२ कोरिन्‍थि 7:3 - याम्फु

³ हे़निङ आप्‍टिक टिमामि लागि इडोॽ लुबॽआ ने़ॽनि। याक्‍लोनोॽ के़ॽ लुबेनिम्‍ने़, कानिङ्‌मि निवा होङ्‌सिॽयुरामनोॽ बेॽलो नम्‍नम ले़न्‍डुङ्‌मे़। हे़निङ्‌नुङ सोरि हिङ्‌मानुङ सिमा कानिङ पोरोइन्‍डिङ्‌मे।

२ कोरिन्‍थि 7:3 Iomraidhean Croise

२ कोरिन्‍थि 11:11

के़ॽ इन्‍ढोङ इडोॽ लेटुङे ? हे़निङ नम्‍नम मे़ले़ःॽपॽआसे़ॽटे ? के़ॽ हे़निङ नम्‍नम ले़ःॽपॽआ चोप खा निवाहाङ्‌डे़ॽ लेन्‍डुहा।

२ कोरिन्‍थि 12:15

हे़निङ्‌मि लागि के़ॽ साप्‍थाङ्‌मानुङ चोप थोक पिनिम्‍ने़, माहा थोकरेॽ ने़ॽनि काङ्‌मि हिङ्‌मवासो पिनिम्‍ने़। के़ॽ चाहिँ हे़निङ इडोॽ बेॽलो नम्‍नम ले़टुङ, इमा हे़निङे़ॽ चाहिँ का चुक्‍लो नम्‍नम ले़न्‍डानिङे ?

२ कोरिन्‍थि 13:10

हे़निङ्‌बेॽ लेम्‍माबेॽ निवाहाङ्‌डे़ॽ का पिबॽआ अधिकार हे़निङ नम्‍नमनोॽ मे़ॽनिङ बेभार ले़ःॽमा मे़सिॽलो लुनुङ का हे़निङ्‌बाङ ओः टुमाबेॽ इघा खा साप्‍मे़ॽनिङ्‌सिनुङे। मो अधिकारगो हे़निङ नासि ले़ःॽमामि लागि ने़ॽनि, तर नुबा याॽमि टोङ्‌मामि लागि पिबॽआ ले़ये।

२ कोरिन्‍थि 3:2

हे़निङ्‌मि हिङ्‌मवानोॽ चोप याॽमिजिडे़ॽ नेॽहेयेनुङ लेहेये याॽमिजिमि निवाबेॽ साप्‍पॽआ पत्‍राडोॽ ले़ये।

२ कोरिन्‍थि 7:12

के़ॽ मो पत्‍रा अन्‍याय ले़ःॽमामि लागि साप्‍पॽआसो ने़ॽनि, अन्‍यायबेॽ सिॽखुबा याॽमिमि लागि साप्‍पॽआसो ने़ॽनि। तर निवाहाङ्‌मि पोम्‍बेॽ हे़निङे़ॽ कानिङ नम्‍नम ले़ःॽपॽआ खा खाङ्‌मुमामि लागि मो पत्‍रा साप्‍मिटुङे।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

१ थेस्‍लोनिकि 2:8

चइबानोॽ कानिङे़ॽ हे़निङ सारोनोॽ नम्‍नम ले़ःॽपॽआसे़ॽ निवाहाङ्‌मि सुसमाचाररेॽ ने़ॽनि, तर कानिङ्‌मि हिङ्‌मवानोॽ पिमासो पोरोगिङ्‌मा।