२ कोरिन्‍थि 5:1 - याम्फु

¹ कानिङे़ॽ लेन्‍डुङ्‌मा, इगो कानिङ्‌मि हिङा लुबॽआ चाहिँ मक्‍खाम्‍डेमबेॽ याङ फोङ्‌नुङ नियाक डेराबेॽ पेन्‍डिडोॽरेॽ ले़ये। निवाहाङ्‌डे़ॽ पिबॽआ थाङ्‌सिरिबेॽ कानिङ्‌मि सानिङ्‌मि लागि खिम टुये, मो खिम चाहिँ याॽमिमि हुगे़ॽ टोङ्‌बॽआ ने़ॽनि।

२ कोरिन्‍थि 5:1 Iomraidhean Croise

मरकुस 14:58

“याॽमिडे़ॽ टोङ्‌बॽआ इगो मन्‍दिर योबेनुङ याॽमिमि हुक मे़ॽनिङ्‌नोॽ के़ॽ सुम याकपेॽ टोङ्‌इनुङे लुबॽआ कानिङे़ॽ खे़म्‍इटुङ्‌मे।”

एप्‍पा चोङ्‌सा 7:48

“तर महान निवाहाङ्‌गो याॽमिजिडे़ॽ टोङ्‌बॽआ खिमबेॽ पेन्‍निबा। लुनुङ अगमबक्‍ताडे़ॽ इडोॽ साप्‍पॽआ ले़ये-

१ कोरिन्‍थि 3:9

इन्‍ढोङ्‌होङ कानिङ चाहिँ निवाहाङ्‌मि योम्‍बोक ले़ःॽखुबा सेवाकजि ले़न्‍डिङ्‌मा, हे़निङ चाहिँ निवाहाङ्‌मि रोपा ले़न्‍डानिङे, मोबा हे़निङ मन्‍दिर ले़न्‍डानिङे।

२ कोरिन्‍थि 4:7

इडोक्‍मा जोति बेॽलो मोलनुङ्‌मा याङ्‌सरावा आक्‍खामामि सुॽउबेॽ युङ्‌डिडोॽ कानिङ याॽमिबेॽ युङ्‌बॽआ ले़ये। मोडोॽगे़ॽ कानिङ्‌बाङ ने़ॽनि, तर मो सक्‍ति चाहिँ निवाहाङ्‌मि हुकपेॽ टुये लुमे खा छे़ङ्‌गै लेडोक्‍इये।

२ कोरिन्‍थि 5:4

इन्‍ढोङ्‌होङ इगो नासि लिघे़ये हिङाबेॽ टुसिरो कानिङ दुःखडे़ॽ याःक्‍चाघे़न्‍डिङ्‌मे़। कानिङ सिघे़ॽमा मिम्‍बॽआगो ने़ॽनि, तर इन्‍डोक्‍पेॽ थाङ्‌सिरिमि हिङा चुप्‍मे़ लुनुङ कानिङ सिजाघे़टिङ्‌मे। इगो नासि लिघे़ये हिङा सानिङ हिङ्‌इये हिङ्‌मवाबेॽ फेङ्‌घे़ॽमामि लागि ले़ये।

कलस्‍सि 2:11

हे़निङ्‌मि खतना हुगे़ॽ ने़ॽनि, तर चाइबमा खनता चाहिँ हे़निङे़ॽ टाङ्‌बामि पापनुङ्‌हा चोप योम्‍बोक लेप्‍पेनुङ खिरिस्‍ट काङ्‌मि मुक्‍तिदाङ्‌बा लुनुङ खोबेॽ बिस्‍वास ले़ःॽपॽआ खानोॽ हे़निङ्‌मि खतना ले़ये।

२ तिमोथि 1:12

मोडोगे़ॽ इघा खामि लागि खेः आङ्‌मे़ॽनिङ्‌सिनुङे। तर का इघामि लागि खेः आङ्‌मा ङेसिङानि इन्‍ढोङ्‌होङ के़ॽ असासोक्‍पेॽ बिस्‍वास ले़ःॽए़टुङे मो के़ॽ नुरोॽ लेनुङे़। निवाहाङ्‌डे़ॽ का जिम्‍मा पिबॽआ योम्‍बोक खोसे़ॽनोॽ मो याकठोक जोगबा ले़ङे लुनुङ का ढुक्‍का ले़ङे।

हिब्‍रु 11:10

इन्‍ढोङ्‌होङ खोसे़ॽको ए़क्‍साङ्‌ठोक नासि लिनिबा बोलियो जगनुङ्‌मा सहर हुङ्‌मे़ॽनिङ्‌सिडुए। सहर टोङ्‌खुबागो निवाहाङ्‌नोॽ ले़ये।

हिब्‍रु 9:11

तर खिरिस्‍टगो इगो मक्‍खाम्‍डेमबेॽ टुहा चोप नुबा थोकमि चोप्‍पाङ एप्‍पा याडाङ्‌बा लिनुङ लेम्‍बेटे़। खो छना बेॽएम्‍मानुङ चोखो मन्‍दिरमि याडाङ्‌बा ले़ये। मो ठाउँ याॽमिमि हुगे़ॽ टोङ्‌बॽआ ने़ॽनि, मोबा सिरिस्‍टि ले़ःॽपॽआ खासो ने़ॽनि।

हिब्‍रु 9:24

खिरिस्‍ट याॽमिमि हुगे़ॽ टोङ्‌बॽआ पबित्‍रा थानाहोङ्‌सिॽयु खे़ॽपॽआ ने़ॽनि, मोगो चाइबमा पबित्‍रा थानामि नक्‍कलरेॽनोॽ ले़टा, तर खोगो थाङ्‌सिरिहोङ्‌सिॽयुनोॽ पे़खडा, खो आयु कानिङ्‌मि लागि निवाहाङ्‌मि पोम्‍बेॽ टुये।

१ पत्‍रुस 1:4

निवाहाङ पाबाडे़ॽ इन्‍डोक्‍पेॽसो नासि लिनिबा, मे़खे़ॽनिबा, चोखो अङ्‌स हे़निङ्‌मि लागि थाङ्‌सिरिबेॽ युङ्‌बेटे़।

२ पत्‍रुस 3:11

इघा चोप खा इडोॽ माङ्‌माङ वायिम्‍घे़ये लुमे लेनुङ हे़निङे़ॽ हिङ्‌मे हिङ्‌मवा पबित्‍रानुङ भक्‍तिनुङ्‌मा हिङ्‌मा खे़ये।

१ युहन्‍ना 3:14

कानिङे़ॽ लेमा खे़ये, कानिङ्‌गो सिघे़ये हिङाबाङ हिङ्‌रिक हिङ्‌मवाबेॽ सेम्‍बेटिङ्‌मा, इन्‍ढोङ्‌होङ कानिङे़ॽ बिस्‍वासि वावानिसानुङ नानुसाजि नम्‍नम ले़न्‍डुङ्‌मा। असे़ॽ बिस्‍वासि वावानिसानुङ नानुसाजि नम्‍नम ले़टुजिने माहाजि सिमवामि अधिनबेॽ सानिङ टुम्‍मे।

१ युहन्‍ना 3:19

मोडोगे़ॽ कानिङ चाइबमा खा लेघुबा याॽमिजि ले़न्‍डिङ्‌मा लुमे खा लेन्‍डुङ्‌मा मोबा कानिङ निवाहाङ्‌मि पोम्‍बेॽ मे़ङ्‌किस्‍सिरेॽ खे़ॽहेन्‍डिङ्‌मा।

१ युहन्‍ना 3:2

लङ्‌गामजि, आइ कानिङ निवाहाङ्‌मि पसा ले़न्‍डिङ्‌मा, मोबा ए़क्‍साङ चाहिँ इमाङ लिन्‍डिङ्‌मा हागोरोसो कानिङे़ॽ लेसुङ्‌मानि। तर इडोॽ लेन्‍डुङ्‌मा खिरिस्‍ट लेम्‍माबेॽ कानिङ्‌सो खोडोक्‍नोॽ लिन्‍डिङ्‌मा। इन्‍ढोङ्‌होङ खो इन्‍डोक्‍मा ले़ये कानिङे़ॽ खो मोडोक्‍मानोॽ खाङ्‌डोक्‍इन्‍डुङ्‌मे़।