२ कोरिन्‍थि 4:5 - याम्फु

⁵ कानिङ टाङ्‌बामि खा परचार ले़टुङ्‌मानि, तर येसुमि लागि कानिङ हे़निङ्‌मि सेउते लिनुङ येसु खिरिस्‍टनोॽ परभु ले़ये लुनुङ परचार ले़न्‍डुङ्‌मे़।

२ कोरिन्‍थि 4:5 Iomraidhean Croise

मत्‍ति 23:8

“तर हे़निङ असे़ॽसो ‘गुरुज्‍यु’ मे़लुमिरो, इन्‍ढोङ्‌होङ हे़निङ्‌गो सानुङ्‌उजिगोरे। हे़निङ्‌मि गुरुगो इगो मक्‍खाम्‍डेमबेॽ इक्‍कोरेॽनोॽ टुये।

मत्‍ति 3:11

“चइबानोॽ, हे़निङे़ॽ पाप ले़ःॽमा लेप्‍पेटानुमे लुमे खा खाङ्‌मुमामि लागि योङामि बप्‍तिस्‍मा पिनिम्‍ने़। तर काबाङ ए़क्‍साङ लेङ्‌खुबा चाहिँ काबाङ बेॽलो सक्‍तिदाङ्‌बा ले़ये, कागो खोमि राङ्‌सुपमि तुना हेम्‍मारोमा ले़ःॽङानि। खोसे़ॽ चाहिँ हे़निङ पबित्‍रा होङ्‌निवानुङ मिडे़ॽ बप्‍तिस्‍मा पिये।

युहन्‍ना 7:18

असे़ॽ टाङ्‌बामि निवाबाङ यामुये मोसे़ॽ टाङ्‌बामि लागि सम्‍मान योॽइन्‍डुए, तर असे़ॽ टाङ्‌बा पाङ्‌घुबामि सम्‍मान योॽइन्‍डुए, मो चाइबमा ले़ये, खोसे़ॽ रेम्‍देडुनिबा।

एप्‍पा चोङ्‌सा 10:36

हागो हे़निङे़ॽ लेन्‍डानुमे मुक्‍ति पिघुबा हाङ्‌बा खिरिस्‍ट येसु चोपमि परभु ले़ये। खोबाङ्‌नोॽ निवाहाङ्‌डे़ॽ सान्‍तिनुङ्‌मा सुसमाचार चोप इस्‍राएलिजिबेॽ पाङ्‌इटुए।

एप्‍पा चोङ्‌सा 2:36

“मोडोगे़ॽ चोप इस्‍राएलि याॽमिजि हे़निङे़ॽ इगो खा नुरोॽ लेसानुमे, हे़निङे़ॽ काप्‍सिङ्‌बेॽ किङ्‌नेबॽआ येसुनोॽ निवाहाङ्‌डे़ॽ परभुनुङ मुक्‍ति पिघुबा खिरिस्‍ट टोङ्‌इटुए।”

एप्‍पा चोङ्‌सा 5:31

इस्‍राएलि याॽमिजि पापबाङ निवाहाङ्‌बेॽ टेआप्‍नुङ आम्‍लाङ चुप्‍टुजिरो लुनुङ निवाहाङ्‌डे़ॽ येसु छुट्‌कारा पिघुबा हाङ्‌बा टोङ्‌नुङ खोमि चुप्‍थिङ्‌लाम युङ्‌इटुए।

१ कोरिन्‍थि 1:23

तर कानिङे़ॽ चाहिँ काप्‍सिङ्‌बेॽ बलि लिबॽआ खिरिस्‍टमि सुसमाचार परचार ले़न्‍डुङ्‌मे। इगो खा यहुदिजिमि लागि बाधा पिघुबा खा, मोबा अयहुदिजिमि लागि उम्‍बरिङ खा ले़ये।

१ कोरिन्‍थि 10:33

के़ॽ हाइखा चोपमि लागि चोप नुबा योम्‍बोक ले़ःॽमा योॽइनुङे। हे़निङे़ॽसो के़ॽ ले़टिडोक्‍नोॽ ले़टानुमे। माहा योम्‍बाक काङ्‌मि लागि ने़ॽनि, तर बेॽलो याॽमिजिमि नुबामि लागि ले़नुङे, मो योम्‍बोकबाङ खोजिडे़ॽ मुक्‍ति चुप्‍हेसुजिरो।

१ कोरिन्‍थि 12:3

हे़निङे़ॽ इगो खा लेसानुमे, निवाहाङ्‌मि होङ्‌निवाडे़ॽ लुडिडोॽ यामुघुबा याॽमिडे़ॽ इन्‍डोक्‍पेॽसो “येसु चापहिसुनिबा।” मोबा असे़ॽसो पबित्‍रा होङ्‌निवाडे़ॽ लुसे लुनुङ्‌रेॽ “येसुनोॽ परभु ले़ये” लुन्‍डुए।

१ कोरिन्‍थि 15:47

याक्‍लोए आदम इगो मक्‍खाम्‍डेममि आक्‍खामाबाङ टोक्‍सा। हाइको आदम अथबा खिरिस्‍ट चाहिँ थाङ्‌सिरिबाङ लेस्‍सा।

१ कोरिन्‍थि 2:2

इन्‍ढोङ्‌होङ हे़निङ्‌नुङ टुमाबेॽ के़ॽ येसु खिरिस्‍ट मोबा खो काप्‍सिङ्‌बेॽ सिबॽआ खाबाङ हाइखा इमाङ खासो इःमा मे़मिॽटुङ।

१ कोरिन्‍थि 4:15

इन्‍ढोङ्‌होङ खिरिस्‍टबेॽ हे़निङ्‌मि बेॽलो बेॽलो अगुवाजि टुमिहोङ्‌सो, तर बेॽलो पाबाजिगो माॽआम्‍मे। तर सुसमाचार खेम्‍मेॽनुङ येसु खिरिस्‍ट लेमाराप्‍खुबा का हे़निङ्‌मि पाबा लिटिङे।

१ कोरिन्‍थि 8:6

तरसो कानिङ्‌मि लागि चाहिँ इक्‍कोरेॽनोॽ निवाहाङ पाबा टुये। खोसे़ॽनोॽ चोपमि सिरिस्‍टि ले़टु। खोमि लागिनोॽ कानिङ हिङ्‌इन्‍डिङ्‌मे कानिङ्‌मि लागि इक्‍कोरेॽनोॽ परभु, येसु खिरिस्‍ट टुये। खोबाङ्‌नोॽ चोप खा लिजसानुङ खोबाङ्‌नोॽ कानिङ हिङ्‌इन्‍डिङ्‌मे।

२ कोरिन्‍थि 1:19

इन्‍ढोङ्‌होङ सिलास, तिमोथिनुङ के़ॽ हे़निङ्‌मि रुम्‍बेॽ परचार ले़ःॽपॽआ निवाहाङ्‌मि पसा येसु खिरिस्‍टमि टुम्‍बेॽ लुबॽआ खा चाहिँ भरोसा ले़ःॽमारोमा ले़ये। खोसे़ॽ लिये लुबॽआ खा इन्‍डोॽहोङ्‌सो लियेनोॽ।

२ कोरिन्‍थि 1:24

हे़निङ्‌मि बिस्‍वासबेॽ कानिङ्‌मि अधिकार ले़ःॽमा योक्‍पॽआ ने़ॽनिबा, इन्‍ढोङ्‌होङ बिस्‍वासबेॽको हे़निङ बोलियो ले़न्‍डानिङ। हे़निङ्‌मि हाङ्‌हाङ्‌मि लागि हे़निङ निवा टोङ्‌नुङ योम्‍बोक लेन्‍डानुम।

गलाति 5:13

वावानिसानुङ नानुसाजि, हे़निङ्‌गो फुक्‍का लिसिॽ के़ःॽपॽआ याॽमिजि ले़न्‍डानिङे। तर इगो फुक्‍का चाहिँ हिङाडे़ॽ ले़ःॽमा मिॽपॽआ पापि खानुङ योम्‍बोक ले़ःॽमामि लागि पिबॽआ ने़ॽनिबा। इक्‍कोसे़ॽ हाइको नम्‍नम ले़ःॽनुङ भलाइमि योम्‍बोक ले़टानुमे।

फिलिप्‍पि 1:15

मोबेॽ इक्‍को निप्‍पाङ याॽमिजिबेॽ चेजेवा के़ःॽनुङ परचार ले़ए़टुजे, तर इन्‍डोक जना याॽमिजिडे़ॽ चाहिँ नुबा निवाडे़ॽनोॽ खिरिस्‍टमि टुम्‍बेॽ परचार ले़ए़टुजे।

फिलिप्‍पि 2:11

मोबा चोबे़ॽ निवाहाङ पाबानोॽ ओहाङ पिमामि लागि येसु खिरिस्‍टनोॽ परभु ले़ये लुनुङ स्‍विकार ले़ःॽमा खे़ये।

२ तिमोथि 2:10

मोडोगे़ॽ निवाहाङ्‌डे़ॽ से़म्‍बॽआ याॽमिजिडे़ॽ खिरिस्‍ट येसुबेॽ टुये इन्‍डोक्‍पेॽसो रुक्‍खे़ॽनिबा महिमानुङ्‌मा मुक्‍ति चुप्‍टुजिरो लुनुङ के़ॽ इघा दुःखनुङ खेः आङ्‌मे़ॽनिङ्‌नुङे।

तितस 1:11

अक्‍खाजिमि योम्‍बोक से़क्‍मानोॽ खे़ये इन्‍ढोङ्‌होङ अक्‍खाजिडे़ॽको इःॽमानोॽ फे़न्‍निहा खा इःॽनुङ चोप खिमबेॽ खिमाचुमा ए़ङ्‌इटुजे। इघा चोप खा माहाजिडे़ॽ याङ टोङ्‌मामि लागिनोॽ इडोॽ ले़ए़टुजे।

२ पत्‍रुस 2:3

इडोक्‍हा मे़ॽनोक्‍हा सिक्‍छे इःॽखुबाजि लोभि ले़म्‍मे, माहाजिडे़ॽ माङ्‌माङ्‌हा पारलेन इःनुङ हे़निङ रेम्‍इम्‍मे। याक्‍लोनोॽ माहाजिमि न्‍याय लिबेटे़नुङ, माहाजि चइबानोॽ नासि लिम्‍मे।