‌नोॽ परभुबेॽ नुरोॽ बिस्‍वास ले़ःॽमे लुनुङ अरति पिसुजि।

एप्‍पा चोङ्‌सा 16:9

मो सेन्‍डानोॽ पावलडे़ॽ परभुबाङ इक्‍को सेन्‍जिसेम्‍माङ चुप्‍टु। खोसे़ॽ माकेडोनिया ठाउँबेॽए इक्‍को याॽमिडे़ॽ येःप्‍नुङ इडोॽ लुसाङ बिन्‍ति ले़ःॽपॽआ खाङ्‌डोक्‍टु, “माकेडोनिया आप्‍नुङ कानिङ सहायता ले़ःॽमा।”

एप्‍पा चोङ्‌सा 24:17

“यरुसलेमबेॽ बेॽलो निङ ए़क्‍साङ के़हा यहुदि वावानिसाजिमि लागि सुम्‍बॽआ दाननुङ भेटि पिसिॽ लेस्‍सिङे।

रोमि 15:26

इन्‍ढोङ्‌होङ यरुसलेमबेॽ टुघुबाजि असा असा खाँचोबेॽ सिॽखुबाजिमि लागि, अखैयानुङ माकेडोनियाबेॽहा बिस्‍वासिजिडे़ॽ भेटि पाङ्‌इटुजे।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

२ कोरिन्‍थि 11:9

हे़निङ्‌नुङ का टुमाबेॽ इमाङ्‌मि खाँचो सिॽमाबेॽसो हे़निङ दुःख पिमा मे़मिनिङ। का खाँचो सिॽमाबेॽ माकेडोनिया मुलुकबेॽहा निसाजिडे़ॽ लाघिॽटामि। हागोसो हे़निङ दुःख पिमा मिङ्‌ङानि, इघा खाबेॽ याक्‍लोसो हे़निङ दुःख मे़म्‍पि, हागोसो दुःख पिनिम्‍नानि।

२ कोरिन्‍थि 9:12

हे़निङ्‌मि इडोक्‍मा खाडे़ॽ निवाहाङ्‌मि पबित्‍रा याॽमिजि पाप्‍मिहा खारेॽनोॽ पुरा लिनिबा, तर इडोक्‍मा योम्‍बोगे़ॽ याॽमिजिडे़ॽ निवाहाङ सानिङ ओहाक पिन्‍डुजे।

२ कोरिन्‍थि 9:2

हे़निङ हाइखाजि सहायता ले़ःॽमा बेॽलो मिङ्‌इन्‍डानिङे लुमे खा के़ॽ नुरोॽ लेनुङे़। हे़निङ्‌मि इगो खामि टुम्‍बेॽ के़ॽ माकेडोनिया मुलुकबेॽहा याॽमिजिनुङ लुटुङे। नेम्‍निङ्‌एम्‍बाङ अखैया मुलुकबेॽहा याॽमिजि भेटि पिमामि पोरोइटामे लुनुङ के़ॽ लुबेटुङ्‌हाजि। हे़निङ्‌मि इडोक्‍मा खा खेम्‍नुङ माहाजिबेॽ बेॽलो जना जोसिलो लिटामे।

२ कोरिन्‍थि 9:4

माकेडोनिया मुलुकबेॽहा याॽमिजि कानुङ सोरि हे़निङ्‌बेॽ आप्‍माबेॽ हे़निङे़ॽ इमाङ्‌सो पिमामि लागि मे़म्‍पोरोक्‍पॽआ चुप्‍मिहोङ कानिङ्‌गो ङेम्‍मा सिॽइन्‍डिङ्‌मा कानिङ्‌बाङ्‌सो बेॽलो हे़निङ ङेम्‍माबेॽ सिॽइन्‍डानिङे।

एफिसि 3:8

खिरिस्‍टमि पबित्‍रा याॽमिजिबेॽ का इमा योम्‍बोक मे़ॽनिङ्‌मा ले़टिङ्‌रोसो सिःक्‍माबेॽ सिःक्‍हेनिबा खोमि याङ्‌सरावा सुसमाचार अयहुदि याॽमिजि खेम्‍मेॽमामि लागि का इगो अनुग्‍रहा पिसा।

कलस्‍सि 1:29

खिरिस्‍टडे़ॽ पिबॽआ काहोङ्‌बेॽ टुये बेॽए सक्‍तिडे़ॽनोॽ के़ॽ इगो योम्‍बोक चोप निवा टिनुङ ले़नुङे।

१ थेस्‍लोनिकि 4:10

हे़निङे़ॽ माकेडोनिया ठाउँबेॽहा बिस्‍वासिजि चइबानोॽ नम्‍नम ले़न्‍डानुमे। तर वावानिसानुङ नानुसाजि मोडोक्‍नोॽ हागोसो बेॽलो नम्‍नम ले़ःॽसाङ खडानिङे लुनुङ हौसाला पिनिम्‍ने़।