२ कोरिन्‍थि 7:1 - याम्फु

¹ मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

२ कोरिन्‍थि 7:1 Iomraidhean Croise

मत्‍ति 12:33

“नुबा डाङ्‌बेॽ नुबा चा किङ्‌इहा। मङे़ॽमा डाङ्‌बेॽ मङे़हानोॽ चा किङ्‌इहा। इन्‍ढोङ्‌होङ चाबाङ्‌नोॽ मोमि डाङ लेहेये।

मत्‍ति 5:48

मोडोगे़ॽ थाङ्‌सिरिबेॽ पेङ्‌खुबा हे़निङ्‌मि निवाहाङ पाबा चोप थोकबेॽ परिपक्‍का लिडिडोॽ, हे़निङ्‌सो आक्‍टोॽनोॽ लिसानिङे।”

मत्‍ति 5:8

चोखो निवा खिघुबाजि आसिसित ले़म्‍मे, इन्‍ढोङ्‌होङ खोजिडे़ॽ निवाहाङ खाङ्‌डोइन्‍डुजे।

एप्‍पा चोङ्‌सा 9:31

मोबा ए़क्‍साङ यहुदिया, गालिलिनुङ सामरिया ठाउँराजिबेॽहा मन्‍डलिबेॽ सान्‍ति लिसा। खोजिडे़ॽ परभुमि पबित्‍रा होङ्‌निवामि बोल चुप्‍नुङ, येसुबेॽ बिस्‍वास ले़ःॽखुबाजि मन्‍डलिबेॽ लिसामि। चोङ्‌साजिडे़ॽ निवाहाङ्‌मि आदर ले़टुजेनुङ हाइखा बिस्‍वासिजि बेॽलो लिसामि।

रोमि 5:20

धारमिक नियम लेस्‍सा, मोबा पाप छना बेॽलो लिसा, तर इन्‍डोक पाप बेॽलो लिसा, मोडोक्‍नोॽ निवाहाङ्‌मि अनुग्‍रहासो बेॽलो लिसा।

१ कोरिन्‍थि 6:20

हे़निङ निवाहाङ्‌डे़ॽ मोल फोङ्‌नुङ इम्‍बॽआ ले़ये। मोडोगे़ॽ हे़निङे़ॽ टाङ्‌बामि हिङाडे़ॽ निवाहाङ्‌मि महिमा ले़टानुमे।

२ कोरिन्‍थि 1:20

इन्‍ढोङ्‌होङ निवाहाङ्‌मि चोप हेन्‍ज्‍रुङ खिरिस्‍टबेॽ पुरा लिहा, मोडोगे़ॽ निवाहाङ्‌मि महिमामि लागि “आमेन” लुन्‍डुङ्‌मे।

एफिसि 2:3

माहाजिडे़ॽ ले़टिडोक्‍नोॽ याक्‍लो कानिङे़ॽसो टाङ्‌बामि हिङानुङ निवाडे़ॽ मिॽपॽआ मङे़ॽमा योम्‍बोक ले़ःॽसाङ हिक्‍सिङ्‌मा। कानिङ्‌मि चोप आनिबानि हाइखा याॽमिजिमिडोक्‍नोॽ ले़ःॽपॽआसे़ॽ निवाहाङ्‌मि सुरिकपेॽ सिॽमारोमा ले़टिङ्‌मा।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

१ थेस्‍लोनिकि 4:7

इन्‍ढोङ्‌होङ निवाहाङ्‌डे़ॽ कानिङ असुद्‌ध लिमामि ने़ॽनि, तर पबित्‍रा लिनुङ हिङ्‌मामि लागिनोॽ के़ए़टे़।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

हिब्‍रु 12:23

हे़निङ निवाहाङ्‌मिनोॽ टुम्‍मि हक चुप्‍खुबाजिमि मन्‍डलिबेॽ लेङ्‌इटानिङे, खोमि निङ थाङ्‌सिरिबेॽसो साप्‍पॽआ ले़ये। हे़निङ चोप याॽमिजिमि न्‍याय ले़ःॽखुबा निवाहाङ्‌बेॽ लेङ्‌इटानिङे। परिपक्‍का टोङ्‌बॽआ धारमिक याॽमिजिमि रुम्‍बेॽ लेङ्‌इटानिङे।

हिब्‍रु 12:28

मोडोगे़ॽ इगिॽयुनुङ मिॽयु हिॽहेनिबा राज्‍य चुप्‍पॽआ खामि लागि कानिङ साप्‍थाङ्‌मानुङ निवाहाङ ओहाङ पिमा, मोबा कानिङ भक्‍तिनुङ आदरनुङ निवाहाङ्‌मि ओहाङ ले़ःॽमा।

हिब्‍रु 4:1

मोडोगे़ॽ निवाहाङ्‌डे़ॽ नाजामे ठाउँबेॽ पे़खे़ॽमेॽनिम्‍ने़ लुबॽआ हेन्‍ज्‍रुङ हागोरोसो टुये। होसियार ले़ःॽमा खे़ये, मो ठाउँबेॽ हे़निङ चोपनोॽ पे़खे़ॽटोक्‍खुबा लिसानिङे।

हिब्‍रु 6:9

लङ्‌गामजि, कानिङे़ॽ इडोक्‍हा खा लुसुङ्‌माहोङ्‌सो हे़निङ्‌मि टुम्‍बेॽ चाहिँ नुबा खामि आसा युङ्‌इटुङ्‌मे़। चइबानोॽ हे़निङे़ॽ मुक्‍ति चुप्‍मिन्‍डानुमेनुङ बेॽलो नुबा खा चुप्‍मिन्‍डानुमे लुनुङ बिस्‍वास ले़न्‍डुङ्‌मे।

याकुब 4:8

हे़निङ निवाहाङ्‌मि के़क्‍पेॽ आबानिङे मोबा निवाहाङ्‌सो हे़निङ्‌मि के़क्‍पेॽ आप्‍मिये। पापिजि हे़निङ्‌मि निवा चोखो टोक्‍सानुमे। कप्‍टि याॽमिजि हे़निङ्‌मि निवा सुद्‌ध टोक्‍सानुमे।

१ पत्‍रुस 1:15

हे़निङ के़ःॽखुबा निवाहाङ पबित्‍रा ले़टिडोक्‍नोॽ हे़निङ्‌सो चोप योम्‍बोकपेॽनुङ खाबेॽ पबित्‍रा लिसानिङे।

१ पत्‍रुस 1:17

याॽमिजिडे़ॽ ले़ःॽपॽआ योम्‍बोकडोॽ पक्‍छेपात मे़ले़ःॽलेॽ न्‍याय ले़ःॽखुबा निवाहाङ हे़निङे़ॽ पाबा लुन्‍डानुमे। मोडोगे़ॽ हे़निङ मक्‍खाम्‍डेमबेॽ टुरो खोमि आदर ले़ःॽमानुङ हिक्‍सानिङे।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 2:11

के़हा लङ्‌गामजि, इगो मक्‍खाम्‍डेमबेॽ हे़निङ नियाकमि चाबाङ्‌जिडोॽ ले़न्‍डानिङे, बिन्‍ति ले़निम्‍ने़, होङ्‌निवामि बिरोधबेॽ राम्‍खुबा हिङामि मङे़हा योम्‍बोकबाङ ओःनोॽ पेनानिङे।

१ पत्‍रुस 5:10

चोप अनुग्‍रहानुङ्‌मा निवाहाङ्‌डे़ॽ खिरिस्‍टबेॽ टाङ्‌बामि इन्‍डोक्‍पेॽसो सिघे़ॽनिये महिमामि लागि हे़निङ के़ए़टे़। हे़निङे़ॽ इक्‍याक नियाक खेः आङ्‌नुङ ए़क्‍साङ खोसे़ॽनोॽ हे़निङ फेरि चोङ टोङ्‌इये, मोबा पक्‍कानुङ सक्‍तिसालि टोङ्‌इये।

१ युहन्‍ना 1:7

तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।

१ युहन्‍ना 1:9

तर कानिङे़ॽ टाङ्‌बामि पाप निवाहाङ्‌मि पोम्‍बेॽ युङ्‌नुङ खोबेॽ टेघे़ॽमाहोङ खोसे़ॽ कानिङ्‌मि पापबाङ आम्‍लाङ पिये। चोप अधरमि खाबाङ कानिङ चोखो टोङ्‌इये, इन्‍ढोङ्‌होङ निवाहाङ बिस्‍वासनुङ्‌मानुङ धरमि ले़ये।

१ युहन्‍ना 3:3

मोबा इन्‍डोक खो पबित्‍रा ले़ये, मोडोक्‍नोॽ खोसोक्‍पेॽ आसा ले़ःॽखुबा चोप याॽमिडे़ॽसो पबित्‍रा लिमा खे़ये।