२ कोरिन्‍थि 4:8 - याम्फु

⁸ कानिङे़ॽ फोरेन फोरेन्‍नोॽ बेॽलो खालहा खेः आङ्‌इटुङ्‌मे, तरसो पिजिक्‍टोॽ मे़ङ्‌घे़ॽटिॽ। इमाङ ले़ःॽमे ले़ःॽमे लिटिङ्‌मारोसो, कानिङ्‌मि आसा चाहिँ मे़न्‍सिघे़ॽटिॽ।

२ कोरिन्‍थि 4:8 Iomraidhean Croise

युहन्‍ना 14:18

के़ॽ हे़निङ टुहुराडोॽ याःॽयासुङ्‌नि, का फेरि हे़निङ्‌बेॽ लेङ्‌इङे़।

१ कोरिन्‍थि 10:13

हे़निङ्‌बेॽ लेङ्‌इये जाँच चोप याॽमिजिबेॽ लेङ्‌इयेडोॽमानोॽ ले़ये। निवाहाङ बिस्‍वासनुङ्‌मा ले़ये, खोसे़ॽ हे़निङे़ॽ मे़आङ्‌हेरोमा जाँचबेॽ सिॽमेॽनिबा, तर खोसे़ॽ जाँचबाङ लेक्‍खे़ॽमे रामसो टोङ्‌बेॽये। इडोॽ हे़निङ जाँचबेॽ सिॽमाबेॽ मो आङ्‌हेन्‍डानुमे।

२ कोरिन्‍थि 12:10

मोडोगे़ॽ खिरिस्‍टमि लागि का कमजोर ले़ःॽमाबेॽ, हेलाबेॽ सिॽमाबेॽ, अप्‍ठ्‌यारोबेॽ सिॽमाबेॽ, चुङ्‌जामाबेॽ मोबा दुःख आङ्‌मा सिॽमाबेॽ साप्‍थाङ्‌इङे, इन्‍ढोङ्‌होङ का कमजोर लिमाबेॽ छना बेॽलो परभुमि बोलनुङ्‌मा लिङे।

२ कोरिन्‍थि 6:12

कानिङे़ॽ हे़निङ नम्‍नम ले़ःॽमा मे़लेॽटिॽ। बोरु हे़निङे़ॽ चाहिँ कानिङ नम्‍नम ले़ःॽमा लेॽपेटानुमे।

२ कोरिन्‍थि 6:4

तर निवाहाङ्‌मि चाइबमा योम्‍बोक ले़ःॽखुबाजि इन्‍डोॽ लिमा खे़ये मोडोक्‍नोॽ कानिङे़ॽ ले़ए़टुङ्‌मे़, सहनसिल लिमे खाबेॽ, खेःबेॽ, गारो सिॽमाबेॽनुङ आपद बिपद सिॽमाबेॽ योङ आङ्‌इन्‍डुङ्‌मे।

२ कोरिन्‍थि 7:5

इन्‍ढोङ्‌होङ कानिङ माकेडोनियाबेॽ लेन्‍नुङ्‌सो कानिङे़ॽ सुख मे़न्‍चुप्‍टुङ्‌मा। मोबेॽ चोपराजिबाङ खेः आङ्‌मा सिॽटे़, बिरोध ले़ःॽखुबानुङ चाहिँ खिमाचुमा लिसे़नुङ निवाबेॽ चाहिँ किस्‍सिमवा टुसा।

गलाति 4:20

आयुनोॽ आक्‍कोबेॽ हे़निङ्‌नुङ टुसिङाहोङ इगोबाङ्‌सो सारो नुरोॽ लुरेसुङे, ओःबाङ के़ॽ इमाङ ले़ःॽमे ? इन्‍ढोङ्‌होङ हे़निङ्‌मि खा खेम्‍नुङ का फाङ्‌सिघे़टिङे।