२ कोरिन्‍थि 7:7 - याम्फु

⁷ खो लेम्‍बॽआसे़ॽरेॽनोॽ ने़ॽनि तर खोसे़ॽ हे़निङ्‌बाङ चुप्‍पॽआ हौसलाबाङ कानिङे़ॽसो हौसला चुप्‍टुङ्‌मा। हे़निङ कानुङ बेॽलो चुप्‍मा मिङ्‌इटानिङ्‌रो लुनुङ खोसे़ॽ का लुबेॽटा। याक्‍लो हे़निङे़ॽ ले़ःॽपॽआ बिरोङ मिॽनुङ काङ्‌मि लागि दुःखि लिबॽआनुङ काङ्‌मि लागि हे़निङे़ॽ सुरता ले़ःॽपॽआ खासो का इःबेॽटिङा, इघा चोप खा खेम्‍नुङ का बेॽलो साप्‍थाक्‍सिङ।

२ कोरिन्‍थि 7:7 Iomraidhean Croise

मत्‍ति 26:75

मोडोक्‍पेॽरेॽ याक्‍लो येसुडे़ॽ खो लुबॽआ इगो खा मिॽटोक्‍टु, “आयु माक्‍मि वापा ओःक्‍मा याक्‍लो हे़ने़ॽ का सुमखेॽ लेङानि लुये।” मोबा खो पाखे़ॽयु खे़ॽनुङ सारोनोॽ हे़क हे़क मिन्‍साङ हाबा।

मत्‍ति 5:4

सोक ले़ःॽखुबाजिडे़ॽ आसिस चुप्‍मिन्‍डुजे, इन्‍ढोङ्‌होङ निवाहाङ्‌डे़ॽ खोजि निवाबेॽ सान्‍तिनुङ सहास पिन्‍डुजे।

लुका 22:44

खोमि निवा इॽठुप खेःमि सुरता टुबॽआसे़ॽ बेॽलो पारथना ले़टु, मोबा खोमि होप्‍तिवासो हरिमि ठे़ॽलुवा ठे़ःॽमे़ॽनिङ्‌सिडा।

एप्‍पा चोङ्‌सा 11:23

बारनाबास एन्‍टिओकबेॽ लेम्‍माबेॽ मोबेॽहा याॽमिजि निवाहाङ्‌डे़ॽ नम्‍नावानुङ आसिस पिबॽआ खाङ्‌डोक्‍नुङ बेॽलो साप्‍थाक्‍सा। खोसे़ॽ मोबेॽहा बिस्‍वासिजि सानिङ्‌नोॽ परभुबेॽ नुरोॽ बिस्‍वास ले़ःॽमे लुनुङ अरति पिसुजि।

रोमि 1:12

काङ्‌मि बिस्‍वासडे़ॽ हे़निङ, हे़निङ्‌मि बिस्‍वासडे़ॽ का बोलियो टोङ्‌इये। इडोॽ कानिङ इक्‍कोसे़ॽ हाइको खाङ्‌नुङ बोल चुप्‍रो लुनुङ के़ॽ मिॽइटुङे।

१ कोरिन्‍थि 5:2

तर हे़निङ्‌गो बेॽए रे़ङ्‌इन्‍डानिङ! हे़निङे़ॽको सोक ले़ःॽमा खडे़, मोबा इडोक्‍मा योम्‍बोक ले़ःॽखुबा हे़निङ्‌मि रुम्‍बेॽ ए़युक्‍सानुमे।

२ कोरिन्‍थि 1:4

निवाहाङ्‌डे़ॽनोॽ कानिङ चोप खालहा दुःखबेॽ सान्‍त्‍वना पिये, मोबा कानिङे़ॽसो दुःखबेॽ सिॽपॽआ हाइखा याॽमिजि सान्‍त्‍वना पिहेरो लुनुङ खोसे़ॽ कानिङ सान्‍त्‍वना पिटे़।

२ कोरिन्‍थि 2:9

के़ॽ लुबॽआ हे़निङे़ॽ खसिन्‍डानिङेन्‍डे खसिसानिङ्‌ने लुनुङ हे़निङ जाँच ले़ःॽमामि लागिनोॽ मो पत्‍रा साबुङे।

२ कोरिन्‍थि 5:2

चइबानोॽ लुमाबेॽ कानिङ इगो हिङाबेॽ टुमाबेॽ बेॽलो खेःनुङ टुन्‍डिङ्‌मा। कानिङ्‌गो थाङ्‌सिरिबेॽ टुये हिङा चुप्‍मा मिवे़ॽ सिसिॽपोक्‍रोइटिङ्‌मे।

२ कोरिन्‍थि 7:6

तर आसा मे़ॽनिङ्‌हाजि आसा पिघुबा निवाहाङ्‌डे़ॽ तितस कानिङ्‌बेॽ लेम्‍बॽआ खाडे़ॽ कानिङ बोल पिसा।

२ कोरिन्‍थि 7:8

मो काङ्‌मि पत्‍राडे़ॽ हे़निङ्‌मि निवा टुगानोॽ होला, तर मोमि लागि का हे़क्‍हे़क मिङ्‌ङानि, याक्‍लो इॽछोॽको हे़क्‍हे़क मिनिङा। तर आइ मो पत्‍राडे़ॽ हे़निङ्‌मि निवा टुक्‍मेॽसो इॽछोॽरेॽ टुक्‍मेॽटा लुमे खा के़ॽ लेडोक्‍इटुङ।

२ कोरिन्‍थि 8:16

निवाहाङ ओहाक लिरो, हे़निङ नम्‍नम ले़ःॽमे काङ्‌मिडोॽमा निवा निवाहाङ्‌डे़ॽ तितसबेॽसो युङ्‌बेॽटु।

फिलिप्‍पि 1:20

के़ॽ मिॽइटुङेनुङ आसा ले़ए़टुङे का इन्‍डोक्‍पेॽसो ङेम्‍मा सिॽङानि। के़ॽ सिघे़ॽमा सिॽहोङ्‌सो, का हिङ्‌डोक्‍ङाहोङ्‌सो का बेॽलो साहसि लिङेनुङ सानिङ्‌डोक्‍नोॽ आयुसो काङ्‌मि हिङ्‌मवाबाङ खिरिस्‍टमि सम्‍मान लिये।

कलस्‍सि 2:5

इन्‍ढोङ्‌होङ हिङाबेॽ हे़निङ्‌बाङ सारोनोॽ का ओः टुङे तरसो होङ्‌निवाबेॽको हे़निङ्‌नुङ सोरिनोॽ टुङे। हे़निङ नुरोॽ हिङ्‌बॽआ मोबा खिरिस्‍टबेॽ हे़निङ्‌मि बोलियो बिस्‍वास खाङ्‌नुङ का बेॽलो साप्‍थाङ्‌इङे।

१ थेस्‍लोनिकि 3:6

तर तिमोथि हे़निङ चुप्‍नुङ इगोबेॽ हागोनोॽ लेङ्‌इटे़। हे़निङ्‌बेॽ हागोसो बेॽलो नम्‍नमनुङ बिस्‍वास टुहा लुमे नुबा खा खेम्‍मेॽटा। मोबा हे़निङे़ॽ सानिङ्‌नोॽ कानिङ नम्‍नम ले़ःॽनुङ मिॽयुङ्‌इटानिङे ले़ए़ लुमे खासो खोसे़ॽ का खेम्‍मेॽटा।

१ थेस्‍लोनिकि 3:8

इन्‍ढोङ्‌होङ हे़निङ परभुबेॽ नुरोॽ बिस्‍वास ले़न्‍डानुमे लुमे खा खेम्‍माबेॽ कानिङे़ॽ चइबानोॽ हिङ्‌मवा चुप्‍टिडोॽ मिङ्‌इन्‍डिङ्‌मा।

हिब्‍रु 2:1

मोडोगे़ॽ कानिङे़ॽ इमा खेम्‍इटुङ्‌मे मो चाइबमा खाबेॽ बेॽलो निवा टिमा खे़ये, ने़ॽनिहोङ कानिङ ने़ॽनिबा राम खे़ॽए़न्‍डिङ्‌मा।

याकुब 5:17

एलियासो कानिङ्‌डोॽमानोॽ याॽमि ले़टे़। खोसे़ॽ वारि ए़लेस्‍से लुनुङ भक्‍तिनुङ्‌मा पारथना ले़टु, मोबा सुम निङ चुक्‍चि महिना मक्‍खाम्‍डेमबेॽ वारि मे़लेस्‍सा।

२ युहन्‍ना 1:4

हे़ने़हा पसाजिबेॽ इन्‍डोक जनाजि निवाहाङ पाबामि आग्‍याडे़ॽ लुडिडोॽ चाइबमा खाबेॽ हिङ्‌बॽआ चुप्‍नुङ का सारोनोॽ साप्‍थाङ्‌इटिङे।

यहुदा 1:3

लङ्‌गामजि, कानिङ चोबे़ॽ चुप्‍पॽआ मुक्‍तिमि टुम्‍बेॽए खा हे़निङ साप्‍हाङ्‌मा बेॽलो मिॽटुङ। तर मोमि साटो निवाहाङ्‌मि भक्‍ति ले़ःॽखुबाजि सानिङ्‌मि लागि पिबॽआ बिस्‍वास जोगा ले़ःॽयुङ्‌मा खे़ये लुनुङ साप्‍हाङ्‌मा चाहिँ छना नुबा मिॽटुङ।