२ कोरिन्‍थि 4:6 - याम्फु

⁶ “सेन्‍जुगुपमि रुम्‍बेॽ जोति लिरो” लुघुबा निवाहाङ्‌डे़ॽनोॽ खोमि जोति कानिङ्‌मि निवाबेॽ युङ्‌बेटे़। मो जोतिबाङ निवाहाङ इन्‍डोक बेॽलो ओहाङ्‌नुङ्‌मा ले़ये लुमे खा कानिङे़ॽ लेन्‍डुङ्‌मे़। चइबानोॽ मो जोति चाहिँ येसु खिरिस्‍टबाङ खाङ्‌मुटे़।

२ कोरिन्‍थि 4:6 Iomraidhean Croise

लुका 10:22

“पाबे़ॽ का चोप सक्‍तिनुङ अधिकार पिबेटिङे। पसा असा ले़ये लुनुङ का पाबे़ॽरेॽनोॽ लेये, इडोक्‍नोॽ पाबा असा ले़ये लुनुङ पसानुङ खोसे़ॽ लेमेॽपॽआ याॽमिजिबाङ हाइखाजिडे़ॽ लेसुजिने।”

युहन्‍ना 1:14

बचन चाहिँ हिङा लिसा मोबा सत्यातानुङ अनुग्‍रहाडे़ॽ पुरा लिनुङ कानिङ याॽमिजिनुङ सोरि हिक्‍सा। कानिङे़ॽ खोमि महिमा खाङ्‌डोक्‍टुङ्‌मा, मो महिमा पाबाबाङ लेम्‍बॽआ इक्‍कोमा पसामिडोक्‍मा ले़टा।

युहन्‍ना 11:40

येसुडे़ॽ मारथा लुसु, “इमा के़ॽ हे़न लुबॽआ ने़ॽने, ‘हे़ने़ॽ बिस्‍वास ले़टुहोङ निवाहाङ्‌मि महिमा खाङ्‌डोॽइन्‍डुए।’”

युहन्‍ना 12:41

यसैयाडे़ॽ येसुमि महिमा याक्‍लोनोॽ खाङ्‌डोक्‍नुङ्‌नोॽ खोमि टुम्‍बेॽ लुटुए।

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

१ कोरिन्‍थि 12:8

आढाजि पबित्‍रा होङ्‌निवाडे़ॽ चेन्‍दुबा निवामि बचन इःमे बरदान पिये। आढाजि मोनोॽ होङ्‌निवाडे़ॽ निवामि खा इःमे बरदान पिये।

२ कोरिन्‍थि 2:10

हे़निङे़ॽ आम्‍लाङ पिघुबाजि के़ॽसो आम्‍लाङ पिनुङ्‌हाजि। मोबा के़ॽ आम्‍लाङ पिमा खे़ॽहोङ खिरिस्‍ट येसुमि पोम्‍बेॽ हे़निङ्‌मि लागिनोॽ आम्‍लाङ पिनुङे़।

२ कोरिन्‍थि 3:18

कानिङ चोबे़ॽ नजिक टे़क्‍ठाम ओप्‍ताङ राप्‍पेबॽआ नजिकपेॽ परभुमि महिमा खाङ्‌मुन्‍डुङ्‌मे। परभु होङ्‌निवा ले़येनुङ खोबाङ लेङ्‌इये मो महिमाडे़ॽनोॽ कानिङ खोडोक्‍नोॽ टोङ्‌साङ हागोसो महिमित लिघे़न्‍डिङ्‌मा।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

एफिसि 1:17

कानिङ्‌मि परभु येसुमि निवाहाङ, आदर महिमा ले़ःॽमारोमा पाबाडे़ॽ हे़निङ पबित्‍रा होङ्‌निवाबाङ निवानुङ बुद्‌धि पिरो लुनुङ हे़निङ्‌मि लागि पारथना ले़नुङे। मो निवानुङ बुद्‌धि चुप्‍नुङ हे़निङे़ॽ निवाहाङ छना बेॽलो लेहेन्‍डानुमे।

एफिसि 1:18

के़ॽ इडोॽ लुनुङ्‌सो इगो पारथना ले़नुङे, हे़निङ्‌मि निवामि जोति उरो, हे़निङ हाम्‍बे आसामि लागि के़ए़टे़नुङ, पबित्‍रा याॽमिजिबेॽ खोमि महिमानुङ्‌मा हक अधिकारमि याङ्‌सरावा इमाङ ले़ये, मो हे़निङे़ॽ लेहेसानुमे।

एफिसि 5:8

याक्‍लो हे़निङ्‌सो सेन्‍जुगुप्‍पेॽ टुसानिङ, तर हागो हे़निङ परभुमि पसाजि लिनुङ खोमि जोतिबेॽ टुन्‍डानिङे। मोडोगे़ॽ खोमि जोतिबेॽ राम्‍खुबा याॽमि लिनुङ हिक्‍सानिङे।

फिलिप्‍पि 2:6

येसु खिरिस्‍ट निवाहाङ्‌नोॽ ले़ःॽनुङ्‌सो खोसे़ॽ इन्‍डोक्‍पेॽसो निवाहाङ्‌नुङ बराबरि लिमा मे़मिॽटु।

कलस्‍सि 1:15

खिरिस्‍टमि नरिङ्‌नोॽ, कानिङेॽ मे़ङ्‌खाङ्‌बॽआ निवाहाङ्‌मि नरिङ ले़ये। खो चोप सिरिस्‍टिबाङ्‌सो टुम्‍इये।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

हिब्‍रु 1:3

खोबाङ्‌नोॽ निवाहाङ्‌मि महिमानुङ्‌मा उज्‍यालो पोॽइये। खो निवाहाङ्‌मि चाइबमा नरिङ ले़ये। खोमि सक्‍तिनुङ्‌मा बचनडे़ॽनोॽ नान्‍द्‌रुङ्‌मानुङ मक्‍खाम्‍डेमबेॽहा चोप थोक टुन्‍डुङ्‌घे़हा। याॽमिजि पापबाङ छुट्‌कारा ले़ःॽसेॽनुङ खो चोप्‍पाङ मिन्‍डुनुङ निवाहाङ्‌मि चुप्‍थिङ्‌लाम पेङ्‌इटे़।

हिब्‍रु 6:4

इक्‍खेॽ येसुमि उज्‍यालो जोति चुप्‍नुङ थाङ्‌सिरिमि बरदान लेबेटुजे, मोबा पबित्‍रा होङ्‌निवामि सक्‍तिबेॽ राम्‍इटामे,

१ पत्‍रुस 1:12

निवाहाङ्‌डे़ॽ माहा अगमबक्‍ताजि खोजिमि लागि खाङ्‌मुबॽआ ने़ॽनि, तर हे़निङ्‌मि लागि ले़टे़। इगो खा थाङ्‌सिरिबाङ पाङ्‌बॽआ पबित्‍रा होङ्‌निवाबाङ हे़निङ खेम्‍मेॽपॽआ सुसमाचार इःघुबाजिबाङ आयु हे़निङ लुटे़। थाङ्‌सिरि दुतजिडे़ॽसो इघा खा बेॽलो खाङ्‌मा मिॽटुजे।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

२ पत्‍रुस 1:19

मोडोगे़ॽ अगमबक्‍ताजिडे़ॽ लुबॽआ बचनबेॽ कानिङ छना पक्‍का लिनुङ भरोसा ले़न्‍डुङ्‌मे़। हे़निङे़ॽ इगो खाबेॽ निवा टिमा नुबा लिये इन्‍ढोङ्‌होङ इगोसे़ॽ मो याक मे़लेङ्‌रो, मोबा हे़निङ्‌मि निवाबेॽ माक्‍मिए साङ्‌गे मे़उरो सेन्‍जुगुप्‍पेॽ हाङ्‌इये कुप्‍पिडोॽ लिये।