२ कोरिन्‍थि 4:4 - याम्फु

⁴ खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

२ कोरिन्‍थि 4:4 Iomraidhean Croise

मत्‍ति 13:22

चिजिङ खाबेॽ सिॽपॽआ चरि चाहिँ याॽमिजिडे़ॽ निवाहाङ्‌मि बचनगो खेम्‍इडुजे, तर इगो मक्‍खाम्‍डेमबेॽहा बेॽलो खालहा सुरतानुङ याङ्‌सरावामि नम्‍नमडे़ॽ बचन टोप्‍सिघे़ये मोबा मो चरिबाङ इक्‍को चासो किङ्‌निहा।

युहन्‍ना 1:14

बचन चाहिँ हिङा लिसा मोबा सत्यातानुङ अनुग्‍रहाडे़ॽ पुरा लिनुङ कानिङ याॽमिजिनुङ सोरि हिक्‍सा। कानिङे़ॽ खोमि महिमा खाङ्‌डोक्‍टुङ्‌मा, मो महिमा पाबाबाङ लेम्‍बॽआ इक्‍कोमा पसामिडोक्‍मा ले़टा।

युहन्‍ना 1:18

निवाहाङ असे़ॽसो आयुरो इन्‍डोक्‍पेॽसो मे़ङ्‌खाङ्‌डिॽ, तर खोमि इक्‍कोमा पसानोॽ, निवाहाङ ले़ये मोबा खो निवाहाङ पाबानुङ सोरि पेङ्‌इये। पसे़ॽनोॽ कानिङ निवाहाङ खाङ्‌मुसा।

युहन्‍ना 12:31

हागो मक्‍खाम्‍डेममि न्‍याय लिमे याक लेम्‍बेटे़। हागो मक्‍खाम्‍डेमबेॽए दुस्‍टामि हाङ्‌बा पाखे़ॽयु राप्‍खे़ये।

युहन्‍ना 12:35

येसुडे़ॽ माहाजि लुसुजि, “हागो इॽछोॽ हे़निङ्‌नुङ जोति टुये, इगो जोति हे़निङ्‌नुङ टुरो राम्‍डुसानिङे। इन्‍ढोङ्‌होङ सेन्‍जुगुपडे़ॽ हे़निङ मे़न्‍टे़गुरो, सेन्‍जुगुपपेॽ राम्‍डुहोङ खो हाम्‍बेॽ खे़ॽमे़ॽनिङ्‌सिये लुनुङ लेसुनि।

युहन्‍ना 12:40

“निवाहाङ्‌डे़ॽ माहाजिमि मिक टेक्‍चुम्‍बेटुजे माहाजिमि निवा निस्‍ठुरि टोङ्‌बेबेॽटुजे। मोडोगे़ॽ इघाजिडे़ॽ खाङ्‌डोक्‍टुजिने, निवे़ॽ लेसुजिने, ने़ॽनिहोङ खोजि टेम्‍मे, मोबा के़ॽ नुबोक्‍मा खे़म्‍मे।”

युहन्‍ना 12:45

असे़ॽ का खाङ्‌डोक्‍इये, मोसे़ॽ का पाङ्‌घुबासो खाङ्‌डोक्‍इन्‍डुए।

युहन्‍ना 14:30

का हे़निङ्‌नुङ हागो बेॽलो खा यामुङानि, इन्‍ढोङ्‌होङ इगो मक्‍खाम्‍डेममि हाङ्‌बा लेम्‍मे़ॽनिङ्‌सिये। तर खोसे़ॽ का इमाङ्‌सो ले़ःॽहेङानिबा।

युहन्‍ना 15:24

के़ॽ हाइखा असे़ॽसो मे़ले़ःॽहेबॽआ खरिहा योम्‍बोक माहाजिमि रुम्‍बेॽ मे़ले़ःॽपॽआ ले़टाहोङ खोजि पापमि आप्‍टिकनुङ्‌मा मे़लिसामे। तर हागो के़ॽ ले़ःॽपॽआ खरिहा योम्‍बोक अक्‍खाजिडे़ॽ खाङ्‌नुङ्‌सो कानुङ काङ्‌मि पाबा सिॽचाटामे।

युहन्‍ना 16:11

खोसे़ॽ निवाहाङ्‌मि न्‍याय लुबॽआ इमाङ्‌डे लुमे खा खाङ्‌मेये, इन्‍ढोङ्‌होङ मक्‍खाम्‍डेमबेॽए हाङ्‌बा (सैतान) मि न्‍याय सिॽपेटे़।”

युहन्‍ना 8:12

मोबा येसुडे़ॽ फेरि माहाजि इःॽसाङ लुसुजि, “का मक्‍खाम्‍डेममि जोति ले़ङे, कानुङ राम्‍खुबा सेन्‍जुगुप्‍पेॽ सिॽनिबा, तर मोसे़ॽ हिङ्‌मवामि जोति चुप्‍मिन्‍डुए।”

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

एप्‍पा चोङ्‌सा 26:23

मुक्‍ति पिघुबा हाङ्‌बा खिरिस्‍टडे़ॽ खेः आङ्‌मानुङ सिमा खे़ये, खो सिघे़ॽपॽआबाङ हिङ्‌बोक्‍खुबाजिबेॽ चोप्‍पाङ याक्‍लोमा लियेनुङ खोसे़ॽ मुक्‍तिमि उज्‍यालो यहुदिजिनुङ अयहुदि जातिहा याॽमिजिबेॽसो लाजे़न्‍डुए, लुनुङ अगमबक्‍ताजिडे़ॽ लुबेबॽआ ले़टे़।”

१ कोरिन्‍थि 10:20

के़ॽ लुमायोक्‍पॽआ खा चाहिँ बिस्‍वास मे़ले़ःॽपॽआ याॽमिजिडे़ॽ बलि चेॽटिमाबेॽ निवाहाङ्‌मि निङ्‌बेॽ ने़ॽनि, तर मङे़ॽमा चापमि निङ्‌बेॽ चेॽटिन्‍डुजे, मोडोगे़ॽ हे़निङ माहा मङे़हा चापजिनुङ सोरि ए़लिसानिङे।

२ कोरिन्‍थि 2:11

इडोॽ सैतानमि यिम्‍माङ्‌बेॽ कानिङ असासो मे़सिॽरो, इन्‍ढोङ्‌होङ मोमि चोप रेम्‍सिङ योम्‍बोक कानिङे़ॽ लेन्‍डुङ्‌मे़।

२ कोरिन्‍थि 2:12

का खिरिस्‍टमि सुसमाचार परचार ले़ःॽसिॽ तोरोआस सहरबेॽ रुक्‍माबेॽ परभुडे़ॽनोॽ खोमि योम्‍बोक ले़ःॽमे नुबा मौका पिसा।

२ कोरिन्‍थि 3:11

इक्‍याक नियाक ए़क्‍साङ मे़खे़ॽखुबा याक्‍लोए महिमानोक्‍सो मोढे़ॽलो पोगा, छना सानिङ्‌मि लागि लेम्‍बॽआ महिमा इन्‍डोक बेॽलो महान ले़ए़ होला ?

२ कोरिन्‍थि 3:14

तर खोजिमि निवा छाक्‍टुवाक लिबॽआ ले़टे़, मोडोगे़ॽ आइरोसो पुरानो करार नेॽमाबेॽ खोजिडे़ॽ चाइबमा खा मे़लेसुजिरो लुनुङ खोजिमि निवा टे़क्‍चुम्‍बॽआसे़ॽ खोजिडे़ॽ मो चाइबमा खा लेसुजिने। मो टे़क्‍चिरा चाहिँ खिरिस्‍टबाङ्‌रेॽनोॽ राप्‍खे़ये।

२ कोरिन्‍थि 3:18

कानिङ चोबे़ॽ नजिक टे़क्‍ठाम ओप्‍ताङ राप्‍पेबॽआ नजिकपेॽ परभुमि महिमा खाङ्‌मुन्‍डुङ्‌मे। परभु होङ्‌निवा ले़येनुङ खोबाङ लेङ्‌इये मो महिमाडे़ॽनोॽ कानिङ खोडोक्‍नोॽ टोङ्‌साङ हागोसो महिमित लिघे़न्‍डिङ्‌मा।

२ कोरिन्‍थि 4:6

“सेन्‍जुगुपमि रुम्‍बेॽ जोति लिरो” लुघुबा निवाहाङ्‌डे़ॽनोॽ खोमि जोति कानिङ्‌मि निवाबेॽ युङ्‌बेटे़। मो जोतिबाङ निवाहाङ इन्‍डोक बेॽलो ओहाङ्‌नुङ्‌मा ले़ये लुमे खा कानिङे़ॽ लेन्‍डुङ्‌मे़। चइबानोॽ मो जोति चाहिँ येसु खिरिस्‍टबाङ खाङ्‌मुटे़।

गलाति 1:4

इगो पापि युगबाङ कानिङ हिङ्‌मेॽसिॽ निवाहाङ पाबामि खा खेम्‍नुङ कानिङ्‌मि पापमि साटो येसु खिरिस्‍ट बलि लिसा।

एफिसि 2:2

मोडोक्‍पेॽ हे़निङ मक्‍खाम्‍डेमबेॽहा पापि रितिथिति ले़ःॽसाङ मङे़हा सक्‍तिमि मायोङ्‌बा सैतानडे़ॽ लुबॽआ खा खेप्‍सानुम। मोसे़ॽ याॽमिजिमि होङ्‌निवाबेॽ निवाहाङ्‌मि टेडिघरिक योम्‍बोक ले़ःॽमे़ॽनिङ्‌सिन्‍डुए।

एफिसि 6:12

इन्‍ढोङ्‌होङ कानिङ्‌मि ङे याॽमिजिनुङ ने़ॽनि, तर से़न्‍जुगुपबेॽहा सासकजि, अधिकारि, नान्‍दरुङ्‌बेॽहा मङे़हा चापजिनुङ सक्‍तिमि बिरोधबेॽ ले़ये।

फिलिप्‍पि 2:6

येसु खिरिस्‍ट निवाहाङ्‌नोॽ ले़ःॽनुङ्‌सो खोसे़ॽ इन्‍डोक्‍पेॽसो निवाहाङ्‌नुङ बराबरि लिमा मे़मिॽटु।

कलस्‍सि 1:15

खिरिस्‍टमि नरिङ्‌नोॽ, कानिङेॽ मे़ङ्‌खाङ्‌बॽआ निवाहाङ्‌मि नरिङ ले़ये। खो चोप सिरिस्‍टिबाङ्‌सो टुम्‍इये।

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

१ तिमोथि 1:11

इगो सिक्‍छे चाहिँ कानिङ आसिस पिघुबा निवाहाङ्‌डे़ॽ काबेॽ भोर ले़ःॽनुङ परचार ले़ःॽमामि लागि पिबॽआ महिमित सुसमाचारबेॽ टुये।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

हिब्‍रु 1:3

खोबाङ्‌नोॽ निवाहाङ्‌मि महिमानुङ्‌मा उज्‍यालो पोॽइये। खो निवाहाङ्‌मि चाइबमा नरिङ ले़ये। खोमि सक्‍तिनुङ्‌मा बचनडे़ॽनोॽ नान्‍द्‌रुङ्‌मानुङ मक्‍खाम्‍डेमबेॽहा चोप थोक टुन्‍डुङ्‌घे़हा। याॽमिजि पापबाङ छुट्‌कारा ले़ःॽसेॽनुङ खो चोप्‍पाङ मिन्‍डुनुङ निवाहाङ्‌मि चुप्‍थिङ्‌लाम पेङ्‌इटे़।

हिब्‍रु 6:4

इक्‍खेॽ येसुमि उज्‍यालो जोति चुप्‍नुङ थाङ्‌सिरिमि बरदान लेबेटुजे, मोबा पबित्‍रा होङ्‌निवामि सक्‍तिबेॽ राम्‍इटामे,

२ पत्‍रुस 1:19

मोडोगे़ॽ अगमबक्‍ताजिडे़ॽ लुबॽआ बचनबेॽ कानिङ छना पक्‍का लिनुङ भरोसा ले़न्‍डुङ्‌मे़। हे़निङे़ॽ इगो खाबेॽ निवा टिमा नुबा लिये इन्‍ढोङ्‌होङ इगोसे़ॽ मो याक मे़लेङ्‌रो, मोबा हे़निङ्‌मि निवाबेॽ माक्‍मिए साङ्‌गे मे़उरो सेन्‍जुगुप्‍पेॽ हाङ्‌इये कुप्‍पिडोॽ लिये।

१ युहन्‍ना 2:11

तर असे़ॽ टाङ्‌बामि वावानिसानुङ नानुसाजि सिॽचोन्‍डुए मो सेन्‍जुगुप्‍पेॽ टुये, खो मो रामबेॽ राम्‍इयेनुङ खो हाम्‍बेॽ खे़ॽमे़ॽनिङ्‌सिये लेसुनिबा। इन्‍ढोङ्‌होङ सेन्‍जुगुपडे़ॽ खो मिक्‍सुरुम्‍बा टोङ्‌इटुए।

१ युहन्‍ना 2:8

तरसो इक्‍को चोङ आग्‍या के़ॽ साप्‍मे़ॽनिङ्‌सिनुङे। मो चाइबमा चाहिँ येसुबेॽनुङ हे़निङ्‌बेॽसो टुये, इन्‍ढोङ्‌होङ सेन्‍जुगुप मे़खे़ॽमे़ॽनिङ्‌सिये, जोति याक्‍लोएबाङ्‌नोॽ टुसिये।

१ युहन्‍ना 5:19

मक्‍खाम्‍डेम सैतानमि अधिनबेॽ सिॽपेबॽआहोङ्‌सो कानिङ चाहिँ निवाहाङ्‌मि याॽमिजि ले़न्‍डिङ्‌मा लुनुङ कानिङे़ॽ लेन्‍डुङ्‌मा।